អ្នកមានផ្ទៃពោះ កាន់តែច្រើនខែ កាន់តែពិបាកក្នុងការធ្វើសកម្មភាពផ្សេងៗ ជាពិសេសគឺការគេងហ្នឹងតែម្តង។ ហើយចំពោះទាក់ទងជាមួយការគេងនេះផងដែរ គ្រូពេទ្យបានណែនាំកាន់តែច្បាស់ថា ម៉ាក់ៗគួរគេងបែបណា មិនគួរគេងបែបណា។
ខាងក្រោមនេះ ជារបៀបគេងចំនួន២ដែលមិនល្អចំពោះម៉ាក់ ហើយអាចប៉ះពាល់ដល់កូន៖
ទី១ ការគេងត្រង់ខ្លួន ប្រសិនជាម៉ាក់ៗពពោះ៣ខែដំបូងការគេងត្រង់ខ្លួននេះមិនសូវមានបញ្ហាទេ ប៉ុន្តែបើម៉ាក់ៗពពោះចាប់ពីត្រីមាសទី២ឡើងទៅ ពោះរបស់យើងកាន់តែធំ កាន់តែតឹង ប្រសិនបើម៉ាក់ៗមានទម្លាប់ក្នុងការគេងត្រង់ខ្លួននេះ គឺវាធ្វើឱ្យកូនក្នុងផ្ទៃ ថប់ៗពិបាកដកដង្ហើម មួយទៀត វាធ្វើឱ្យប៉ះពាល់ខ្លាំងទៅដល់ឆ្អឹងខ្នង និងឆ្អឹងចង្កេះរបស់ម៉ាក់ៗ អាចធ្វើឱ្យម៉ាក់ៗមានបញ្ហាចុករោយឆ្អឹងខ្លាំងនៅមុនពេលសម្រាល និងក្រោយពេលសម្រាល។
របៀបគេគ្រោះថ្នាក់ទី២ គឺការគេងបែបអង្គុយ៖ ធម្មតាពេលពោះយើងកាន់តែធំ វាធ្វើឱ្យម៉ាក់ៗកាន់តែពិបាកក្នុងការគេង ប៉ុន្តែទោះជាយ៉ាងណាម៉ាក់ៗមិនគួរមានទម្លាប់គេងបែបអង្គុយ ឬផ្អែកនេះទេ ព្រោះវាអាចធ្វើឱ្យទល់ពោះទៅខាងក្រោយ កូនពិបាកក្នុងការធ្វើចលនា កូនខ្វះខ្យល់អ៊ុកស៊ីសែន ហើយម៉ាក់ៗវិញក៏ងាយក្នុងការមានបញ្ហាឆ្អឹងផងដែរ។
ដូច្នេះ ទម្លាប់គេងទាំង២នេះ ម៉ាក់ៗគួរតែចៀស ហើយនៅពេលគេងម៉ាក់ៗគួរតែគេងបែបចំហៀងទើបល្អចំពោះសុខភាពម៉ាក់ៗ និងកូនក្នុងផ្ទៃ។