ស្របពេលអាកាសធាតុកំពុងកើនឡើងកម្ដៅណ្ដាលឱ្យមនុស្សជាច្រើនកង្វះនូវជាតិទឹក ទើបជាហេតុនាំឱ្យពពួកគាត់ងាយប្រឈមនឹងការអាការៈក្ដៅក្នុង និងហេវហត់អស់កម្លាំងជា​ខ្លាំង។ ដោយមើលឃើញកត្ដាដែលនាំឱ្យមានបញ្ហាសុខភាពក្នុងរដូវក្ដៅបែបនេះ ក្នុងថ្ងៃនេះក្រុមការងារ Healthy Cambodia យើងនឹងណែនាំភេសជ្ជៈម្យ៉ាងដែលជួយអ្នកក្នុងបំពេញជាតិទឹក និងផ្ដល់ឱ្យអ្នកនូវសុខភាពល្អនោះគឺ “ទឹកត្រឡាច”។ អត្ថប្រយោជន៍នៃការញុំាទឹកត្រឡាចរួមមាន៖

១. ជួយដល់ការរំលាយអាហារ

ក្នុងទឹកត្រឡាចជួយដល់ការំលាយរបស់អ្នកយ៉ាងល្អ។ វាមានការឡូរីទាប ប៉ុន្ដែមានផ្ទុកសារធាតុចិញ្ចឹមនិងជាតិសរសៃច្រើនក្នុងការរំលាយអាហាររបស់អ្នក មិនថែមទាំងប៉ុណ្ណោះវាជួយជួយកម្ពស់រាងកាយឱ្យមានសុខភាពល្អថែមទៀតផង។ តាមការសិក្សាស្រាវជ្រាវបានបង្ហាញថានៅក្នុងទឹកត្រលាចគឺជាប្រភពនៃជាតិសរសៃដែលជួយឱ្យពោះវៀនរបស់អ្នកក្នុងរំលាយអាហារ និងជួយអ្នកក្នុងការសម្រកទម្ងន់បានទៀតផង។

២.ជួយបញ្ចុះកម្ដៅក្នុងខ្លួន និងផ្ដល់ជាតិទឹក

បច្ចុប្បន្នស្របពេលមនុស្សមួយចំនួនកង្វះក្នុងការញុំាទឹកទើបបណ្ដាលឱ្យពួកគាត់ងាយប្រឈមនឹងអាការៈក្ដៅក្នុង និងខ្វះជាតិទឹកច្រើន ដូននេះទឹកត្រឡាចជាភេសជ្ជៈដ៏ល្អពិសេសដែលមានធាតុមួយក្នុងការបញ្ចុះកម្ដៅពីក្នុងខ្លួនអ្នកបានយ៉ាងរហ័ស ហើយជួយបន្ថែមជាតិទឹកដល់អ្នកឡើងវិញ។

៣.ជួយពេញថាមពលឡើងវិញ

ការញុំាទឹកត្រឡាចត្រជាក់ៗមួយកែវទៅពីកែវស្របពេលដែរអ្នកហេវហត់អស់កម្លាំង វាមានអត្ថប្រយោជន៏អ្នកក្នុងការបំពេញថាមពលឡើងវិញ។ វាមានផ្ទុកដោយការបូនអ៊ីដ្រាត និងជាតិស្ករទាបជាសមាសធាតុដ៏ល្អមួយដែលជួយផ្ដល់ឱ្យអ្នកនៅកម្លាំងដែលបានបោះបង់។

៤. ជួយកម្ចាត់ធាតុអាក្រក់ពីក្នុងខ្លួន

វាជួយលុបបំបាត់ចោលនូវកាកសំណល់អាក្រក់ពីរាងកាយតាមរយៈប្រព័ន្ធរំអិលណោក្នុងខ្លួនរបស់អ្នក។ ទឹកត្រឡាចជួយជម្រុញក្នុងកម្ចាត់អង្គធាតុមិនល្អដូចជាសារធាតុពុលដែលនៅកកកុញនៅក្នុងខ្លួនតាមរយៈទឹកនោមនិងញើសរបស់អ្នក។

គ្រឿងផ្សំ និងវិធីធ្វើ៖

គ្រឿងផ្សំរួមមាន៖ ត្រឡាច២ទៅ៣ផ្លែ(ចាស់ៗល្មម) ស្ករស អំបិល ស្លឹកតើយ៥ទៅ១០សន្លឹក។

របៀបធ្វើ៖ កាត់ត្រឡាចជាកង់ៗ(មិនចាំបាច់ចិតសំបកក៏បានដែរ) អាំងឱ្យឆ្ងុយ បន្ទាប់មកដាក់ដាំទឹកចំនួន៣លីត្រដោយបង់ស្លឹកតើយចូលជាមួយគ្នា រហូតដល់ទឹកពុះ១០០អង្សាទើបបង់ត្រឡាចដែលបានអាំងរួចចូល រួមផ្សំជាមួយអំបិលបន្ដិច និងស្ករស(ចង់ផ្អែមខ្លាំង ឬផ្អែមមតិច តាមចំណង់ចំណូលចិត្ដរបស់អ្នក) រម្ងាស់វា១០ ទៅ ១៥នាទីជារួចការស្រេច

ដូចនេះដើម្បីទទួលបាននូវសុខភាពល្អ ចៀសឆ្ងាយពីជំងឺសូមបងប្អូនកុំភ្លេចធ្វើការទទួលទានទឹកត្រឡាចជារៀងរាល់ថ្ងៃ៕

អត្ថបទដោយ៖ ភី សៅឌី