ការសម្រកគីឡូមិនមែនជារឿងងាយស្រួលនោះទេ វាតម្រូវឱ្យអ្នកហាត់ប្រាណនិងតមអាហារផងដែរ។ បើអ្នកគ្មានពេលសម្រាប់ហាត់ប្រាណទេ អ្នកនៅតែអាចសម្រកគីឡីបានដែរ។ តាមគ្រូហាត់ប្រាណភាគច្រើនបានលើកឡើងថា ការសម្រកគីឡូ ការហាត់ប្រាណជួយត្រឹមតែ២០ឬ៣០% តែប៉ុណ្ណោះ ចំពោះរបបអាហារមានរហូតដល់៧០ឬ៨០% ជួយឱ្យអ្នកសម្រកគីឡូ។ ការហូបអាហារបែបនេះជួយឱ្យអ្នកសម្រកគីឡីបានលឿនគ្មានការហាត់ប្រាណ។
១. ចង់ស្រកគីឡូហូបអាហារ ៨០%បានហើយ៖ តាមលោក Makoto Suzk ជាវេជ្ជបណ្ឌិតជប៉ុនជាអ្នកជំនាញខាងចំណីអាហារបាននិយាយថាច្បាប់ ៨០% នៃក្រពះ។ ប្រជាជនជប៉ុនភាគច្រើនមានរាងស្លីម កម្រធាត់ណាស់ ព្រោះតែគេតែងបរិភោគអាហារមានលក្ខណៈឆ្អែត ៨០% មកពីពួកគេយល់ថា ការហូបអាហារឆ្អែតពេក១០០% វាធ្វើឱ្យក្រពះពិបាករំលាយអាហារ ដែលប្រើរយៈពេលយូរ ហើយងាយធាត់ព្រោះតែឡើងកាឡូរីច្រើន។ ពេលពួកគេហូបអាហារ ៨០% នេះ ជាអារម្មណ៍បញ្ជាក់ថា ខ្លួនឆ្អែតហើយ គេឈប់ហូប...ជាហេតុធ្វើពួកគេមានរាងស្អាត។
២. បរិភោគអាហារគ្មានកាឡូរី បានខ្លាញ់ក្បាលពោះស្រក៖ បើហូបអាហារមានខ្លាញ់ ផ្អែម និងប្រៃ អ្នកប្រញាប់ប្តូរទម្លាប់បែបនេះចេញទើបល្អជាង(ស្រកគីឡូលឿន)។ អ្នកគួរតែផ្លាស់ប្ដូររបបអាហារ មកហូបអាហារគ្មានកាឡូរី ទើបអ្នកសម្រកគីឡូបានលឿន ហើយវាមិនអាចផ្ដល់ផលប៉ះពាល់ដល់សុខភាពទេ។ អាហារទាំងអស់នោះមានដូចជា ផ្លែប៉ោម ត្រសក់ ប៉េងប៉ោះ ការ៉ុត ស្ត្រប័ររី ស្ពៃក្ដោប ក្រូចឆ្មារ មានត្រី សាច់គោ មាន់ និងផ្លែប័រ... ជាដើម។
៣. តែក្ដៅៗ បញ្ចុះជាតិខ្លាញ់៖ ការញុំាទឹកតែក្ដៅៗមានប្រសិទ្ធខ្លាំងចំពោះការកម្ចាត់ជាតិខ្លាញ់ក្បាលពោះ ព្រោះវាមានផ្ទុកcatechin ដែលជួយរំលាយអាហារនិងដុតបំផ្លាញ់បានយ៉ាងឆាប់រហ័ស។ ដើម្បីទទួលបានប្រសិទ្ធលឿនសូមញុំាវារៀងរាល់ថ្ងៃ ៤កែវក្នុងមួយថ្ងៃ។
៤. គ្រប់គ្រងអារម្មណ៍តានតឹង ដើម្បីគ្រប់គ្រងគីឡូ៖ នៅពេលដែលយើងស្ត្រេស រាងកាយរបស់យើងផលិតអរម៉ូន cortisol កាន់តែច្រើន ការកើនឡើងនៃសារធាតុ cortisol អាចជះឥទ្ធិពលដល់ការស្រេកឃ្លាន និងចំណង់អាហារមិនល្អដូចជាប្រហុត ចេកចៀន ភីហ្សា និងបុកហ្ហុង...។ ជាលទ្ធផលការហូបបែបនេះនាំឱ្យអ្នកឡើងគីឡូ។ ដូច្នេះហើយអ្នកអាចកាត់បន្ថយឡើងគីឡូពេលអ្នកគ្រប់គ្រងស្រ្តេសដោយដើរលេង ហាត់ប្រាណ និងសមាធិ ដើម្បីកាត់បន្ថយភាពតានតឹងចេញ៕ អត្ថបទដោយ៖ ទ្រ សុភាព