ស្នេហា គឺជាទង្វើដែលកំណត់សម្គាល់ដោយចិត្តតាមលក្ខណៈនៃភាពស្និទ្ធស្នាល ចំណង់ចំណូលចិត្ត ការយល់ ការជឿទុក ចិត្ត និងការតាំងចិត្តស្រលាញ់គ្នារវាងគ្នា។

ជាកាពិតណាស់ ស្នេហាដែលស៊ីជម្រៅមែនទែននោះគឺ យើងមិនអាចវាស់វែងបានតាមពេលវេលាយូរ ឬខ្លីនោះឡើយ។ ប៉ុន្តែនៅក្នុងលក្ខណៈស្នេហាមួយនេះ គឺអាស្រ័យលើដៃគូទាំង២មាន ការចេះអធ្យាស្រ័យ ការមានមេត្តាធម៌ និងគិតវិជ្ជមានពីគ្នានឹងគ្នាឱ្យបានច្រើន។ ពោលគឺ ការគិតវិជ្ជមានរបស់ដៃគូនេះឯង ដែលធ្វើឱ្យពួកគេអាចបង្កើតបាននូវចំណងសុភមង្គល ការរំភើបរីករាយ ការពេញចិត្តនៅក្នុងដៃគូជីវិតរបស់ពួកគេ។

ជាក់ស្ដែង បើយោងតាមកេហៈទំព័រ Verywellmind បានសិក្សាស្រាវជ្រាវរកឃើញថា ឥទ្ធិពលនៃស្នេហារវាងដៃគូទាំង២បានធ្វើឱ្យពួកគេជៀសឆ្ងាយពីហានិភ័យកើតជំងឺកាចទាំង៦រួមមាន ជំងឺបេះដូងកម្រិតទាប, ការថយចុះហានិភ័យនៃការស្លាប់លើជំងឺគាំងបេះដូង, ការបង្កើនអាយុវែង, កាត់បន្ថយបញ្ហាស្ដ្រេស, កាត់បន្ថយជំងឺបាក់ទឹកចិត្ត, ហើយជាពិសេសកាត់បន្ងយហានិភ័យកើតជំងឺទឹកនោមផ្អែមផងដែរ ហើយនេះជាការសិក្សារបស់លោកវេជ្ជបណ្ឌិត Chun Shing Kwok និងក្រុមស្រាវជ្រាវសរសៃឈាមបេះដូង មកពីសាកលវិទ្យាល័យ Keele នៃចក្រភពអង់គ្លេស។ តើអ្នកដែលមិនទាន់មានគូគិតយ៉ាងណាដែរ? បើមិនទាន់មាននោះទេ សាកគិតលមើល៕