បើលោក ម៉ាស ផលិតឡានប្រើសាំងដូចតែគេឯងនោះ ក្រុមមហ៊ុនរបស់គាត់គ្មានសមត្ថភាពប្រកួតប្រជែងជាមួយក្រុមហ៊ុនធំៗ ដែលមានអាយុកាលរាប់សិបឆ្នាំ មានបទពិសោធន៍ច្រើន បានចាក់គ្រឹះក្នុងចិត្តមនុស្សឱ្យប្រើផលិតផលរបស់គេរួចទៅហើយ។ បើផលិតឡានដូចគេដដែល គាត់នឹងស្លាប់ក្នុងទីផ្សារ។

ដើម្បីឈ្នះទីផ្សារហើយឱ្យពិភពលោកមានការផ្លាស់ប្តូរ គាត់មានរបៀបគិតឱ្យខុសពីគេ គឺបង្កើតឡានអគ្គិសនីថ្មីដែលពិភពលោកមិនទាន់មាន។ គាត់ដឹងពីធម្មជាតិរបស់មនុស្សថា មនុស្សមិនចង់ប្រើឡានសាំងដដែលៗមកពីវាគ្មានជម្រើស។ បើគាត់បង្កើតឡានថ្មីហើយមានគុណភាពតាមស្តង់ដារ ពួកគេនឹងងាកមកប្រើជាមិនខាន....។

មានមាត់ចេះតែនិយាយមែន! សំខាន់លោក ម៉ាស អត់ខ្វល់អ្វីបន្តិច ព្រោះគាត់យល់ឃើញថា គំនិតឆ្គួតៗ បែបនេះហើយ បានធ្វើឱ្យអតិថិជនប្រើឡានរបស់គាត់មានរសជាតិប្លែកអារម្មណ៍និងស្រែកថា អស្ចារ្យណាស់! អស្ចារ្យបែបនេះហើយបានធ្វើឱ្យពិភពលោកមានការផ្លាស់ប្តូរ។ តាមលោក Buckminster Fuller ជាអ្នកស្ថាបត្យករជនជាតិអាមេរិកបានផ្តល់គំនិតជាគំរូថា “អ្នកមិនអាចផ្លាស់ប្តូរអ្វីៗ ដោយធ្វើការប្រឆាំងនឹងភាពជាក់ស្តែងនោះទេ តែបើអ្នកចង់ឱ្យមានការផ្លាស់ប្តូរអ្វីមួយ គឺអ្នកត្រូវបង្កើតគំរូថ្មី ហើយគំរូចាស់គេនឹងលែងប្រើវា”។

លោក ម៉ាស បានបន្ថែមថា ខ្ញុំជាមនុស្សធ្វើឱ្យបច្ចេកវិទ្យាក្លាយជាការពិតភាគច្រើន វាជារឿងចាំបាច់ដែលមានសារៈប្រយោជន៍នៅថ្ងៃអនាគត។ ព្រោះតែនៅក្នុងខួរក្បាលរបស់ខ្ញុំអាចគិតស្រមៃមើលអ្វីផ្សេងៗ បានយ៉ាងច្បាស់ និងឆាប់រហ័សបំផុតចេញជាទម្រង់រូបភាពក្នុងខួរក្បាល ប៉ុន្តែវាក៏មានលក្ខណៈផ្លាស់ប្តូរពេលខ្ញុំបន្តច្នៃប្រតិដ្ឋគំនិតរបស់ខ្ញុំនៅក្នុងភាពជាក់ស្តែងផងដែរ”។

នេះជាសមត្ថភាពគិតបែបកាំប្រមារបស់លោក ម៉ាស អាចគិតឃើញពីអនាគត ហើយវាក៏គ្មានអ្វីចម្លែកដែររាល់គំនិតរបស់គាត់គិតចេញមកខុសពីគេនោះ នាំឱ្យមានលទ្ធផលធំចំណូលច្រើន៕ អ្នកអាចអានសៀវភៅ កាំប្រមា អ្នកអាចទិញសៀវភៅ កាំប្រមា តាមនេះ👉https://t.me/BusinessCambodiaBook