អាហារជាអាវុធមុខពីរ។ បើអ្នកហូបអាហារល្អនាំសុខភាពល្អដែរ។ តាមលោកវេជ្ជបណ្ឌិត Neelam Vashisht ជាអ្នកជំនាញអាហារ និងសរសៃប្រសាទនៅមន្ទីរពេទ្យ Kolkata ប្រទេសឥណ្ឌាបានលើកឡើងថា ការថែរបបអាហារត្រឹមត្រូវ និងផឹកទឹកគ្រប់គ្រាន់ ជួយពង្រឹងមុខងារតម្រងនោមដើម្បីការពារលាងឈាមពេលអនាគត”។ ហើយលោកវេជ្ជបណ្ឌិតបានណែនាំឱ្យប្រុងប្រយ័ត្នអាហារទាំង ៧នេះ នាំឱ្យខូតតម្រងនោមដោយអត់ដឹងខ្លួននោះទេ។
១. អ្នកឧស្សាហ៍ញ៉ាំសាច់កែច្នៃស្ទើររាល់ថ្ងៃក៏ប៉ះពាល់ដល់តម្រងនោមដែរ។ ដូចជាសាច់ក្រក អាហារកំប៉ុង គ្រឿងផ្អក ប្រហុក សាច់ងៀត និងត្រីងៀត... វាសម្បូរទៅដោយជាតិសូដ្យូម និងសារធាតុនីត្រាតដែលបង្កគ្រោះថ្នាក់ដល់តម្រងនោម។ ហើយលោកវេជ្ជបណ្ឌិត Vashisht និយាយថា ជាតិសូដ្យូមនេះជួយបង្កើនសម្ពាធឈាមជាកត្តាប្រឈមនឹងជំងឺតម្រងនោម នេះជាបញ្ហានាំឱ្យអ្នកលាងឈាមពេលអនាគតផងដែរ។
២. មីកញ្ចប់ក៏មានហានិភ័យដល់តម្រងនោមដែរ កុំមើលងាយមីនេះណា! សម្រាប់អាហារប្រភេទនេះវារហ័ស វាងាយស្រួលក៏ពិតមែន ក៏សម្បូរទៅដោយជាតិសូដ្យូម និងរសជាតិសិប្បនិម្មិតគីមីមិនល្អច្រើនដែរ។ ការហូបមីកញ្ចប់ជាប្រចាំថ្ងៃ វាសនាតម្រងនោមរបស់អ្នកឆាប់ខូច ហើយជីវិតរបស់អ្នកនឹងរស់នៅដោយលាងឈាមមិនខានទេ។
៣. ភេសជ្ជៈមានជាតិកាបូន និងជាតិស្ករច្រើន ជាអាវុធប្រល័យតម្រងនោមរបស់អ្នកគ្មានធម៌មេត្តានោះទេ។ មនុស្សភាគច្រើនងាយខូចតម្រងនោមទាំងវ័យក្មេង ព្រោះផឹកគ្រឿងកំប៉ុងជាប្រចាំថ្ងៃ។ លើសពីនេះ ភេសជ្ជៈមានជាតិស្ករអាចរួមចំណែកដល់ការធាត់ និងអាំងស៊ុយលីនដែលជាកត្តាធ្វើឱ្យសុខភាពតម្រងនោមខ្សោយអត់ដឹងខ្លួនទេ។
៤. ខ្ចប់ដំឡូងបារាំង និងអាហារហូបលើសរសជាតិគឺហូបបែបប្រៃ វាស៊ីតម្រងនោមរបស់អ្នកឱ្យចុះខ្សោយម្តងបន្តិចៗ ផងដែរ។ អាហារសម្រន់ដែលមានជាតិប្រៃៗ (ជាតិអំបិលច្រើន) អាចបង្កើនជាតិសូដ្យូមកាន់តែច្រើន។ វេជ្ជបណ្ឌិត Vashisht បានណែនាំថា អ្នកញ៉ាំអាហារលើសកម្រិតជាតិអំបិលធ្វើឱ្យតម្រងនោមកាន់តែឆាប់ខូច កាន់តែលឿន។
៥. អាហារក្លាសេដែលវេចខ្ចប់ទុកយូរ មានជាតិសូដ្យូមខ្ពស់ ខ្លាញ់មិនល្អ និងមានសារធាតុរក្សាទុកដែលបង្កគ្រោះថ្នាក់ដោយការបង្កើនសម្ពាធឈាម ឬភាពតានតឹងអុកស៊ីតកម្មផងដែរ។ សម្រាប់ការហូបអាហារទាំងនេះជាប្រចាំថ្ងៃនោះក៏មានបង្កើនហានិភ័យដល់មេតាប៉ូលីស ហើយប៉ះពាល់ដល់សុខភាពតម្រងនោមថែមទៀត។
ដូច្នេះ! អ្នកមិនគួរញ៉ាំអាហាទាំងនេះទេ វាបង្កបញ្ហាដល់តម្រងនោមលឿន។ អ្នកហូបរាងសាបៗ ដោយបន្លែ និងផ្លែឈើឱ្យច្រើន រាងកាយរបស់អ្នកក៏មានកម្លាំងដែរ។ ហើយបន្តធ្វើលំហាត់ប្រាណ និងគេងឱ្យគ្រប់គ្រាន់ តម្រងនោមរបស់អ្នកច្បាស់ជាមានសុខភាពល្អជាមិនខានឡើយ៕ អត្ថបទដោយ៖ ទ្រ សុភាព