បើអ្នករស់នៅជាប្រចាំថ្ងៃគ្មានក្តីសុខមានតែអារម្មណ៍តានតឹងពិបាកផ្លូវចិត្តនោះ អ្នករស់នៅខុសក្បួនហើយ។ បើអ្នករស់នៅតាមព្រះអង្គ Pothera Mahindasiri Thero ខ្ញុំជឿថាជីវិតរបស់អ្នកនឹងរីករាយ ផ្លូវចិត្តក៏ធូរស្រាលពីបញ្ហាដែរ។ ព្រះអង្គមាន ៤ចំណុចនាំផ្លូវចិត្តរបស់អ្នករស់នៅឆ្ងាយពីភាពតានតឹង អន់ចិត្ត និងក្តីទុក្ខព្រួយជាដើម។
១. រស់ក្នុងធាតុពិតរបស់ខ្លួន៖ មនុស្សភាគច្រើនរស់នៅចំណាយពេលមើលជីវិតរឿងអ្នកដទៃ រហូតភ្លេចរស់នៅក្នុងធាតុពិតរបស់ខ្លួន។ តាមសៀវភៅ លំហូរចិត្ត បានសរសេរថា ពេលអ្នកស្លៀកពាក់មិនដូចជាអ្នកដទៃ អ្នកមិនចាំបាច់គិតដូចអ្នកដទៃទេ។ ខ្ញុំបានរៀនរបៀបរស់នៅរបស់ខ្ញុំ តាំងពីខ្ញុំនៅក្មេង ខ្ញុំព្យាយាមធ្វើជាខ្លួនឯង ដើម្បីផ្គាប់ចិត្តខ្លួនឯង ទើបខ្ញុំរស់នៅសប្បាយចិត្តក្នុងជីវិតនេះ”។ នេះជាសម្តីលោកយាយ Iris Apfel។ សូម្បីតែព្រះអង្គ Pothera Mahindasiri Thero បានបញ្ជាក់ថា “អ្វីដែលអ្នកដទៃគិតឬវិនិច្ឆ័យមកលើជីវិតរបស់អ្នកនោះ វាមិនមែនជាការកំណត់ពីធាតុពិតរបស់អ្នកនោះទេ”។
២. កុំចំណាយពេលគ្មានប្រយោជន៍នាំខូចសេចក្តីសុខក្នុងជីវិតរបស់អ្នក៖ មនុស្សភាគច្រើនចំណាយពេលវេលាដ៏មានតម្លៃទៅចេះដឹងរឿងអ្នកដទៃគួរធ្វើនេះ ធ្វើនោះ ហើយជាអ្នកពិសេសរស់នៅធ្វើខ្លួនដូចជាគេថែមទៀត កុំឱ្យគេរិះគន់ខ្លួន។ តាមព្រះអង្គ Pothera M. Thero បានបញ្ជាក់ថា ដំណើរជីវិតរបស់មនុស្សយើងម្នាក់ៗ តែងតែមានការរស់នៅខុសគ្នា។ ចូរអ្នកធ្វើជាខ្លួនឯង កុំចំណាយពេលទៅខ្ជះខ្ជាយពេលធ្វើខ្លួនឱ្យដូចជាអ្នកដទៃឱ្យសោះណា។
៣. ចូរញញឹមមកកាន់ខ្លួនឯង៖ មានបងស្រីម្នាក់បានប្រាប់ខ្ញុំថា មានអ្នកមីងម្នាក់ គាត់ដើរទៅទិញម្ហូបអាហារជាប្រចាំថ្ងៃ ប៉ុន្តែរបស់មុខគាត់គ្មានការញញឹមទេ ព្រោះតែនៅក្នុងចិត្តរបស់គាត់មានបញ្ហាច្រើន។ បងស្រីបានបន្តថា ខ្ញុំតែងញញឹមដាក់គាត់ជានិច្ច។ រហូត់អ្នកមីងបានមកអរគុណបងស្រីព្រោះតែស្នាមញញឹមនេះឯង។ អ្នកកុំព្យាយាមរស់នៅផ្តល់ស្នាមញញឹមដើម្បីតែអ្នកដទៃ ចូរអ្នករៀនញញឹមមកកាន់ជីវិតខ្លួនឯងហើយលើកទឹកចិត្តខ្លួនឯងផង។ តាមលោក Pothera M. Thero បានសម្តែងថា “ចូរអ្នកញញឹមឱ្យបានច្រើន ព្រោះការញញឹមរបស់អ្នកឱ្យចិត្តមានក្តីសុខ ហើយចម្លងទៅកាន់អ្នកដទៃថែមទៀត”។
៤. កម្មផល៖ អ្នកដាំដូង បានផ្លែដូង។ ពេលអ្នកដាំអ្វីបានផលហ្នឹង។ នេះជាច្បាប់ធម្មជាតិ។ តាមព្រះអង្គ Pothera M. Thero បានសម្តែងថា មិនថាអ្វីក៏ដោយ ពេលអ្នកចាប់ផ្តើមធ្វើវានោះ វាតែងតែឱ្យផលមកជានិច្ច។ ដូច្នេះហើយ អ្វីដែលអ្នកបានផ្តល់ឱ្យលោកនេះ ទោះបីវាល្អក៏ដោយ អាក្រក់ក៏ដោយ វានឹងតបស្នងមកអ្នកវិញជានិច្ច។ ដូចនេះហើយ អ្នកត្រូវព្យាយាមធ្វើអំពើល្អឱ្យច្រើនណា ទើបចិត្តបានបុណ្យបានសុខ៕ អត្ថបទដោយ៖ ទ្រ សុភាព
អ្នកអាចតាមដានផេកថ្មី គឺផេកកម្មវិធី លំហូរចិត្ត
អ្នកអាចទិញសៀវភៅ លំហូរចិត្ត តាមនេះ https://t.me/BusinessCambodiaBook