១. ត្រីដែលមានជាតិបារតខ្ពស់៖ បារតគឺជាជាតិពុលមួយដែលអាចស្ថិតនៅក្នុងទឹក ឬដី។ ត្រីមួយចំនួនដែលរស់នៅក្នុងបរិស្ថានមានបារតខ្ពស់ អាចបញ្ចូលសារធាតុនេះទៅក្នុងសាច់របស់វា។ នៅពេលមនុស្សញ៉ាំត្រីប្រភេទនេះជាប្រចាំ សារធាតុបារត នឹងប្រមូលផ្តុំក្នុងរាងកាយ បណ្តាលឱ្យខូចប្រព័ន្ធសរសៃប្រសាទ ប៉ះពាល់ដល់ការចងចាំ និងបង្កើនហានិភ័យនៃជំងឺផាកឃីនសុន ឬជំងឺថ្លើម។ ជាពិសេសស្ត្រីមានផ្ទៃពោះ និងកុមារតូចៗគួរប្រុងប្រយ័ត្ន ព្រោះសារធាតុនេះអាចប៉ះពាល់ដល់ការអភិវឌ្ឍខួរក្បាលកូន។

ហើយត្រីដែលគេស្គាល់ថាមានជាតិបារតខ្ពស់រួមមាន ត្រីឆ្លាម ត្រីដាវ ត្រីធូណា អន្ទង់ និងត្រីស៊ីលី។ ផ្ទុយទៅវិញ ត្រីដែលមានជាតិបារតទាប និងសុវត្ថិភាពក្នុងការញ៉ាំជាប្រចាំមានដូចជា ត្រីសាម៉ុង ត្រីសាឌីន បង្គា និងត្រី herring។ ត្រីទាំងនេះសម្បូរទៅដោយអូមេហ្គា-3 និងជាតិដែក ដែលជួយថែរក្សាបេះដូងឱ្យរឹងមាំ។

២. ត្រីប្រៃ និងត្រីប្រឡាក់៖ ត្រីប្រៃ ឬត្រីប្រឡាក់ ជាម្ហូបដែលគេចូលចិត្តនៅគ្រប់តំបន់ ប៉ុន្តែវាមានហានិភ័យដល់សុខភាពច្រើន។ ប្រសិនបើដំណើរការផលិតមិនមានអនាម័យ ឬមិនមានអំបិលគ្រប់គ្រាន់ អាចនាំឱ្យកើតបាក់តេរី Clostridium botulinum ដែលបង្កជាពុលអាហារដ៏គ្រោះថ្នាក់។ លើសពីនេះទៅទៀត ក្នុងអំឡុងពេល fermentation ត្រីអំបិលអាចបង្កើតសារធាតុ nitrite បើវាប្រតិកម្មជាមួយប្រូតេអ៊ីននៃអាហារ នឹងបង្កើត nitrosamine ដែលសារធាតុបង្កមហារីកដ៏គ្រោះថ្នាក់គឺមហារីកក្រពះ និងមហារីកពោះវៀនធំ។ ដូច្នេះ ត្រីប្រៃគួរញ៉ាំតែម្ដងម្កាល មិនគួរញ៉ាំជាប្រចាំឡើយ។

៣. ត្រីដែលមានក្លិនចម្លែក៖ ត្រីដែលមានក្លិនខ្លាំង ឬក្លិនចម្លែក ជាសញ្ញាថាវាមិនមែនជាត្រីស្រស់។ នៅក្នុងទីផ្សារខ្លះ អ្នកលក់មិនស្មោះត្រង់ប្រើសារធាតុ formaldehyde ឬថ្នាំសម្លាប់សត្វល្អិត ដើម្បីលាក់ក្លិនស្អុយនិងបង្ការការរលួយ។ Formaldehyde ជាសារធាតុបង្កមហារីកដែលអាចប៉ះពាល់ដល់ប្រព័ន្ធដង្ហើម និងថ្លើម។ ដើម្បីជៀសវាងគ្រោះថ្នាក់នេះ អ្នកគួរជ្រើសរើសត្រីស្រស់ដែលមានភ្នែកច្បាស់ សាច់រឹង មិនជូរ និងមានក្លិនធម្មជាតិ។ ត្រូវទិញត្រីពីប្រភពដែលអាចទុកចិត្តបាន និងរក្សាទុកតាមស្តង់ដារ។

៤. ការចម្អិនត្រីនៅសីតុណ្ហភាពខ្ពស់៖ ដូចជា ត្រីអាំង ឬត្រីចៀនអាចមានរសជាតិឆ្ងាញ់ ប៉ុន្តែការចម្អិននៅសីតុណ្ហភាពខ្ពស់អាចបង្កើតសារធាតុបង្កមហារីក ដូចជា benzopyrene និង heterocyclic amine។ សារធាតុទាំងនេះត្រូវបានរកឃើញថា មានទំនាក់ទំនងជាប់នឹងការកើតជំងឺមហារីកក្រពះ និងពោះវៀនធំ។ ការចៀន ឬអាំងក៏អាចបំផ្លាញអាស៊ីតអាមីណូ និងជាតិអាហារសំខាន់ៗផ្សេងទៀត បណ្តាលឱ្យត្រីបាត់បង់តម្លៃនៃអាហារូបត្ថម្ភ។ ដូច្នេះ ប្រសិនបើអ្នកចង់រក្សាសុខភាពល្អ គួរជ្រើសរើសវិធីចម្អិនដែលមានសុវត្ថិភាពជាង ដូចជា ចំហុយ ស្ងោរ ឬធ្វើស៊ុប ជាដើម។ វាមិនត្រឹមតែរក្សាសារធាតុចិញ្ចឹមបានល្អទេ ប៉ុន្តែថែមទាំងល្អសម្រាប់ប្រព័ន្ធរំលាយអាហារផងដែរ។

តើត្រូវញ៉ាំត្រីប៉ុន្មាន និងបែបណាទើបល្អ? អ្នកជំនាញផ្តល់អនុសាសន៍ឱ្យញ៉ាំត្រីប្រហែល ពីរដងក្នុងមួយសប្តាហ៍ (ប្រហែល 340 ក្រាមសរុប)។ ចំពោះស្ត្រីមានផ្ទៃពោះ ឬបំបៅដោះកូន គួរកំណត់ត្រឹមប្រហែល 280 ក្រាមក្នុងមួយសប្តាហ៍ ដើម្បីកាត់បន្ថយការស្រូបជាតិបារត។ ហើយគួរចម្អិនត្រីដោយវិធីដែលល្អសម្រាប់សុខភាពដូចជា ចំហុយ ស្ងោរ ឬធ្វើស៊ុប ហើយគួរជៀសវាងត្រីចៀន ឬដុតជាប្រចាំ។ រួមបញ្ចូលត្រីជាមួយអាហារដទៃទៀតដូចជាបន្លែ ផ្លែឈើ និងគ្រាប់ធញ្ញជាតិ ដើម្បីទទួលបានអាហាររូបត្ថម្ភដែលមានតុល្យភាព៕

អត្ថបទដោយ៖ សារួ