១. អាហារសម្បូរប្រូតេអ៊ីន៖ ប្រូតេអ៊ីនជាសារធាតុចិញ្ចឹមសំខាន់សម្រាប់រាងកាយ និងសម្រាប់ថ្លើម។ វាជួយក្នុងដំណើរការជួសជុលកោសិកាថ្លើម និងជួយបង្កើតកោសិកាថ្មីឡើងវិញ។ ប្រសិនបើរាងកាយខ្វះប្រូតេអ៊ីន ថ្លើមនឹងធ្វើការមិនប្រក្រតី ហើយប្រព័ន្ធភាពស៊ាំនឹងខ្សោយ បង្កើនហានិភ័យនៃការឆ្លងមេរោគ។ ហើយអាហារដែលសម្បូរប្រូតេអ៊ីតមានដូចជា ស៊ុត ទឹកដោះគោស្រស់ ឬទឹកសណ្ដែក មិនផ្អែមស័ក្កិសមបំផុតសម្រាប់ធ្វើជាអាហារពេលព្រឹក។ ប្រូតេអ៊ីនទាំងនេះងាយរំលាយ និងមានគុណភាពល្អ ដែលជួយឱ្យថ្លើមមានកម្លាំងក្នុងការដំណើរការប្រកបដោយប្រសិទ្ធភាព។

២. អាហារសម្បូរជាតិសរសៃ៖ ជាតិសរសៃជួយឱ្យប្រព័ន្ធរំលាយអាហារធ្វើការបានល្អ និងជួយបន្សាបជាតិពុលចេញពីរាងកាយ។ នៅពេលដែលពោះវៀនធ្វើការបានល្អ ជាតិពុលនឹងត្រូវបញ្ចេញចេញយ៉ាងមានប្រសិទ្ធភាព បណ្តាលឱ្យថ្លើមមិនត្រូវធ្វើការខ្លាំងពេក។ អាហារដែលសម្បូរជាតិសរសៃមានដូចជា ពោត ដំឡុងផ្អែម oatmeal ឬបន្លែស្លឹកបៃតង។ ជាតិសរសៃមិនត្រឹមតែជួយថ្លើម ថែមទាំងជួយឱ្យអ្នកមានអារម្មណ៍ឆ្អែតបានយូរ គ្រប់គ្រងការទទួលទានអាហារ និងជួយសម្រកទម្ងន់ផងដែរ។

៣. អាហារសម្បូរវីតាមីន៖ ថ្លើមត្រូវការវីតាមីនជាច្រើន ដើម្បីគាំទ្រមុខងាររបស់វា។ វីតាមីន A ជួយថែរក្សាកោសិកាថ្លើម និងជួយកោសិកាថ្លើមកើនឡើងវិញ ខណៈដែលវីតាមីន C ជួយប្រឆាំងអុកស៊ីតកម្ម និងបង្កើនភាពស៊ាំ។ អហារដែលសម្បូរវីតាមីន A ភាគច្រើនមាននៅក្នុង ការ៉ុត ល្ពៅ និងស៊ុតលឿង។ ចំណែកវីតាមីន C អាចរកបានពីផ្លែឈើ និងបន្លែដូចជា ប្រូខូលី ម្ទេសប្លោក ខាត់ណា ផ្លែប៉ោម ក្រូច ក្រូចឆ្មា ឬក្រូចថ្លុង។ ការទទួលទានអាហារទាំងនេះជាប្រចាំនឹងជួយឱ្យថ្លើមមានសុខភាពល្អ ធន់នឹងជាតិពុលបានល្អជាងមុន។

៤. ម្សៅដែលមានសុខភាពល្អ៖ ម្សៅជាប្រភពថាមពលសំខាន់សម្រាប់រាងកាយ និងសម្រាប់ថ្លើមក្នុងការផ្ទុក glycogen។ ប៉ុន្តែម្សៅទាំងអស់មិនសុទ្ធតែមានប្រយោជន៍ទេ។ អ្នកគួរតែជៀសវាងអាហារចៀន ឬអាហារដែលមានខ្លាញ់ច្រើននៅពេលព្រឹក ព្រោះវាធ្វើឱ្យថ្លើមពិបាកធ្វើការ។ ជំនួសវិញ គួរជ្រើសរើសម្សៅដែលមានសុខភាពល្អដូចជា ដំឡូងផ្អែមឆ្អិន នំបុ័ងស្រូវសាលីទាំងមូល ឬ oatmeal។ អាហារទាំងនេះផ្តល់ថាមពលបានយូរ មិនបង្កើនជាតិខ្លាញ់ និងជួយឱ្យថ្លើមធ្វើការបានប្រសើរឡើង៕