ស្រ្តេសរយៈពេលយូរ ធ្វើឱ្យប្រព័ន្ធសរសៃប្រសាទ និងប្រព័ន្ធ endocrine មានប្រតិកម្មតាមវិធីជាច្រើន។ ហើយអរម៉ូនស្ត្រេស cortisol កើនឡើង នាំឱ្យមានការរំខានដល់វដ្តនៃការគេង-ភ្ញាក់ ហើយផ្លាស់ប្តូរកម្រិតជាតិស្ករក្នុងឈាម និងបម្រែបម្រួលអាំងស៊ុយលីន។ ចំពោះការផ្លាស់ប្តូរទាំងនេះក៏ប៉ះពាល់ដល់ជាលិកា adipose ដែលធ្វើឱ្យជាតិខ្លាញ់កាន់តែងាយស្រួលក្នុងការប្រមូលផ្តុំនៅក្នុងតំបន់ក្បាលពោះជាពិសេសជាតិខ្លាញ់Visceral(ពិបាករំលាយ)នេះឯង។

មនុស្សភាគច្រើនដែលមានបញ្ហាស្រ្តេសនាំឱ្យគេងតិច ឬគេងមិនសូវលក់តែម្តង។ ការគេងស្ងប់ មិនត្រឹមតែសម្រាប់ការសម្រាករាងកាយ និងផ្លូវចិត្តប៉ុណ្ណោះទេ វាក៏ដើរតួនាទីក្នុងការគ្រប់គ្រងជាតិស្ករក្នុងឈាម និងអរម៉ូនផងដែរ។ ដូច្នេះ ការគេងមិនគ្រប់គ្រាន់នឹងបង្កើនភាពធន់នឹងអាំងស៊ុយលីន ការឃ្លានអាហារដែលមានជាតិស្ករ និងកាបូអ៊ីដ្រាតជាការបង្កើនស្តុកទុកជាតិខ្លាញ់នៅក្នុងក្បាលពោះកាន់តែច្រើនឡើង។ នេះយោងតាម ​​Healthline។ ដើម្បីបំបែកខ្លាញ់ក្បាលពោះ អ្នកត្រូវហូបបន្លែ ផ្លែឈើ ការគេង និងបន្ថែមហាត់ប្រាណ ទើបរាងកាយអស់ស្រ្តេស អស់ជាតិខ្លាញ់ដែលនៅក្នុងក្បាលពោះ៕ អត្ថបទដោយ៖ ទ្រ សុភាព