អ្នកមួយចំនួននិយាយថា សុខភាពមិនសូវសំខាន់ប៉ុន្មានទេ ការមានគំនិតគិតបែបនេះ ធ្វើឱ្យផឹកស្រា ហូបអាហារមិនត្រឹមត្រូវតាមចិត្តចង់ មិនត្រឹមតែ ១០ឆ្នាំក្រោយមក ពួកគេបានរង្វាន់ជំងឺធាត់ ទឹកនោមផ្អែម និងមហារីកជាដើម។ ថ្ងៃនេះ ខ្ញុំសូមលើកពីប្រទេសជប៉ុនដែលមានសុខភាពល្អនិងអាយុវែងជាងគេបំផុត បើគិតជាមធ្យម 84,7ឆ្នាំ ដែលត្រូវបានគេកំណត់ថាគេប្រទេសដែលមានអាយុវែងជាងគេបំផុតក្នុងលោក។
មូលហេតុដែលធ្វើឲប្រជាជនជប៉ុន មានសុខភាពល្អនិងអាយុវែងជាងគេគឺអាស្រ័យទៅលើរបបអាហារប្រពៃណីរបស់ប្រទេសនេះផ្ទាល់ ដែលមានដូចជា អង្ករ ត្រី បន្លែ សារ៉ាយសមុទ្រ និងតែបៃតងជាដើម។ អង្កររបស់ជប៉ុនត្រូវបានគេទទួលស្គាល់ថាជាអង្ករល្អផ្តាច់គេនៅលើពិភពលោក បន្លែដែលសម្រាប់បរិភោគភាគច្រើនជាបន្លែសុខភាពក្នុងស្រុក គ្មានជាតិគីមី ប្រជាជនជប៉ុនមិនសូវចូលចិត្តបរិភោគសាច់ដែលប៉ះពាល់នោះទេ ពួកគេចូលចិត្តប្រភេទត្រីដែលមានវីតាមីន និងប្រូតេអ៊ីន ដូចជាត្រីសាលម៉ុន និងត្រីធូណាជាដើម។ និយាយទៅ បើខ្មែរហូបអាហារវិញក៏មានបន្លែនិងផ្លែឈើច្រើនគួរហូបដើម្បីសុខភាពដូចគ្នាដែររួមមានគឺ ត្រីធម្មតា ផ្លែប៉រ ផ្លែប៉ោម និងការរ៉ុត...។
បើក្រឡេកមកមើលពីយុវវ័យក្នុងប្រទេសកម្ពុជា ហាក់ពុំសូវសកម្ម ឬរហ័សរហួនក្នុងការប្រកបកិច្ចការផ្សេងៗទេ ដោយពួកគេចំណាយពេលភាគច្រើននៅពីមុខកញ្ចក់ទូរស័ព្ទ ហើយពេលទៅណាម្តងៗ ទោះជានៅជិតក៏ដោយក៏ប្រើយានជិះទៅដែរ។ យោងតាមប្រភពចេញរបស់ទស្សនាវដ្តី CNBC ចុះផ្សាយពីទម្លាប់ជប៉ុនថា ជនជាតិជប៉ុនវិញ ពួកគេតែងបង្រៀនកូនៗ ឬក្មេងទម្លាប់សកម្មតាំងពី និងទម្លាប់ដើរច្រើន និងនៅឆ្ងាយពីប្រភេទគ្រឿងអេឡិចត្រូវនិច។ អ្វីដែលកាន់តែសំខាន់នោះ ជប៉ុនទម្លាប់ពិសេសមួយ គឺដើរប្រចាំថ្ងៃ។ ដូចនេះហើយ យើងធ្លាប់ឃើញថា មានប្រជាជនជប៉ុនច្រើនធ្វើដំណើរតាមរថភ្លើងទៅសាលា និងកន្លែងធ្វើការ។ លើសពីនេះទៅទៀតពួកគេចូលចិត្តជិះកង់ ៣ ទៅ ៤ គីឡូម៉ែត វាជារឿងធម្មតានៅក្នុងក្រុមគ្រួសារជនជាតិជប៉ុន។ នៅតាមទីក្រុងធំៗ សម្បូរមនុស្សជាច្រើនបានសម្រេចចិត្តដើរទៅធ្វើការងារជារៀងរាល់ថ្ងៃ។
នេះជាទម្លាប់សាមញ្ញាៗ ដែលធ្វើឱ្យពួកគេមានអាយុវែង គ្មានស្រ្តេស គ្មានភាពតានតឹង និងឡើងគីឡូនោះទេ។ ចឹងហើយវាអ្វីគ្មានចម្លើយនោះទេ ដែលប្រជាជនប៉ុនរស់នៅមានសុខភាពល្អ មានលោកយាយលោកតាមានអាយុ ១០០ឆ្នាំជាង ពួកគាត់នៅមានសុខភាពរឹងមាំដែរ។ ព្រោះតែគាត់មានទម្លាប់អាហារស្អាត និងចំណាយហាត់ប្រាណដើម្បីការពារឡើងគីឡូ។ ខ្ញុំជឿថា ពេលអ្នកមានទម្លាប់សាមញ្ញបែបនេះ មិនងាយឈឺហើយមានអាយុវែងជាង៩០ឆ្នាំ មិនត្រឹមតែណ្ណោះទេគឺអ្នកនៅតែមានកម្លាំងខ្លាំងក្លាដដែលផងដែរ៕ អត្ថបទដោយ៖ ទ្រ សុភាព