យោងតាម អ្នកឯកទេសអាហារូបត្ថម្ភ Trinh Ha Nhat Quyen ពីមណ្ឌលព្យាបាលជំងឺទឹកនោមផ្អែម និងអ័រម៉ូន Tam Anh នៅទីក្រុងហូជីមិញ ការសម្រកទម្ងន់មានប្រសិទ្ធភាពនៅពេលដែល “កាឡូរីដែលយើងទទួលតិចជាងកាឡូរីដែលរាងកាយយើងប្រើប្រាស់”។ ដូច្នេះ ការបន្ថែមបន្លែដែលមានកាឡូរីទាបចូលក្នុងអាហារប្រចាំថ្ងៃ គឺជាវិធីសាមញ្ញប៉ុន្តែមានប្រសិទ្ធភាព។ ខាងក្រោមនេះជាបន្លែ ៦ ប្រភេទដែលជួយសម្រកទម្ងន់បានល្អបំផុត៖

១. បន្លែស្លឹកបៃតង៖ ដូចជា ខាត់ណាផាកស្ព, ស្ពៃក្តោប និងពន្លកស៊ែល។ វាមានជាតិសរសៃ និងសារធាតុប្រឆាំងអុកស៊ីតកម្មខ្ពស់ ជួយដុតបំផ្លាញជាតិខ្លាញ់លើស និងកាត់បន្ថយការរលាក។ ខាត់ណាផាកស្ពដែលបានចម្អិនរួចប្រហែលមួយពែង មានប្រូតេអ៊ីនប្រហែល 2 ក្រាម ជាតិសរសៃ 2.9 ក្រាម និងកាឡូរីមានត្រឹមតែ 29 ប៉ុណ្ណោះ!

២. ម្ទេសប្លោក៖ ម្ទេសប្លោកមានកាឡូរីទាប ប៉ុន្តែសម្បូរវីតាមីន និងសារធាតុប្រឆាំងអុកស៊ីតកម្ម។ ញុំាម្ទេសប្លោកឆៅ ឬដាក់វាជាមួយសាឡាដ ជួយឱ្យរំលាយអាហារល្អ និងជំរុញចលនាពោះវៀន។

៣. ត្រសក់៖ ត្រសក់មានទឹកជាង 95% និងត្រឹមតែ 15 កាឡូរីក្នុង 100 ក្រាមប៉ុណ្ណោះ។ វាជួយឱ្យអ្នកមានអារម្មណ៍ឆ្អែត និងរក្សាជាតិទឹកក្នុងរាងកាយ។ អ្នកអាចញ៉ាំត្រសក់ស្រស់ ឬធ្វើវាជាមួយសាឡាដក៏បាន។

៤. ផ្លែខ្នុរ៖ សម្បូរទៅដោយវីតាមីន A, C, E និងសារធាតុរ៉ែជាច្រើន។ វាជួយដុតបំផ្លាញកាឡូរី និងកាត់បន្ថយខ្លាញ់ក្បាលពោះ។ ការទទួលទានផ្លែខ្នុរជាប្រចាំអាចជួយឱ្យរាងស្លីមជាងមុន។

៥. ប៉េងប៉ោះ៖ ប៉េងប៉ោះមានទឹកប្រហែល 95% និងសម្បូរទៅដោយវីតាមីន C, K, folate និងប៉ូតាស្យូម។ សារធាតុ Lycopene ក្នុងប៉េងប៉ោះជួយការពារជំងឺបេះដូង និងមហារីក។ អាចបរិភោគជាមួយសាឡាដ ឬស៊ុបក៏បាន។

៦. សាឡាត់៖ សាឡាត់មានថាមពលទាបណាស់ (ត្រឹមតែ 17 កាឡូរីក្នុង 100g) ប៉ុន្តែសម្បូរវីតាមីន A, lutein និង folate។ វាជួយបង្កើនភាពធន់ និងជាសមាសធាតុល្អសម្រាប់សុខភាពស្បែក។ សាកសមសម្រាប់បន្ថែមក្នុងអាហារសម្រកទម្ងន់។ 

ក្រៅពីបន្លែដ៏សម្បូរវីតាមីនទាំងនេះ អ្វីដែលសំខាន់បំផុតអ្នកគួរតែឆ្លៀតពេលខ្លះទៅហាត់ប្រាណដើម្បីឱ្យការសម្រទំម្ងន់ទទួលបានផលកាន់តែលឿន ម្យ៉ាងការហាត់ប្រាណក៏ជួយឱ្យសុខភាពរឹងមាំផងដែរ៕ 

អត្ថបទដោយ៖ សារួ