ក្នុងនោះអាចមកពីកត្តាតំណពូជ តែនោះគឺជារឿងដែលកម្រ ។ ហើយមួយក្នុងចំណោមកត្តាជាច្រើនទៀតគឺ អាយុ មនុស្សដែលមានអាយុលើស ៤០ ឆ្នាំមានហានិភ័យខ្ពស់ក្នុងការកើតជំងឺទឹកនោមផ្អែមប្រភេទទី ២។ ជំងឺប្រភេទទី ២ នេះភាគច្រើនកើតឡើងយ៉ាងស្ងៀមស្ងាត់ មិនមានរោគសញ្ញាច្បាស់លាស់ ធ្វើឱ្យមនុស្សពិបាកនឹងដឹងខ្លួនថាកំពុងមានជំងឺ។ ក្រៅពីកត្តាអាយុ ក៏មានកត្តាផ្សេងៗទៀតដូចជា៖ ការឡើងគីឡូខ្លាំង ឬធាត់លើសទម្ងន់ កង្វះការហាត់ប្រាណប្រចាំថ្ងៃ ស្ត្រេសច្រើន ឬតានតឹងផ្លូវចិត្ត ការគេងមិនបានគ្រប់គ្រាន់ ការទទួលទានអាហារមិនមានតុល្យភាព ជាដើម។ 

វេជ្ជបណ្ឌិតបានសង្កត់ធ្ងន់ជាពិសេសថា ចំណីអាហារគឺជាកត្តាសំខាន់បំផុត។ មិនមែនតែអាហារផ្អែមទេដែលបង្កហានិភ័យ ប៉ុន្តែអាហារដែលមានជាតិខ្លាញ់ខ្ពស់ អាហារមានរសជាតិប្រៃខ្លាំង ការផឹកស្រា និងជក់បារី ក៏អាចជាប្រភពបង្កជំងឺទឹកនោមផ្អែមដែរ។ ពីព្រោះអាហារទាំងនេះធ្វើឱ្យប្រព័ន្ធរំលាយអាហារខូច ការប្រើប្រាស់អាំងសុយលីនរបស់រាងកាយកាន់តែអសកម្ម និងបណ្តាលឱ្យកើតជាបញ្ហាការគ្រប់គ្រងជាតិស្ករនៅក្នុងឈាម។

វេជ្ជបណ្ឌិត ផិត រ៉ាដា បានផ្ដល់អនុសាសន៍ថា បើទោះបីជាជំងឺទឹកនោមផ្អែមអាចកើតឡើងដោយសារតំណពូជក៏ដោយ ក៏មិនមែនជាអ្វីដែលយើងគួរភ័យខ្លាចនិងត្រូវចាប់អារម្មណ៍ខ្លាំងដែរ។ តែអ្វីដែលអ្នកគួរយកចិត្តទុកដាក់គឺ ទម្លាប់នៃការរស់នៅប្រចាំថ្ងៃដូចជា ការរក្សាទម្ងន់ខ្លួនឯងឱ្យបានសមល្មម ហាត់ប្រាណឱ្យទៀងទាត់ គេងឱ្យគ្រប់គ្រាន់ កាត់បន្ថយស្ត្រេស និងការទទួលទានអាហារដែលមានសារធាតុចិញ្ចឹម គឺជាវិធីល្អបំផុតក្នុងការការពារ និងបង្ការ ជំងឺទឹកនោមផ្អែមឱ្យឆ្ងាយពីជីវិតយើង ហើយទាំងនេះគឺសុទ្ធតែជាអ្វីដែលយើងទាំងអស់គ្នាអាចធ្វើបាន។

ដូច្នេះ សម្រាប់អ្នកដែលមានបញ្ហាសុខភាព ចង់ទំនាក់ទំនងពិគ្រោះយោបល ពិនិត្យជំងឺ អាចទាក់ទងបានទៅលោកវេជ្ជបណ្ឌិត ផិត រ៉ាដា ឯកទេសជំងឺទឹកនោមផ្អែក និងជំងឺទូទៅ ជាស្ថាបនិកគ្លីនិកវេជ្ជបណ្ឌិត ផិត រ៉ាដា។ តាមរយៈទំនាក់ទំនងតាមលេខទូរស័ព្ទ 077 570 018/ 068 77 48 44/ 010 77 48 44 ៕