សញ្ញាខ្លះៗអាចទាក់ទងទៅនឹងការបង្រួមសរសៃប្រសាទ ការកកកុញសារធាតុរាវក្នុងសរីរាង្គ ឬក៏អាចជាដុំសាច់កើតឡើងនៅកន្លែងណាមួយក្នុងរាងកាយ។ យោងតាមគេហរទំព័រ phunutoday.vn បានចែករំលែកការឈឺចាប់ ៣ ចំណុចនៅពេលព្រឹក ដែលជាសញ្ញាគ្រោះថ្នាក់៖ 

១. ឈឺខ្នងផ្នែកខាងក្រោម៖ បើការឈឺនេះមានរយៈពេលយូរ និងរាលដាលដល់ត្រគាកអាចជាសញ្ញាដំបូងនៃដុំសាច់នៅឆ្អឹងអាងត្រគាក ឬប្រព័ន្ធទឹកនោម។ ពេលរាងកាយផ្លាស់ទីតាំងពីដេកទៅឈរ សរសៃប្រសាទត្រូវបានទាញ ឬត្រូវរងនូវសំពាធខ្លាំងជាងមុន ហើយបង្កើតជាអារម្មណ៍ឈឺចាប់។ 

២. មានអារម្មណ៍ធ្ងន់ ឬចុកចាប់នៅជុំវិញថ្លើម ឬពោះផ្នែកខាងលើ៖ ការឈឺបែបនេះនៅពេលព្រឹកអាចទាក់ទងទៅនឹងដុំសាច់នៅក្នុងថ្លើម ឬក្រពះដែលកំពុងដាក់សំពានលើកន្សោមថ្លើម ឬសរីរាង្គជិតខាង។ អ្នកដែលមានជំងឺភាគច្រើននិយាយថា ការឈឺចាប់ខ្លាំងនៅពេលឃ្លាន ឬពេលទើបតែភ្ញាក់ពីគេង វាបង្ហាញថា សារធាតុជំរុញប្រព័ន្ធសរសៃប្រសាទនេះមានប្រតិកម្មជាមួយចលនារបស់ក្រពះនិងសារធាតុរាវនៅក្នុងខ្លួន។ 

៣. ឈឺទ្រូង៖ ប្រសិនបើអ្នកមានការឈឺទ្រូងនៅពេលព្រឹកជាពិសេសបន្ទាប់ពីភ្ញាក់ពីគេងនេះជាសញ្ញាមួយដែលមិនគួរមើលរំលងជាដាច់ខាត។ សញ្ញានេះអាចបង្ហាញថាអ្នកកំពុងមានបញ្ហាបេះដូង ឬឡើងជាតិអាស៊ីត ហើយករណីមួយចំនួនក៏អាចជាសញ្ញានៃដុំសាច់សួត ផងដែរ។ នៅពេលដេកលក់ សារធាតុរាវអាចកកកុញនៅផ្លូវដង្ហើម និងធ្វើឱ្យដុំសាច់នេះតឹងខ្លាំង បញ្ជើបឱ្យមានអារម្មណ៍ឈឺ ឬតឹងទ្រូងនៅពេលភ្ញាក់ពីគេង។ បើការឈឺនេះអមដោយការក្អកជាប់រហូត ក្អកមានឈាម ឬដកដង្ហើមខ្លីៗនោះជាសញ្ញាដ៏គួរឱ្យព្រួយបារម្ភខ្លាំងអ្នកត្រូវទៅពិនិត្យជាមួយគ្រូពេទ្យជំនាញភ្លាម។ 

យ៉ាងណាក៏ដោយ មិនថាអ្នកមានរោគសញ្ញាផ្សេងទៀតឬអត់ ការយកចិត្តទុកដាក់លើរាងកាយពេលព្រឹកគឺសំខាន់ណាស់។ រាងកាយរបស់យើងតែងតែប្រាប់អ្វីមួយ មុនពេលបញ្ហាធ្ងន់ធ្ងរចាប់ផ្តើមកើតឡើង។ ការស្គាល់សញ្ញាព្រមានទាំងនេះមុននឹងជួយឱ្យអ្នកមានឱកាសច្រើនក្នុងការព្យាបាលទាន់ពេលវេលា ឬអាចការពារបានមុន ដើម្បីរក្សាសុខភាពឱ្យបានយូរអង្វែង និងរស់នៅដោយការយល់ដឹងច្បាស់លាស់ពីសភាពរាងកាយរបស់ខ្លួន៕

អត្ថបទដោយ៖ សារួ