១. មានហេតុផលដើម្បីភ្ញាក់ពីគេងដូចជាលោក ម៉ាស៖ ពេលព្រឹកឡើងបើអ្នកគ្មានអារម្មណ៍ចង់ក្រោកទេ មកពីអ្នកគ្មានហេតុផលដើម្បីដាស់ខ្លួនឯងឱ្យងើបនោះឯង វាធ្វើឱ្យអ្នកខ្សោយផ្លូវចិត្តណាស់។ តាមលោក Elon Musk បានលើកឡើងថា បើអ្នកក្រោកពីគេង ហើយអ្នកគ្មានអារម្មណ៍ថា ថ្ងៃនេះ វាមិនអាចនឹងធ្វើឱ្យជីវិតរបស់អ្នកកាន់តែប្រសើរទេ ជីវិតអ្នកនឹងមិនរីកចម្រើននោះទេ។ អ្នកត្រូវមានហេតុផលក្រោកពីគេង ដើម្បីធ្វើឲ្យជីវិតរបស់អ្នកកាន់តែចង់រស់នៅ។ តើអ្នករស់នៅដើម្បីអ្វី? តើអ្វីដែលជម្រុញឲ្យអ្នកធ្វើវា? អ្នកចង់មានអ្វីនៅពេលអនាគត?

២. ញញឹមហើយចេះពេញនឹងខ្លួនឯង៖ ពេលព្រឹកនេះ អ្នកញញឹមហើយចេះត្រេកអរជាមួយអ្វីដែលខ្លួនមាន ផ្លូវចិត្តរបស់អ្នកនឹងមានក្តីសុខ។ ពេលអ្នកមានក្តីសុខបែបនេះ វាជួយផ្លាស់ប្តូរជីវិតរបស់អ្នកឱ្យមានអារម្មណ៍ល្អអ្នកចំពោះអ្វីៗ គ្រប់យ៉ាងចូលមកក្នុងជីវិតនេះតាំងពីថ្ងៃរះដល់ថ្ងៃលិច។ ការពិតទៅ! ពេលអ្នកចេះពេញចិត្តនឹងខ្លួនឯង ទោះបីគេមិនពេញចិត្តជាមួយអ្នកក៏ដោយ ក៏អ្នកមានក្តីសុខជាមួយខ្លួនឯងដែរ។ នេះយោងតា fearlessmotivation។

៣. ពង្រឹកសុខភាព៖ តាមការចុះផ្សាយរបស់គេហទំព័រ verywellhealth.com បង្ហាញថា ការទទួលទានកាហ្វេ ១កែវ ផឹកទឹក ១កែវ ហើយហាត់ប្រាណ ១៥នាទីនៅពេលព្រឹកនោះ ជួយបន្ធូរបន្ថយអត្រានៃការស្លាប់របស់អ្នកដោយសារការគាំងបេះដូងបានប្រមាណជា ២២%។ សូម្បី Elon Musk ក្នុងងមួយថ្ងៃគាត់ពិសារកាហ្វេចំនួន ២កែវដើម្បីសុខភាពបេះដូង និងដាស់ស្មារតីធ្វើការឱ្យខ្លាំង ហើយជាពិសេសគាត់រីករាយជាមួយការងារពេលព្រឹកណាស់។

៤. ទម្លាប់សមាធិពេលព្រឹកដុសខាតចិត្តឱ្យស្ងប់៖ លោក Martin Luther king ជាបុគ្គលអស្ចារ្យដែលប្រជាជនអាមេរិកគោរពគាត់ណាស់ គាត់បាននិយាយថា “ខ្ញុំមានកិច្ចការត្រូវធ្វើច្រើនណាស់ ក្នុងថ្ងៃនេះ តែខ្ញុំមានពេលមួយម៉ោង ដើម្បីសមាធិ។” វាធ្វើឱ្យស្មារតីរបស់គាត់ បំពេញកិច្ចការពេញមួយថ្ងៃយ៉ាងរីករាយ៕ អត្ថបទដោយ៖ ទ្រ សុភាព

អ្នកអាចទិញសៀវភៅ កាំប្រមា តាមនេះ👉https://t.me/BusinessCambodiaBook