លោកវេជ្ជបណ្ឌិត Mrunal Gole អ្នកជំនាញ Ayurvedic បានពន្យល់ថា រមៀតពណ៌សត្រូវបានគេប្រើប្រាស់ធ្វើជាឱសថបុរាណសម្រាប់ប្រើប្រាស់អស់ជាច្រើនសតវត្សមកហើយ ដើម្បីដើស្រាយបញ្ហាសុខភាពផ្សេងៗដូចជា ជំងឺមហារីក ជំងឺDyspesia បញ្ហាចង្អោរ និងភាពមិនប្រក្រតីនៃការមករដូវជាដើម។ បើយោងតាមប្រភព Health Shots។

មិនតែប៉ុណ្ណោះទេ រមៀតពណ៌សត្រូវបានគេទទួលស្គាល់ថា មើមមួយដ៏មានប្រសិទ្ធភាពក្នុងការព្យាបលគ្រុនក្ដៅ ផ្ដាសាយ ក្អក ហើមពោះ និងសម្រួលដល់ការរំលាយអាហារ។ បើយោងតាមអ្នកជំនាញបាននិយាយថា ប្រេងសំខាន់ដែលមាននៅក្នុងរមៀតជួយជំរុញដល់ការលូតលាស់សក់ បញ្ហាមុន និងជម្រះស្នាមអុចខ្មៅ។

១.ជួយសម្រួលដល់ការរំលាយអាហារ

រមៀតត្រូវបានគេប្រើជាយូរមកហើយ ដើម្បីពង្រឹងសុខភាពពោះវៀន និងដោះស្រាយប្រព័ន្ធរំលាយអាហារផ្សេងៗ។ នៅក្នុងនោះដែរ លោកវេជ្ជបណ្ឌិត Gole បានមានប្រសាសន៍ថា ឱសថ និងប្រេងដែលមាននៅក្នុងរមៀតអាចជួយដោះស្រាយបញ្ហាដូចជា ចុកពោះ រំលាយអាហារ ចំណង់អាហារទាប ការពារមេរោគពពួកWorm និងការពារទល់លាមក។ លើសពីនេះទៅទៀត ពួកវាមានលក្ខណៈសម្បត្តិឱសថដ៏រឹងមាំ និងដើរតួជាអ្នកព្យាបាលធម្មជាតិ ដើម្បីការពារដំបៅដែលទាក់ទងនឹងភាពតានតឹង។

២.ប្រយុទ្ធប្រឆាំងនឹងការរលាក

រមៀតមានលក្ខណៈសម្បត្តិក្នុងប្រឆាំងនឹងការលាក ហើយមានប្រសិទ្ធភាពអស្ចារ្យក្នុងការកាត់បន្ថយការរលាក។ បើយោតាមប្រភពអ្នកជំនាញ Ayurveda បានមានប្រសាសន៍ថា រមៀតមានប្រយោជន៍ដល់អ្នកដែលមានជំងឺឈឺរលាកសន្លាក់ និងជួយកម្ចាត់ជាតិពុល។ មិនតែប៉ុណ្ណោះទេ សមាសធាតុសកម្ម Curcumenol ចូលរួមចំណែកដល់សមត្ថភាពក្នុងការឈឺចាប់ និងព្យាបាលមុខរបួស ដែលធ្វើឱ្យវាមានប្រយោជន៍សម្រាប់បញ្ហាស្បែក និងការស្ដារមុខរបួស។

៣.សម្បូរទៅដោយសារធាតុប្រឆាំងអុកស៊ីតកម្ម

រមៀតមានច្រើននៅក្នុងសារធាំតុប្រឆាំងអុកស៊ីតកម្មដែលរារាំងការលូតលាស់នៃរ៉ាឌីកាល់សេរី និងភាពតានតឹងអុកស៊ីតកម្មនៅក្នុងកោសិកាដែលមានសុខភាពល្អ។ វាមានផ្ទុកទៅដោយសារធារុ Curcumenol ដែលជាសមាសធាតុប្រឆាំងនឹងអាឡែហ្ស៊ី ដែលការពារការបង្កើយសារធាតុគីមីដែលបង្កឱ្យមានប្រតិកម្មអាឡែហ្ស៊ី និងការធ្វើឱ្យប្រព័ន្ធភាពសុំាសកម្ម។

៤.លើកកម្ពស់សុខភាពស្បែក

រមៀតមានលក្ខណៈសម្បត្តិផ្ដល់នូវសំណើម និងបំប៉នដល់ស្បែក។ ជាការពិតណាស់ រមៀតគឺជាឱសថដ៏អស្ចារ្យដែលអាចការពារផាពចាស់មុនអាយុ និងព្យាយាលបញ្ហាស្បែកដូចជា មុន និងចំណុចខ្មៅលើរាងកាយ។

៥.កាត់បន្ថយបញ្ហាផ្លូវដង្ហើម

ការបញ្ចេញទឹករំអិល និងទឹករំអិលច្រើនពេកនៅក្នុងសួតអាចនាំឱ្យមានបញ្ហាផ្លូវដង្ហើម បណ្ដាលឱ្យមានបញ្ហាផ្លូវដង្ហើម និងលក្ខខណ្ឌដូចជា ជំងឺហឺត ក្អក និងផ្ដាសាយ។ រមៀតជួយដោះស្រាយបញ្ហាទាំងនេះ និងធ្វើឱ្យសុខភាពសួតល្អប្រសើរឡើង នៅពេលទទួលទានក្នុងទម្រង់ផ្សេងៗ៕