ការហាត់ប្រាណល្អដល់សុខភាព ប៉ុន្តែបើអ្នកហាត់ខុសក្បួនអាចប៉ះពាល់សុខភាពដែរ។ មានអ្នកខ្លះចេះតែលើកលើសកម្រិតឬលើសកម្លាំងខ្លួននាំឱ្យខូចសរសៃរ និងបាក់ដៃក៏មានដែរ។ ជាពិសេសអ្នកហាត់ប្រាណត្រូវដឹងរឿងទាំង ៣នេះដើម្បីខ្លួនពីគ្រោះថ្នាក់៖
កំហុសទីមួយគឺលើកដុំដែកគ្មានគ្រូ ហើយចេះតែលើកធ្ងន់ៗ ក៏ប៉ះពាល់ដល់សុខភាពដែរ។ តាមលោកវេជ្ជបណ្ឌិត Pham Duy Hung អនុប្រធានផ្នែកវេជ្ជសាស្ត្រផ្នែកសួតបានលើកឡើងថា ពេលអ្នកប្រើរាងកាយលើកទម្ងន់លើសកម្រិតពេកក្នុងការហាត់ប្រាណនោះ នាំឱ្យបង្កើនសម្ពាធក្នុងដើមទ្រូងបណ្តាលឱ្យពពុះខ្យល់នៅក្រោម pleura ប្រេះ( pleura ជាភ្នាសស្តើងពីរស្រទាប់នៅរុំជុំវិញសួត និងតម្រង់តាមប្រហោងទ្រូង)។ នេះជាមូលហេតុប៉ះពាល់ដល់សួតផ្នែកខាងក្រៅ (pneumothorax ) បើទោះបីជាអ្នកជំងឺមិនមានជំងឺសួតក៏ដោយ។ ព្រោះបញ្ហាសួតនេះជាបញ្ហាឈឺស្ងាត់ៗ រហូតដល់ពេលមួយ វាចាប់ផ្តើមធ្វើទុកដល់អ្នកតែម្តង។ មកពីវាគៀបសរសៃឈាមបេះដូង និងសរសៃឈាមធំៗ បណ្តាលឱ្យស្ទះផ្លូវដង្ហើម ហើយអាចធ្វើឱ្យអ្នកបាត់បងជីវិតផងដែរ។
សម្រាប់កំហុសទីពីរវិញនោះគឺអ្នកហាត់ប្រាណជាច្រើនប្រើអាហារបំប៉នមុនពេលហាត់ប្រាណដូចជាម្សៅប្រូតេអ៊ីនWhey លើសកម្រិត ហើយហាត់ប្រាណមិនអាចបញ្ចេញជាតិម្សៅប្រូតេអ៊ីននេះអស់ទេ ក៏ប៉ះពាល់ដល់សុខភាព។ ព្រោះសារធាតុទាំងនេះអាចបណ្តាលឱ្យស្ទះសរសៃឈាម និងប៉ះពាល់ដល់ចង្វាក់បេះដូងថែមទៀត។ មុនប្រើម្សៅប្រូអ៊ីនពង្រឹងសាច់ដុំ អ្នកគួរនិយាយជាមួយអ្នកជំនាញ និងគ្រូពេទ្យ ដើម្បីការពារសុខភាពបេះដូងរបស់អ្នកផងដែរ។
ពេលខ្លះកំហុសតិចតូចក៏អាចឆក់អាយុជីវិតរបស់អ្នកបានដែរ។ ដូចជាពេលអ្នកធ្វើលំហាត់ប្រាណ បើមានអ្វីមួយខុសប្រក្រីមានដូចជា អស់កម្លាំងខុសពីធម្មតា វិលមុខ ស្ទើរតែដួលសន្លប់ ញ័រទ្រូង និងចង្វាក់បេះដូងលោតយ៉ាងលឿន។ ហើយចំណែកដៃ ជើងត្រជាក់ និងសម្រាករួចហើយជីពចរមិនថយចុះសោះ ទាំងនេះជារោគសញ្ញានាំបញ្ហាដល់ពិការរាងកាយរបស់អ្នកលឿនណាស់។ ចូរអ្នកឈប់សម្រាកសិន ឬមួយអ្នកគួរពិគ្រោះជាមួយគ្រូពេទ្យសិនសិន។ កុំឱ្យបញ្ហានេះបង្កជាបញ្ហាកាន់តែធំដល់រាងកាយគឺដាច់សរសៃឈាមខួរក្បាល ឬមួយអាយុជីវិតផងដែរ៕ អត្ថបទដោយ៖ ទ្រ សុភាព