១. បុរសម្នាក់ហ្នឹងរក្សាពាក្យសន្យាកម្រិតណា? លោកតាម Stephen R. Covey ជាអ្នកចិត្តវិទូបាននិយាយថា “ការរក្សាពាក្យសន្យជាការបង្កើតទំនុកចិត្តដើម្បីរក្សាទំនាក់ទំនងឱ្យមានប្រសិទ្ធភាព”។ នារីៗ អាចនិយាយថា បុរសៗ មុនដំបូងរក្សាពាក្យសន្យាណាស់ តែពេលក្រោយៗ កុហសដដែល។ នេះជាការពិតដែរ! ដើម្បីសង្កេតបុរសម្នាក់ហ្នឹង ពូកែគោរពពាក្យសន្យា ឬមួយអត់ទេ? ចូរនារីៗ ត្រូវមើលថា បុរសហ្នឹងគោរពពាក្យសម្តីរបស់ខ្លួនចំពោះអ្នកដទៃច្រើនទេ។ បើបុរសហ្នឹងក្បាត់ពាក្យចំពោះអ្នកដទៃច្រើនហើយ ថ្ងៃណាមួយគេក៏កុហកអ្នកដូចគ្នា។ សម្រាប់នារីមានសុភមង្គលពេលដៃគូព្យាយាមគោរពពាក្យសន្យា បើធ្វើមិនបានទេ គួរប្រាប់ហេតុផលស្មោះត្រង់។ បើហេតុផលច្រើនពេក គេហៅថា លេសហើយ។ បុរសគោរពាក្យសន្យានិយាយថា សូមទោស! ខ្ញុំទទួលខុសត្រូវសម្តីនេះ។

២. មើលអត្តចរិតពេលគាត់មានកំហឹង៖ ដើម្បីសុវត្ថិភាពក្នុងជីវិតប្តីប្រពន្ធ នារីៗ ចូរមើលបុរសពេលគាត់ខឹង បើគាត់ប្រើពាក្យសម្តីខ្លាំងៗ ដាក់មិត្តភក្តិ ដាក់គ្រួសារ និងដាក់អ្នកមានអំណាចតូចជាងខ្លួន នេះជាការបញ្ជាក់លក្ខណៈអត្តចរិតរបស់គាត់មួយដែរ។ សុភាសិតចិនមួយបានពោលថា “បើបុរសម្នាក់ មិនអាចគ្រប់គ្រងកំហឹងខ្លួនបានទេ គ្រួសារគ្មានសុភមង្គលទេ”។ ទោះបីនារីមានទំនាក់ទំនងជាមួយគ្នាបានច្រើនខែហើយក៏ដោយ ពេលគាត់មានកំហឹងហើយចេះតែបញ្ចេញ អ្នកគួរធ្វើការពិចារណាសិនដែរ។ នារីមានសុភមង្គលពេលបុរសដៃគូឈ្នះលើកំហឹង។

៣. មានអារម្មណ៍សុវត្ថិភាពពេលនៅក្បែរគ្នា៖ តាមគេហទំព័រ powerofpositivity បានចុះផ្សាយថា ពេលអ្នកមានមិត្តល្អ ពេលខ្លះគ្រាន់តែអ្នកបាននៅក្បែរនិយាយលេងជាមួយមិត្ត អ្នកក៏រំសាយទុក្ខទុក្ខព្រួយដែរ។ មិនខុសគ្នាប៉ុន្មានដែរពីដៃគូដែលមានលក្ខណៈសម្បត្តិល្អដូចមិត្តភក្តិគឺឱ្យអ្នកមានអារម្មណ៍ថាគ្រប់យ៉ាងបានធូរស្បើយពេលនៅក្បែរគ្នាដោយមិនចាំបាច់មានកម្មវិធីឬបរិយាកាសល្អអ្វីទេ។ អ្នកត្រូវសង្កេតពីអារម្មណ៍ខ្លួនដែរ ព្រោះអារម្មណ៍ជាញ្ញាណពិសេសអត់ចេះកុហសទេ បើអ្នកនិយាយគ្នាមិនចុះសម្រុង នៅក្បែរគ្នាមិនសូវជាកក់ក្តៅ វាអាចមានបញ្ហាអ្វីមួយ។

៤. នាងជាមនុស្សតែម្នាក់នៅក្នុងបេះដូងគេ៖ តាមគេហទំព័រ phunutoday បានចុះផ្សាយថា មានទំនុកចិត្តព្រោះតែស្មោះត្រង់នឹងគ្នា។ បុរសស្មោះស្នេហ៍ទោះបីគេជួបនារីរាប់ពាន់នាក់ ក៏គេមានអារម្មណ៍មានបេះដូងធម្មតាដែរ ហើយគេមិនយកភ្នែកមើលនារីទេ គេគោរពនារីផ្សេងដូចជាប្អូនស្រីឬជាបងស្រី ព្រោះបេះដូងគេផ្ញើរក្តីស្រឡាញ់ក្នុងបេះដូងរបស់នាងរួចហើយ។ នេះជាគុណសម្បត្តិនៃការស្មោះត្រង់បុរសធ្វើឱ្យអ្នកក្លាយជាព្រះនាងមានសុភមង្គលហើយ៕ អត្ថបទដោយ៖ ទ្រ សុភាព