ជំងឺស្ទះសរសៃឈាមខួរក្បាលធ្វើឱ្យអ្នកខ្វិន និងធ្វើឱ្យអ្នកជំងឺតែងមានរោគសញ្ញាបែបមិនដឹងមុននោះទេ។ បើមកគ្រូពេទ្យទាន់ពេលវេលាមានឱកាសតិចក្នុងការព្យាបាលជាសះស្បើយណាស់។ វេជ្ជបណ្ឌិត ភួង សុភ័ក្រ្ត ជាគ្រូពេទ្យឯកទេសបេះដូង និងឆ្លុះសរសៃឈាមបេះដូងបម្រើការនៅមន្ទីរពេទ្យមិត្តភាពខ្មែរសូវៀតបានលើកឡើងថា បញ្ហាកំណកខ្លាញ់ធ្វើឳ្យប្រហោងសរសៃឈាមរួមតូច (Atherosclerosis) និងអ្នកជំងឺអាចមានរោគសញ្ញាបាត់បង់លំនឹង ឈរលែងកើត មានអាការៈធីងធោង...។
សម្រាប់អ្នកជំងឺដាច់សរសៃឈាមខួរក្បាលបណ្តាលមកពីការស្ទះ និងដាច់សរសៃឈាមខួរក្បាល ដែលធ្វើឱ្យខួរក្បាលខ្វះការផ្គត់ផ្គង់ឈាម។ តាមមន្ទីរពេទ្យកាល់ម៉ែតបានបញ្ជាក់នេះជារោគសញ្ញាដាច់សរសៃឈាមខួរក្បាល៖
១. ពិបាកនិយាយភ្លាមៗ ឬនិយាយមិនបាន។
២. ទន់ដៃ ជើង មួយចំហៀងភ្លាមៗ (ពាក្យខ្មែរយើងថាស្លាប់មួយចំហៀងខ្លួន)
៣. វៀចមុខភ្លាមៗ សូមបញ្ជូនអ្នកជំងឺមកកាន់មន្ទីរពេទ្យឲ្យបានលឿនបំផុត ព្រោះបើគាត់មកទាន់ក្នុងថិរវេលា ៤ម៉ោងដំបូងក្នុងករណីស្ទះសរសៃឈាមខួរក្បាល។ គាត់អាចទទួលបានការព្យាបាលដោយឱសថទំនើបចុងក្រោយ (Thrombolyse) ដែលអាចរំលាយដុំកំណកឈាមនោះបាន (ប្រសិនបើអ្នកជំងឺ មិនមានកត្តារំខានផ្សេងៗទៀតចំពោះការប្រើប្រាស់ថ្នាំនេះទេ)។
ការអញ្ជើញមកកាន់មន្ទីរពេទ្យជាបន្ទាន់ ក្រោយលោកអ្នកមាន រោគសញ្ញាដូចរៀបរាប់ខាងលើ ជាមួយក្រុមការងារជំនាញប្រសាទសាស្ត្រ និងពហុជំនាញពាក់ពន្ធ័ អមដោយបច្ចេកវិទ្យាថ្មីទំនើប របស់មន្ទីរពេទ្យកាល់ម៉ែត គឺជាកត្តាសត្យានុម័តនៃការកាត់បន្ថយពិការភាព នៃជំងឺនេះ ក៏ដូចជាការកាត់បន្ថយមរណភាពភ្លាម និងយូរអង្វែង។ សូមកុំបណ្តោយឲ្យជំងឺគ្រោះថ្នាក់សរសៃរឈាមខួរក្បាលបំផ្លាញអនាគតអ្នក ឬក៏ក្រុមគ្រួសារអ្នក!