តាមលោកវេជ្ជបណ្ឌិត Nguyen Dinh Lien ជាប្រធាននាយកដ្ឋាននៅ Urology and Andrology បានលើកឡើងថា អ្នកផឹកស្រាជាប្រចាំថ្ងៃនាំឱ្យងាប់លិង្គ ហៅថា លិង្គខ្សោយអសមត្ថភាពរួមភេទ ហើយនាំឱ្យលិង្គរួមតូចផងដែរ។ មកពីស្រាបៀរមានផ្ទុកសារធាតុ Ethanol ដែលនៅពេលចូលទៅក្នុងរាងកាយវានឹងបំប្លែងទៅជា acetaldehyde ជាសារធាតុពុលខ្លាំង។ ពេលអ្នកបន្តផឹកស្រារហូត សារធាតុ Acetaldehyde បង្កឱ្យមានភាពតានតឹងអុកស៊ីតកម្ម បំផ្លាញភ្នាសកោសិកា ប៉ះពាល់ដល់DNA និងប៉ះពាល់ដល់មុខងារសរីរាង្គរួមទាំងប្រព័ន្ធបន្តពូជរបស់បុរសទៀត។
ចំណែកយោងតាមរយៈគេហទំព័រ www.ncbi.nlm.nih បានបញ្ជាក់ឱ្យដឹងដែរថា ការផឹកស្រាច្រើនមិនល្អសម្រាប់សុខភាពបន្តពូជរបស់បុរសទេ។ បុរសដែលផឹកស្រាច្រើនជាប្រចាំថ្ងៃរាប់ខែរាប់ឆ្នាំ ងាយប្រឈមខ្សោយផ្លូវភេទជាពិសេសលិង្គពិបាកក្នុងការឡើងរឹងណាស់(ងាប់លិង្គ) ហើយពិបាកឈានដល់ចំណុចកំពូលពេលរួមភេទទៀត ដោយសារជាតិអាល់កុលបានទៅរំញោចប៉ះពាល់ដល់អារម្មណ៍ផ្លូវភេទ។ កាន់តែហានិភ័យជាងនេះទៅទៀតនោះ ការផឹកស្រាច្រើននេះបានធ្វើឱ្យលិង្គបុរសរួមតូច(ស្វិត) បង្កជាផលប៉ះពាល់ដល់ការផលិតមេជីវិតឈ្មោលដែរ។
ការផឹកស្រាបណ្តាលឱ្យខូចទ្រង់ទ្រាយមេជីវិតឈ្មោលពិតមែន។ មកពីសារធាតុ Acetaldehyde ត្រូវបានផលិតចេញពីដំណើរការនៃការរំលាយជាតិអាល់កុល បង្កើនរ៉ាឌីកាល់សេរីក្នុងរាងកាយរបស់មនុស្ស ហើយបណ្តាលឱ្យខូចខាតដល់ភ្នាសកោសិកា និង DNA នៃមេជីវិតឈ្មោលយ៉ាងងាយ។ ហើយវានាំឱ្យមានការថយចុះអត្រានៃមេជីវិតឈ្មោលខុសពីធម្មតា។ ការសិក្សាជាច្រើនបង្ហាញថា បុរសពូកែផឹកស្រាជាប្រចាំ មានបរិមាណមេជីវិតឈ្មោលទាប ចលនាមេជីវិតក៏ខ្សោយ និងអត្រាគ្មានកូនកាន់តែតិចដែរ។ សូម្បីតែការផឹកក្នុងកម្រិតមធ្យម ប៉ុន្តែយូរទេវាក៏អាចប៉ះពាល់ដល់គុណភាពមេជីវិតឈ្មោលដូចគ្នាដែរ៕ អត្ថបទដោយ៖ ទ្រ សុភាព