ការរស់នៅមានអាយុវែងជារឿងសំខាន់ណាស់ អ្នកត្រូវតែមានទម្លាប់ខ្លាំង ដើម្បីពង្រឹងសុខភាពទាំងរាងកាយនិងផ្លូវចិត្ត។ ខ្ញុំមានគំនិតមួយថា មុនដំបូងអ្នកបង្កើតទម្លាប់ ក្រោយមកទម្លាប់ក៏ចូលខ្លួនមកដឹកនាំជីវិតអ្នកវិញ។ ខ្ញុំចង់មាន័យថា ពេលអ្នកមានទម្លាប់ល្អ អ្នករស់នៅលែងស្រ្តេស លែងតានតឹង និងបាក់ទឹកចិត្តទៀតហើយ។ ខាងក្រោមនេះជាទម្លាប់ខ្លាំងឱ្យអ្នករស់នៅមានអាយុវែង។
តាមលោក García បានឱ្យដឹងថា “ចូរអ្នកឈប់អង្គុយសោកស្ដាយចំពោះអតីតកាល ហើយកុំបារម្ភអំពីអនាគតច្រើនពេក ចូរនៅរស់ក្នុងថ្ងៃនេះ ហ៊ានចាប់ផ្តើមពីអ្វីមួយ ហើយប្រឹងធ្វើវាឱ្យអស់ពីលទ្ធភាពបានហើយ”។ តម្លៃពេលវេលាមានតែក្នុងថ្ងៃនេះ ក្នុងពេលនេះតែប៉ុណ្ណោះ បើអ្នកមិនរីករាយជាមួយវា ពេលវេលាដ៏មានតម្លៃក៏អត់មានន័យអ្វីដែរ។ ចូរអ្នករស់នៅក្នុងថ្ងៃនេះ ជាមួយការចង់ចាំដ៏មានតម្លៃផងចុះ។ លោក Ken Mogi ជាអ្នកចិត្តវិទ្យាបានលើកឡើងថា ការប្រឹងប្រែងជាដំណើរការឆ្ពោះទៅរកសុភមង្គល ដើម្បីជម្នះលើបញ្ហាប្រឈមនៃជីវិតរបស់អ្នកក្នុងថ្ងៃនេះ។” ការប្រឹងប្រែតាមគោលដៅ ដឹកនាំអារម្មណ៍យើងកាន់តែមានក្តីសុខផងដែរ។
ការរស់នៅលែងមានស្រ្តេស និងភាពតានតឹងនោះ ចូរអ្នករស់ក្នុងវង្វង់សមាគមន៍ ព្រោះការជួបជុំគ្នាជួយដុតអារម្មណ៍អ្នកឱ្យរីករាយ។ អ្នកកោះអូគីណាវ៉ាបានដាំបញ្ចូលចិត្តគំនិតជាគោលការណ៍នាំឱ្យអ្នកដទៃមកលេងកោះអាយុវែងមានអារម្មណ៍កក់ក្តៅ និងក្តីស្រឡាញ់ថា “យើងប្រព្រឹត្តល្អចំពោះមនុស្សគ្រប់គ្នាដូចជាបងប្អូនរបស់យើងដែរ ទោះបីយើងមិនធ្លាប់ស្គាល់គ្នាពីមុនក៏ដោយ”។ អ្នកកោះអូគីណាវ៉ាមានគំនិតចងក្រងគ្នាជាសហគមន៍ ដើម្បីជួយគ្នាទៅវិញទៅមក រហូតម្នាក់ៗ មានអារម្មណ៍ស្រឡាញ់គ្នាដូចជាបងប្អូនបង្កើតនឹងគ្នា ហើយគេក៏យកអារម្មណ៍នេះ ទទួលស្វាគមន៍ភ្ញៀវមកលេងនៅទីនេះដោយការប្រព្រឹត្តក្តីស្រឡាញ់ដូចគ្នាតែមួយ។
តាមវេជ្ជបណ្ឌិតលោក Donald Dengelជានាយកមន្ទីរពិសោធន៍នៃសរីរវិទ្យានៃសាកលវិទ្យាល័យ Minnesota មានប្រសាសន៍ថា ការធ្វើលំហាត់ប្រាណ ធ្វើឱ្យប្រព័ន្ធឈាមដំណើរពេញរាងកាយ និងកាត់បន្ថយជាតិខ្លាញ់ក្នុងសរសៃឈាមបានល្អបំផុតឱ្យស្បែកសុខភាពល្អ ក្មេងជាងវ័យ ព្រោះតែវាជួយប្រព័ន្ធឈាមដំណើរការកាន់តែមាំ មានភាពបត់បែន និងជួយជួសជុលសរសៃឈាមខូចៗ ឱ្យល្អឡើងវិញ។” ដូចសុភាសិតជប៉ុននិយាយថា ឱ្យតែមានភាពសកម្មរាងកាយជាប្រចាំ ធ្វើឱ្យយើងអាចរស់នៅបាន ១០០ឆ្នាំ។” ពួកគេក្នុងមនុស្សម្នាក់អន់ណាស់ ហាត់ប្រាណ១៥ ទៅ៣០នាទីក្នុងមួយថ្ងៃដែរ។ ការហាត់ប្រាណ ជាថ្នាំមួយប្រភេទពូកែព្យាបាលជំងឺដោយមិនចំណាយលុយអ្វីសោះ៕ អត្ថបទដោយ៖ ទ្រ សុភាព
អ្នកអាចតាមដានផេកថ្មី គឺផេកកម្មវិធី លំហូរចិត្ត
អ្នកអាចទិញសៀវភៅ លំហូរចិត្ត តាមនេះ https://t.me/BusinessCambodiaBook