១.ជួយឱ្យទារកដុះសក់ខ្មៅរលោង

ម៉ាក់គួរតែទទួលទានអាហារដូចជា គ្រាប់សណ្ដែក គ្រាប់ល្ង ពោត សាច់គ្មានខ្លាញ់ សារ៉ាយសមុទ្រ ស៊ុត ពីព្រោះអាហារទាំងអស់នេះមានផ្ទុកនូវវីតាមីនបេ(B) ច្រើននឹងជួយឱ្យកូនមានសក់ខ្មៅទន់រលោង។

២.ជួយឱ្យទារកមានស្បែកស្អាតភ្លឺថ្លា

សំណួរដែលម៉ាក់ៗពពោះតែងតែសួរគឺ តើគួរញុំាអ្វីទើបធ្វើឱ្យស្បែកកូនស្រស់ស្អាតភ្លឺថ្លា? ចម្លើយគឺ ម៉ាក់គួរញុំាអាហារសម្បូរទៅដោយវីតាមីនស៊ី(C) ដូចជា ផ្លែក្រូច  ផ្លែទំពាំងបាយជូរ និងផ្លែប៉ោមជាដើម។

៣.ជួយឱ្យទារកមានការលូតលាស់ល្អ

ដើម្បីជួយឱ្យការលូតលាស់របស់កូនមានភាពប្រសើរ ម៉ាក់ៗគួរទទួលទានវីតាមីនដេ(D) ដែលមាននៅក្នុថ ទឹកដោះគោ ត្រី ស៊ុត និងផ្សិតជាដើម។

៤.ជួយឱ្យកូនមានភ្លែកភ្លឺ

ដើម្បីឱ្យកូនមានភ្លែកភ្លឺ ភ្លែកមូលក្រឡង់ និងមានសុខភាពល្អ អំឡុងពេលមានផ្ទៃពោះ ម្ដាយត្រូវយកចិត្តទុកដាក់លើការញុំានូវវីតាមីនអា(A) ដែលមាននៅក្នុង ម៉ឺមការ៉ុត ផ្លែប៉េងប៉ោះ ផ្លែប៉ោម បន្លែបៃតង ស៊ុត  ឬថ្លើម។

៥.ជួយឱ្យទារកមានភាពវៃឆ្លាត

យោងតាមប្រសាសន៍របស់លោកវេជ្ជបណ្ឌិត Kate Di Prima អ្នកឯកទេសអាហារូបត្ថម្ភជនជាតិអាមេរិក បានលើកឡើងថា ជីវជាតិរបបអាហារដែលម្ដាយគួរតែញ៉ាំអំឡុងពេលមានផ្ទៃពោះគឺ Folate, Cholin, ប្រូតេអ៊ីន, កាល់ស្យូម, ជាតិដែក និងអាស៊ីតខ្លាញ់ជាដើម។ ហើយសារធាតុទាំងនេះមិនត្រឹមតែជួយទារកឱ្យមានការអភិវឌ្ឍខួរក្បាលមានភាពល្អប្រសើរប៉ុណ្ណោះទេ ប៉ុន្តែថែមទាំងពង្រឹងភាពធន់របស់ទារក និងប្រឆាំងនឹងជំងឺពីកំណើតផងដែរ។

៦.បើចង់ឱ្យទារកកើតមកស្រស់ស្អាត ម៉ាក់ៗត្រូវតែមានសុខភាពល្អ​ជាមុខសិន

ទារកស្រស់ស្អាតជាអ្វីដែលប៉ាម៉ាក់គ្រប់រូបប្រាថ្នាចង់បាន។ ប៉ុន្តែអ្វីដែលសំខាន់ជាងនេះទៅទៀត គឺម្ដាយត្រូវយកចិត្តទុកដាក់លើសុខភាពកូន និងសុខភាពរបស់ខ្លួន។ ការទទួលទានអាហារបានត្រឹមត្រូវ ការសម្រាកឱ្យបានគ្រប់គ្រាន់ ក៏ដូចជាការធ្វើលំហាត់ប្រាណឱ្យបានត្រឹមត្រូវនឹងជួយឱ្យទាំងម្ដាយ ទាំងកូនមានសុខភាពល្អ ស្រស់ស្អាត ជាពិសេសជួយឱ្យទារកមានសុខភាពល្អ និងរឹងមាំទៀត។

៧.ជួយឱ្យទារកមានភាពរីករាយ

អំឡុងពេលពពោះ ម៉ាក់ត្រូវស្រស់ស្រាយ កុំបណ្ដាយឱ្យចិត្តរបស់អ្នកទទួលរងនូវភាពតានតឹង ឬការថប់បារម្ភ ហើយយកល្អម៉ាក់ៗគួរស្ដាប់តន្ត្រីដែលបង្កើនភាពរីករាយសម្រាប់ខ្លួនឯង ជាពិសេសប្ដីក៏មានតួនាទីសំខាន់ក្នុងការមើលថែប្រពន្ធផងដែរ។