បើអ្នកចង់សម្រកគីឡូ និងបញ្ចុះជាតិស្ករក្នុងឈាម មិនដឹងហូបបន្លែមួយណានោះ កុំពិបាកចិត្តច្រើនទៀតណា! អ្នកគួរហូបបន្លែមួយនេះ មានអត្ថប្រយោជន៍ច្រើនដល់សុខភាព ព្រោះវាសម្បូរទៅដោយសារធាតុចិញ្ចឹមសំខាន់ៗ ដូចជា កាឡូរី៤,? ខ្លាញ់ ០,៣ក្រាម, កាបូអ៊ីដ្រាត ១១ក្រាម, ប្រូតេអ៊ីន ២ក្រាម, ជាតិសរសៃ ១.៥ក្រាម, វីតាមីនC ៨ ក្រាម, វីតាមីនK ៤៩mcg, ម៉ាញ៉េស្យូម ៣៩mcg, ប៉ូតាស្យូម ៤៤២មីលីក្រាម, និងម៉ង់ហ្គាណែស ០,២មីលីក្រាម...សម្រាប់បន្លែមួយនេះគឺបន្លែត្រសក់នេះឯង។ ហើយត្រសក់នេះមានជាតិទឹកកម្រិតខ្ពស់រហូត ៩៥%។
អ្នកញ៉ាំត្រសក់រាល់ថ្ងៃជួយអ្នកសម្រកកីឡូ។ ព្រោះត្រសក់មានផ្ទុកជាតិទឹកច្រើនធ្វើឱ្យអ្នកមានអារម្មណ៍ថាឆ្អែតបានយូរ ហើយជួយអ្នកក្នុងការគ្រប់គ្រងគីឡូមិនឱ្យធាត់ផងដែរ។ ផ្លែត្រសក់មិនមានផ្ទុកជាតិខ្លាញ់ តែមានកាឡូរីទាបដើម្បីសម្រកគីឡូ។ ហើយត្រសក់នេះក៏មានសមាសធាតុ fisetin ជួយកាត់បន្ថយហានិភ័យជំងឺមហារីកមួយទៀត។
ត្រសក់ជួយកាត់បន្ថយជាតិស្ករក្នុងឈាម។ ការញ៉ាំត្រសក់រាល់ថ្ងៃមានសមត្ថភាពកាត់បន្ថយកម្រិតជាតិស្ករក្នុងឈាម ហើយជួយការពារផលវិបាកពីជំងឺទឹកនោមផ្អែមផងដែរ។ ហើយអ្វីដែលកាន់តែពិសេសនោះ វាមានប្រសិទ្ធភាពក្នុងការកាត់បន្ថយអុកស៊ីតកម្ម ការពារផលវិបាកការកើនឡើងជាតិស្ករក្នុងឈាម។ ព្រោះត្រសក់មានសមាសធាតុ phenolic flavonoids និងtriterpenes ដែលមានផលវិជ្ជមានដល់ការគ្រប់គ្រងកម្រិតជាតិស្ករក្នុងឈាមរបស់អ្នកយ៉ាងល្អបំផុត។
ចំពោះអ្នកខះជាតិទឹកក្នុងរាងកាយជាកត្តាមួយមានហានិភ័យចម្បងសម្រាប់ការទល់លាមក។ ត្រសក់មានជាតិទឹកច្រើនជួយផ្តល់ជាតិទឹកក្នុងរាងកាយឱ្យមានគ្រប់គ្រាន់។ ការរក្សាជាតិទឹកក្នុងរាងកាយគ្រប់គ្រាន់ ធ្វើឱ្យគ្មានការទល់លាមកទេ ព្រោះពោះវៀនស្រួលដំណើរការ។ មកពីត្រសក់មានជាតិសរសៃជួយគ្រប់គ្រងចលនាពោះវៀន។ ជាពិសេសវាមានសារធាតុ pectin ដែលជាជាតិសរសៃរលាយមាននៅក្នុងត្រសក់ ជួយបង្កើនប្រេកង់ចលនាពោះវៀន ចិញ្ចឹមបាក់តេរីល្អដែលមានអត្ថប្រយោជន៍ក្នុងពោះវៀន និងកែលម្អសុខភាពរំលាយអាហារបានល្អបំផុត៕ យោងតាមគេហទំព័រ Healthline អត្ថបទដោយ៖ ទ្រ សុភាព