ថ្លើមមានមុខងារយ៉ាងច្រើន ដែលរួមមានការបន្សាបជាតិពុល ការសំយោគប្រូតេអ៊ីន និងការផលិតសារធាតុគីមីជីវសាស្ត្រដែលចាំបាច់សម្រាប់រំលាយអាហារ។ បើយោងតាមប្រភព sciencedirect បានចុះផ្សាយថា បញ្ហាថ្លើមក៏សំខាន់ដូចគ្នាគេបានរកឃើញ ក្នុងឆ្នាំ២០២០ មនុស្សប្រមាណ ៩០៥.៧០០នាក់ត្រូវបានគេធ្វើរោគវិនិច្ឆ័យថាមានជំងឺមហារីកថ្លើម ហើយមនុស្ស ៨៣០.២០០នាក់បានស្លាប់ដោយសារជំងឺមហារីកថ្លើមនៅទូទាំងពិភពលោក។យោងតាមគេហទំព័រ Healthline និង Health Shots បានចុះផ្សាយថា ញ៉ាំផ្លែ ៤មុខនេះជួយសុខភាពថ្លើម៖
១. ការហូបផ្លែក្រូចថ្លុងមានអត្ថប្រយោជន៍ដល់សុខភាពថ្លើមដោយការពារការខូចខាត និងការរលាក។ ព្រោះក្រូចថ្លុងមានសារធាតុប្រឆាំងអុកស៊ីតកម្មការពារថ្លើមធម្មជាតិដូចជា naringenin និង naringin ។ ហើយវាជួយកាត់បន្ថយការវិវត្តជំងឺក្រិនថ្លើម ហើយការពារជំងឺរលាកថ្លើមរ៉ាំរ៉ៃ។
២. ផ្លែល្វាក៏សម្បូរទៅដោយជាតិសរសៃ និងសារធាតុប្រឆាំងអុកស៊ីតកម្មជួយការពារថ្លើមពីការខូចខាត។ មិនត្រឹមតែផ្តល់ជាតិសរសៃជួយដល់ការរំលាយអាហារប៉ុណ្ណោះទេ វាថែមទាំងមានអង់ស៊ីមដែលជួយបំបែកជាតិពុល ហើយរួមចំណែកដល់ដំណើរការបន្សាបជាតិពុលចេញពីថ្លើមបានល្អបំផុត។
៣. ផ្លែប៉ោមមានផ្ទុកនូវសារធាតុចិញ្ចឹម មានជាតិរ៉ែ និងមានជាតិវីតាមីនCច្រើនជាសារធាតុប្រឆាំងអុកស៊ីតកម្មនិងបាក់តេរីដែលជួយសម្លាប់ពពួកបាក់តេរីអាក្រក់ៗ ហើយបង្កើនចំនួនបាក់តេរីល្អជំនួសមកវិញដើម្បីថែសុខភាពថ្លើមចេញពីជាតិពុល។
៤. ផ្លែប័រសម្បូរសារធាតុ glutathione រួមទាំងសារធាតុប្រឆាំងបាក់តេរី និងអុកស៊ីតកម្មដែលជួយសម្អាតថ្លើមចេញពីជាតិពុល។ ហើយផ្លែឈើនេះជួយថ្លើមក្នុងដំណើរការបន្សាបជាតិពុល ឬបញ្ចេញជាតិពុលតាមរយៈទឹកនោម និងលាមកផងដែរ។
ដូច្នេះ! ផ្លែឈើទាំងបួននេះ ល្អសម្រាប់ថ្លើមណាស់(នៅខ្មែរយើងមានលក់ច្រើន)។ ហើយដើម្បីឱ្យថ្លើមមានសុខភាពល្អ សូមអ្នកគួរចៀសវាងការផឹកស្រា អាហារជាតិខ្លាញ់ និងភេសជ្ជៈគ្រឿងផ្អែមៗ ទើបអ្នករស់នៅបានយូរគ្មានជំងឺមហារីកថ្លើមនោះទេ។ ហើយអ្នកគួរទៅពិនិត្យសុខភាពថ្លើមមួយឆ្នាំមួយដងដើម្បីដឹងពីស្ថានភាពសុខភាពរបស់អ្នក ហើយអ្នកស្រួលការពារថ្លើមផងដែរ៕ អត្ថបទដោយ៖ ទ្រ សុភាព