ជំងឺថប់បារម្ភគឺជាជំងឺមួយដែលកើតមានច្រើនដែរនៅប្រទេសកម្ពុជាយើង ហើយបងប្អូនមួយចំនួនមិនសូវដឹងច្បាស់ប៉ុន្មាននោះទេថាខ្លួនកើតជំងឺនេះ។ បើយោងតាមរយៈប្រភពនៃមន្ទីរពេទ្យកាល់ម៉ែត្រក៏បានបញ្ជាក់ថាជំងឺថប់បារម្ភជាការព្រួយបារម្មណ៍ហួសហេតុ និងមិនសមហេតុផលអំពីបញ្ហាប្រចាំថ្ងៃ អ្នកជំងឺតែងតែពិបាកក្នុងការគ្រប់គ្រងអារម្មណ៍ ឬមានការលំបាកក្នុងការស្ងប់ស្ងាត់ ដែលមានរយៈពេលលើសពី៦ខែ។ នេះជារោគសញ្ញាមានដូចជា៖
១. ថប់បារម្ភ ឆាប់ភ័យ
២. ឆាប់ខឹងមួរម៉ៅ
៣. ចុករោយពេញខ្លួន
៤. ល្ហិតល្ហៃ អស់កម្លាំង
៥. ពិបាកផ្តោតអារម្មណ៍ ឬឆាប់ភ្លេច
៦. ប៉ះពាល់ដល់ការគេង។
បើមានអាការៈខាងលើអ្នកគួរតែឆាប់រួសរាន់ស្វែងរកការប្រឹក្សា និងការព្យាបាលពីវេជ្ជបណ្ឌិតឯកទេសជំងឺផ្លូវចិត្តនៅផ្នែកពិគ្រោះជំងឺក្រៅនៃមន្ទីរពេទ្យកាល់ម៉ែត ដើម្បីទទួលបានការព្យាបាលកាន់តែឆាប់ និងបង្កើនឱកាសជាសះស្បើយកាន់តែលឿន។
យោងតាមយូនីសេហ្វ (UNICEF) បានបញ្ជាក់ថា ១. ដកដង្ហើមវែង - ដកដង្ហើមយឺតៗចូលតាមច្រមុះ និងចេញតាមមាត់។ សូមធ្វើបែបនេះច្រើនដង រហូតដល់អ្នកស្ងប់អារម្មណ៍។ ការដកដង្ហើមយឺតៗឲ្យចូលទៅដល់ក្បាលពោះដោយចេតនា គឺជាវិធីងាយ និងមានប្រសិទ្ធភាពបំផុតក្នុងការកាត់បន្ថយភាថប់បារម្ភដោយសារការបង្កើនការផ្គត់ផ្គង់អុកស៊ីសែនទៅដល់ខួរក្បាលរបស់យើង និងជួយធ្វើឲ្យស្ងប់អារម្មណ៍។
២. និយាយជាមួយមិត្តភក្ដិ ឬមនុស្សដែលអ្នកទុកចិត្ត - ប្រាប់អ្នកណាម្នាក់អំពីអារម្មណ៍របស់អ្នក និងសាកសួរថាពីអារម្មណ៍របស់គេផងដែរ។ ការនិយាយជាមួយអ្នកណាម្នាក់ទៀត អាចជួយយើងសម្រាលសម្ពាធមួយចំនួនដែលយើងបង្កើតឡើងកាន់តែច្រើននៅក្នុងចិត្តរបស់យើង និងក៏ជួយបំបែកវិធីនានាដើម្បីដោះស្រាយបញ្ហាដែលបង្ក ឬរួមចំណែកធ្វើឲ្យថប់បារម្ភរបស់អ្នកផងដែរ៕ អត្ថបទដោយ៖ ទ្រ សុភាព