យោងតាមសារព័ត៌មាន Oriental Daily News បានចុះផ្សាយពី យ៉ាង ថា លោកមានវ័យ ៣៣ឆ្នាំជាអ្នករស់នៅខេត្ត Hebei មានទម្ងន់ ១០០គីឡូក្រាម។ គាត់ចាប់ផ្តើមគ្រប់គ្រងរបបអាហារយ៉ាងតឹងរ៉ឹងដោយសុខចិត្តបោះបង់អាហារមានជាតិខ្លាញ់ និងជាតិស្ករខ្ពស់ទាំងស្រុង ហើយបន្តធ្វើលំហាត់ប្រាណជាប្រចាំថ្ងៃ។ លោក យ៉ាង បានលើកឡើងថា ខ្ញុំ​បាន​ប្រាប់​ខ្លួនឯង​ថា បើ​ខ្ញុំ​មិន​ចាត់វិធានការ​យកឈ្នះភាពធាត់ទេ ខ្ញុំ​នឹង​បាត់បង់​សុខភាព រស់ក្នុងជំងឺមួយជីវិត”។

គន្លឹះសំខាន់របស់លោក យ៉ាង គឺបានកាត់ស្ករ កាត់ខ្លាញ់ និងព្យាយាមហាត់ប្រាណ រយៈពេលមួយឆ្នាំកន្លះគាត់បានស្រក ៤០គីឡូក្រាម(១០០គីឡូក្រាមទៅ 60គីឡូក្រាម)។ ជាពិសេសការហាត់ប្រាណដំបូងដើរសិន រួចរត់ និងលើកដុំដែកដោយមានគ្រូបង្ហាត់ប៉ុន្មានខែប៉ុណ្ណោះ។ ទោះបីពេលដំបូងគាត់ប្រយុទ្ធប្រឆាំងជាមួយអារម្មណ៍ឃ្លាន និងមួម៉ៅខ្លាំង ប៉ុន្តែគាត់ព្យាយាមរុញខ្លួនឯងបន្តទម្លាប់ដដែលៗ នេះរហូតគាត់ស្រកគីឡូមានសម្រស់ក្មេងជាងវ័យ។

គាត់បាននិយាយថា ខ្ញុំគិតពីដំណោះស្រាយស្គម មិនមែនបញ្ហាធាត់នោះទេ។ ការផ្តោតបែបនេះ លទ្ធផលនឹងសម្រកគីឡូនាំយករាងកាយរឹងមាំ និងមានថាមពលក្នុងខ្លួនបំផុត។ បច្ចុប្បន្ននេះលោក យ៉ាង មិនត្រឹមតែមើលទៅក្មេងជាងវ័យ ១០ឆ្នាំទេ ប៉ុន្តែអត្តចរិតគាត់ក៏ផ្លាស់ប្តូរទាំងស្រុងដែរជាបុរសសុភាព និងញញឹមច្រើន។ ពី "ពូម៉ាប់ៗ" ប្រែក្លាយទៅជា "ដូចជានិស្សិតមហាវិទ្យាល័យយ៉ាងស្រស់សង្ហា”។ លទ្ធផលសម្រកគីឡបែបនេះ នាំឱ្យម្តាយរបស់លោកយ៉ាង មកហាត់ប្រាណ និងប្តូររបបអាហារដែរ។ ហើយពេលនេះ ម្តាយគាត់ចាប់ផ្តើមមានសុខភាពល្អប្រសើរឡើង នេះជារឿងធ្វើឱ្យលោកយ៉ាងសប្បាយចិត្តបំផុត៕ អត្ថបទដោយ៖​ទ្រ សុភាព