មានមនុស្សខ្លះស្បែករបស់គេស្រស់ស្អាត ហើយមិនងាយចាស់សោះ មកពីហេតុអ្វី? ព្រោះអាហារនេះ។ ថ្ងៃនេះ អ្នកមកដឹងពីផ្លែឈើទាំង០៣នេះ មានជាតិវីតាមីន និងប្រូតេអ៊ីន ដើម្បីចិញ្ចឹមកោសិការស្បែកបានល្អបំផុត។
១. ផ្លែស្វាយ៖ ជួយការពារសម្រស់ កុំឱ្យវាឆាប់ចាស់លឿនពេក។ មកពីផ្លែឈើមួយនេះ មានអត្ថប្រយោជន៍មិនគួរជឿទេ ដើម្បីការពារសម្រស់បានល្អបំផុត។ ពីព្រោះវាមានសារធាតុវីតាមីនC ជួយកាត់បន្ថយកោសិការស្បែកខូចៗ បណ្តាលមកពីកាំស្មើយូវី(UV) របស់ព្រះអាទិត្យ និងការពារប្រឆាំងរ៉ាឌីកាលសេរី ដែលនាំបំផ្លាញសម្រស់។ ផ្លែស្វាយនេះ ជាកំពូលផ្លែឈើមួយ ដែលមានឥទ្ធិពលជំរុញការផលិតខូឡាជែនដល់ស្បែក និងបំបាត់ស្នាមអុចខ្មៅលើស្បែកផង។
ផ្លែឪឡឹក៖ យោងតាមរយៈគេហទំព័រ Tasteofhome បានណែនាំផ្លែឪឡឹកជាផ្លែឈើសម្បូរទៅដោយវីតាមីនអេ និងវិតាមីនស៊ី ទៅប្រឆាំងអុកស៊ីតកម្មក្នុងរាងកាយ ជាពិសេសគឺសម្បូរដោយជាតិទឹក ដែលអាចជួយធ្វើឱ្យត្រជាក់ក្នុង ស្រស់ស្រាយសប្បាយចិត្តនៅពេលញុំារួច។ ផ្លែឪឡឹកអ្នកអាចយកទៅក្រឡុកធ្វើជាភេសជ្ជៈផឹកក៏មានរសជាតិឆ្ងាញ់ប្លែកមាត់ម៉្យាងដែរ។
៣. ផ្លែចេកថែសម្រស់៖ ការសិក្សាមួយបាននិយាយថា ផ្លែចេកគឺ ជាផ្លែឈើដែលសម្បូរវីតាមីនA B C និងវីតាមីនE ហើយ ប៉ូតាស្យូម ម៉ាញេស្យូម ជាតិដែក ដូចនេះ បានជាផ្លែចេនេះ បានដើរតួនាទីយ៉ាងសំខាន់ក្នុងការប្រឆាំងនឹងភាពចាស់នៃស្បែក និងបំប៉ូវសម្រស់ឱ្យក្មេងជាងវ័យ។ បន្ថែមពីនេះ ការញ៉ាំចេកនៅពេលព្រឹកមួយផ្លែ គឺអាចជួយទប់ស្កាត់ចំណង់អាហារ ជំរុញប្រព័ន្ធរំលាយអាហារឱ្យបន្ទរបង់ងាយស្រួល និងបណ្ដេញជាតិពុលពីខ្លួនបានយ៉ាងល្អផងដែរ៕ អត្ថបទដោយ៖ ទ្រ សុភាព