យោងតាមសេចក្តីប្រកាសរបស់ ក្រសួងការងារនិងបណ្តុះបណ្តាលវិជ្ជាជីវៈ បានចេញសេក្តីជូនដំណឹងស្តីពីការអនុវត្តការឈប់បុណ្យដែលមានប្រាក់ឈ្នួលប្រចាំឆ្នាំ២០២៥ សូមម្ចាស់ ឬនាយកសហគ្រាស ក្រុមហ៊ុន រោងចក្រអនុញ្ញាតឱ្យកម្មករនិយោជិតរបស់ខ្លួនឈប់សម្រាកដោយមានប្រាក់ឈ្នួល នាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៥ ខាងមុខនេះ។
សេចក្តីប្រកាសដដែលបានបន្តឱ្យដឹងថា ដោយនៅក្នុងនោះកំណត់ឱ្យកម្មករនិយោជិត ដែលធ្វើនៅរោងចក្រសហគ្រាសទាំងអស់ ឈប់សម្រាកចំនួន ៣ ថ្ងៃ ដោយរាប់ចាប់ពីថ្ងៃទី៤-៥-៦ ខែវិច្ឆិកា ឆ្នាំ២០២៥ និងត្រូវសម្របសម្រួលរៀបចំបើកប្រាក់ឈ្នួល ខែតុលា ដែលកម្មករនិយោជិតត្រូវទទួលឱ្យបានមុនថ្ងៃឈប់សម្រាក់នេះ។
ចំពោះរោងចក្រ សហគ្រាសទាំងឡាយដែលកម្មវត្ថុ អាជីវកម្មមានចរិតលក្ខណៈសកល ត្រូវប្រព្រឹត្តទៅជាប្រចាំនិងមិនអាចបញ្ឈប់សកម្មភាពបាន ហើយ ការឈប់សម្រាកបុណ្យនៃកម្មករនិយោជិកទាំងអស់ត្រូវព្រមគ្នាក្នុងពេលតែមួយនាំឱ្យខូចប្រយោជន៍ ដល់សារធារណជន ឬក៏ធ្វើឱ្យខូចដំណើរការរបស់រោងចក្រសហគ្រាសនោះម្ចាស់ឬនាយករោង ចក្រសហគ្រាសត្រូវរៀបចំបែងចែកឱ្យកម្មករនិយោជិតបានឈប់សម្រាកទៅតាមថ្ងៃនីមួយៗដោយ ផ្លាស់វេនគ្នា។
គួរបញ្ជាក់ថា នៅរយៈប្រហែល១សប្តាហ៍ទៀតប៉ុណ្ណោះ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកនឹងឈានចូលមកដល់ហើយ ខណៈចាប់ពីថ្ងៃទី៤ ដល់ថ្ងៃទី៦ ខែវិច្ឆិកា ឆ្នាំ២០២២ ដែលប៉ះចំថ្ងៃ អង្គារ៍ ពុធ ព្រហស្បតិ៍ ៕
