អំណោយជំនួយមនុស្សធម៌លើកទី១៣ របស់មូលនិធិសង្គ្រោះជីវិតសកលនៃសាធារណរដ្ឋកូរ៉េ (Global Life Sharing) ដែលមានសម្ភារវេជ្ជសាស្ត្រ(ឧបករណ៍ផលិតអ៊ុកស៊ីសែន គ្រែពេទ្យ ម៉ាស៊ីន X-ray កៅអីសម្រាប់រុញអ្នកជំងឺ ឧបករណ៍សម្រាប់ច្រក់រៀនដើរ...) ឱសថ និងសម្ភារប្រើប្រាស់ប្រចាំថ្ងៃ ក្នុងទំហំទឹកប្រាក់ប្រមាណជាង ១លានដុល្លារអាមេរិក។

ឯកឧត្តម សុខ សំណាង ក៏សូមថ្លែងអំណរគុណដល់លោក MIN BYONG JANG នាយកគ្រប់គ្រងអគារ PGCT ដែលតែងតែជួយសម្របសម្រួលការងារមូនិធិកូរ៉េ ក៏ដូចជាផ្តល់ទីតាំងសម្រាប់ទំនាក់ទំនង ប្រជុំកិច្ចការសប្បុរសធម៌នេះ ដែលផ្តល់ភាពងាយស្រួលរវាងភាគីកម្ពុជា និងកូរ៉េដើម្បីសហប្រត្តិបត្តិការការងារ ផ្តល់នូវផលប្រយោជន៍ជាច្រើនដល់ប្រជាជនខ្មែរយើង ជាពិសេសក្នុងគ្រាដែលកម្ពុជា​ជួបការលំបាកកន្លងមក។

សូមបញ្ជាក់ផងដែរថា ពិធីប្រគល់-ទទួលជំនួយមនុស្សធម៌នេះ ប្រព្រឹត្តទៅដោយមានការអញ្ជើញចូលរួមពីសំណាក់សមាជិកគណៈកម្មកាទី១០ព្រឹទ្ធសភា តំណាងមូលនិធិចែករំលែកសង្គ្រោះជីវិតសកលនៃសាធារណរដ្ឋកូរ៉េ និងឯកឧត្តម សុខ សំណាង ជំនួយការសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមការងារសម្រសម្រួលជំនួយមនុស្សធម៌ព្រឹទ្ធសភាកម្ពុជា ជាមួយមូលនិធិចែករំលែកសង្គ្រោះជីវិតសកលនៃសាធារណរដ្ឋកូរ៉េ៕