មានសំណួរមួយគេបានសួរលោកត្រាំថាលោកពិតជាមានការងាររវល់ណាស់ តើលោកមានវិធីសាស្ត្រអ្វីខ្លះក្នុងការចិញ្ចឹមបីបាច់កូនៗ ឱ្យបានល្អ និងកុំឱ្យដើរផ្លូវនោះ? តើលោកមានដំបូន្មានអ្វីសម្រាប់ឪពុកម្តាយផ្សេងទៀតដែរ?

លោកប្រធានាធិបតី ដូណាល់ ត្រាំបានឆ្លើយតបថា ការចិញ្ចឹមកូនរបស់ខ្ញុំ មកទល់ពេលនេះ កូនរបស់ខ្ញុំហាក់ដូចជាទទួលបានការអប់រំបានល្អបំផុត។ ខ្ញុំបានប្រាប់កូនខ្ញុំថា ជីវិតមួយនេះយើងមិនអាចដឹងទុកជាមុននោះទេ ព្រោះជីវិតនេះ វាពិតជាផុយស្រួយណាស់ ហើយកូនគួរធ្វើរឿងណាដែលកូនគិតថា គួរធ្វើតាមក្តីស្រមៃរបស់ខ្លួន ហើយកុំខ្លាចអ្នកដទៃវាយប្រហារមកលើកូន កូនត្រូវតែមានចិត្តក្លាហានតតាំង ហើយបន្តដំណើរទៅមុខ។

ហើយលោកត្រាំបានបន្តថា  កូនមិនអាចដឹងច្បាស់ថានឹងមានអ្វីកើតឡើងនៅថ្ងៃស្អែកក៏ដោយ អ្វីដែលកូនគួរធ្វើគឺធ្វើពេលនេះឱ្យល្អបំផុត។ សម្រាប់វិធីចិញ្ចឹមកូនរបស់ខ្ញុំ គឺខ្ញុំតឹងរ៉ឹងជាមួយពួកគេណាស់ដើម្បីបណ្តុះពួកគេឱ្យមានវិន័យ។ ខ្ញុំមិនមែនជាឪពុកដែលបណ្តោយកូនខ្លួនឱ្យខូច ឬដើរលុយចាយវាយខ្ជះខ្ជាយនោះទេ។ រឿងសំខាន់បំផុតខ្ញុំបានប្រាប់ពួកគេរហូតថា ជីវិតមិនមែនមានត្រឹមតែការជិះយន្តហោះឯកជន និងរស់នៅក្នុងផ្ទះធំទំនើបនោះទេ។

លោកចុងក្រោយថា ទោះបីកូនកើតមកជាក្មេងឆ្លាត និងជាសិស្សល្អក៏ដោយ បើកូនមិនតស៊ូទៅមុខទេ ជីវិតកូនកាន់តែអន់ថយពីមួយថ្ងៃទៅមួយថ្ងៃ។ មកទល់ពេលនេះ ពួកគេជាកូនដែលឧស្សាហ៍ព្យាយាម និងខិតខំធ្វើការណាស់។ បើនិយាយឱ្យស្មោះត្រង់ទៅ រឿងដែលធ្វើឱ្យខ្ញុំមានមោទនភាពបំផុតក្នុងជីវិតរបស់ខ្ញុំគឺខ្ញុំបានចិញ្ចឹមកូនបានល្អនេះឯង៕ អត្ថបទដោយ៖ ទ្រ សុភាព