មានមនុស្សភាគច្រើនពេលឈានដល់ពេលពេញវ័យគ្មានការធ្វើលំហាត់ប្រាណ និងបានប្រើប្រាស់គ្រឿងស្រវឺងបំផ្លាញសុខភាព ហើយវាក៏មានការប៉ះពាល់ដល់ផ្នែកខួរក្បាលផងដែរ។ ពីព្រោះរាងកាយរបស់អ្នកមានទំនាក់ទំនងជាមួយខួរក្បាលដែលជាអង្គចងចាំ។ ពេលអ្នកធ្វើលំហាត់ប្រាណកាន់តែខ្លាំង រាងកាយប្រមូលផ្តុំសាច់ដុំចេញមក តាមអ្នកវិទ្យាសាស្រ្តបានសិក្សាមកថា កោសិការបស់មនុស្សមួយនាទីបានស្លាប់រាប់សែនកោសិកា។ ពេលអ្នកធ្វើលំហាត់ប្រាណ វាបានបណ្តុះកោសិកាថ្មីៗ ។ ធាតុសំខាន់បួនយ៉ាងសម្រាប់ខួរក្បាល
១. ធ្វើអ្វីថ្មីៗ៖ ការធ្វើអ្វីមួយដែលអ្នកមិនធ្លាប់ធ្វើវាពីមុន វាជំរុញឱ្យកត្តាផ្លូវចិត្តមានភាពរឹងមាំ រួចវាធ្វើឱ្យសកម្មភាព និងខួរក្បាលរបស់អ្នក កាន់តែមានប្រសិទ្ធភាព។
២. អ្នករឿងពិបាកៗ៖ វានាំឱ្យអ្នកមានសកម្មភាពកាន់តែខ្លាំង និងមានបង្កើតខួរក្បាលរបស់អ្នកឱ្យមានការចងចាំបានល្អ គឺមកពីអ្នកធ្វើរឿងពិបាកៗ វាតម្រូវឱ្យអ្នកមានការផ្តោតអារម្មណ៍លើការងារនោះតែមួយ។
៣. អ្នកអាចបង្កើតវាជំនាញបាន៖ វាមានន័យថា ពេលអ្នកធ្វើរឿងលំបាករួចហើយ អ្នកត្រូវតែបង្កើតជំឈានបន្ទាប់ទៀត គឺធ្វើរឿងថ្មីៗដើម្បីជំរុញដល់សុខភាព និងបង្កើតកោសិកាអង្គចងចាំកាន់តែខ្លាំង។ និយាយឱ្យងាយយល់ថា ពេលអ្នកធ្វើរឿងមួយ មានអារម្មណ៍ស្រួល គឺអ្នកត្រូវត្រៀមខ្លួនរកដោះស្រាយដើម្បីអនុវត្តបន្ទាប់។
៤. វាជារង្វាន់៖ បើអ្នកចង់មានសុខភាពល្អ និងមានខួរក្បាលល្អ វាជាដំណើរការក្នុងការរៀនសូត្រ។ អ្នកនឹងបានរង្វាន់ដែលធ្វើឱ្យជីវិតរបស់អ្នកមានតុល្យភាព។ ពេលអ្នកបន្តធ្វើវាកាន់តែច្រើន អ្នកនឹងទទួលបានអត្ថប្រយោជន៍កាន់តែច្រើន។
ដូច្នេះ! ពេលអ្នកធ្វើរឿង ៤នេះ ថាមពលខួរក្បាលរបស់អ្នកកាន់តែឆ្លាតហើយដោះស្រាយបញ្ហាលឿន។ ដើម្បីប៉ូវសុខភាពខួរក្បាលកាន់តែល្អនោះ អ្នកគួរហាត់ប្រាណ គេងឱ្យគ្រប់ និងអានសៀវភៅបន្ថែមផងដែរ៕ អត្ថបទដោយ៖ ទ្រ សុភាព