២. ទឹកដោះគោស្រស់៖ មនុស្សជាច្រើនគិតថាការផឹកទឹកដោះគោពេលឃ្លានគឺល្អ តែនោះមិនមែនជាការពិតទេ។ ព្រោះពេលក្រពះទទេ ទឹកក្រពះមិនអាចរំលាយប្រូតេអ៊ីន និងកាល់ស្យូមបាន ដោយសារតែអាស៊ីតក្រពះខ្លាំងពេក។ វាអាចបណ្តាលឱ្យឈឺក្រពះ ហើមពោះ និងបាត់បង់សារធាតុចិញ្ចឹម។ ផឹកទឹកដោះគោឱ្យទទួលបានផលល្អគឺត្រូវផឹកបន្ទាប់ពីញុំាអាហាររួចប្រហែល ១ ទៅ ២ ម៉ោងនៅពេលដែលក្រពះមានស្រទាប់ការពារ និងអាចស្រូបយកសារធាតុចិញ្ចឹមបានល្អជាង។

៣. កាហ្វេ៖ ការផឹកកាហ្វេអាចធ្វើឱ្យស្មារតីរបស់អ្នកស្រស់ថ្លាជាងមុន ប៉ុន្តែបើផឹកនៅលើពោះទទេ វាជាហានិភ័យធ្ងន់សម្រាប់ក្រពះ។ ជាតិកាហ្វេអ៊ីនជំរុញឱ្យក្រពះបញ្ចេញអាស៊ីត hydrochloric ដែលធ្វើឱ្យស្រទាប់ក្រពះរងការខូចខាត បណ្តាលឱ្យមានដំបៅ។ ប្រសិនបើអ្នកចូលចិត្តផឹកកាហ្វេពេលព្រឹក សូមញ៉ាំអាហារទ្រាប់ពោះជាមុនសិនដូចជានំបុ័ង ឬគ្រប់ធញ្ញជាតិ ដើម្បីការពារក្រពះពីអាស៊ីត។

៤. ផ្លែឈើជូរ៖ ផ្លែឈើដូចជា ក្រូច ក្រូចថ្លុង និងម្នាស់ មានវីតាមីន C ខ្ពស់ ប៉ុន្តែបើញ៉ាំពេលឃ្លាន វាអាចជំរុញឱ្យក្រពះបញ្ចេញទឹកអាស៊ីតច្រើនពេក បណ្តាលឱ្យក្ដៅក្រពះ និងក្រហាយទ្រូង។ អ្នកដែលមានបញ្ហាដំបៅក្រពះគួរជៀសវាងដាច់ខាន។ វិធីល្អបំផុតគឺញ៉ាំផ្លែឈើជូរបន្ទាប់ពីញុំាអាហាររួចប្រហែល ៣០ ទៅ ៦០ នាទី។

៥. អាហារហឹរ និងអាហារចៀន៖ អាហារដែលមានគ្រឿងទេសច្រើន ឬចៀនក្នុងប្រេងច្រើន អាចបណ្តាលឱ្យក្រពះបញ្ចេញទឹកអាស៊ីតច្រើន និងកន្ត្រាក់បន្តបន្ទាប់។ វាធ្វើឱ្យស្រទាប់ mucosa រលាក និងឈឺចាប់ បង្កការហើមពោះ និងក្រហាយទ្រូង។ អាហារចៀនក៏បង្កើនកូឡេស្តេរ៉ុល និងប៉ះពាល់ដល់ថ្លើមនិងលំពែងផងដែរ៕

អត្ថបទដោយ៖ សារួ