ពេលអ្នកខំធ្វើការកាន់តែខ្លាំងកាន់តែស្រ្តេស អាចមកពីកត្តាអ្នកគ្មានពេលសម្រាក គ្មានពេលហាត់ប្រាណ និងគេងមិនគ្រប់គ្រាន់ផងដែរ។ បើអ្នកចង់ធ្វើការមានប្រសិទ្ធភាព លុះត្រាអ្នកមានផ្លូវចិត្តរឹងមាំ។ បើយោងតាមគេហទំព័រ Thehartford បានលើកឡើងថា ពេលអ្នកស្រ្តេសនឹងការងារនោះ ចូរបង្កើតពេលវេលាធ្វើការឱ្យបានត្រឹមត្រូវ។ នៅក្នុងពេលដែលអ្នកជួបបញ្ហានេះ អ្នកប្រហែលត្រូវខិតខំបន្ថែមម៉ោងបន្ថែមការងារទ្វេដង តែវាអាចជាកត្តាបន្ថែមសម្ពាធផ្លូវចិត្តបន្ថែម បើយើងមិនបានសម្រាកឬទទួលបានពេលវេលាសម្រាប់ខ្លួនឯងខ្លះទេនោះ។ ហេតុនេះមួយរយៈមានសម្ពាធខ្លាំង អ្នកអាចប្រើវិធីការរៀបចំនិបងញ្ចប់ការងារក្នុងពេលវេលាជាក់លាក់ បន្ទាប់ពីនោះអ្នកអាចបិទប្រព័ន្ធទូរស័ព្ទឬភារកិច្ចមិនចាំបាច់ខ្លះ ដើម្បីអាចឱ្យខ្លួនអ្នកមានពេលវេលាសម្រាក នោះថាមពលអ្នកនឹងកើនឡើង។ នេះជាវិធីខ្លីតែមានប្រសិទ្ធភាពល្អដើម្បីឱ្យអ្នកបង្កើតគំនិតថ្មី ឱ្យអ្នកដោះស្រាយបញ្ហាការងារនិងអាជីវកម្មបានល្អ។
សម្រាប់វិធីសាស្រ្តទីពីរវិញ ខ្ញុំក៏ប្រើល្បិចនេះដែរ ពេលខ្ញុំស្រ្តេសនឹងការងារ ខ្ញុំអង្គុយស្រ្តេសមួយកន្លែងទេ ខ្ញុំដើរលេងឬនិយាយគ្នាបន្តិច ដើម្បីបន្ធូរអារម្មណ៍ បានខ្ញុំវិលត្រឡប់មកធ្វើការវិញជាមួយគំនិតថ្មី។ អ្នកត្រូវចាំថា គំនិតល្អៗ មិនមែនកើតនៅពេលអ្នកស្រ្តេសនោះទេ គឺកើតពេលអ្នកមានអារម្មណ៍រីករាយ។ ខ្ញុំបានលួចរៀនគំនិតអស្ចារ្យនេះពីជនជ្វីហ្វដែរថា “អ្នកត្រូវចោលបញ្ហានេះសិន កុំគិតពីវា ហើយអ្នកត្រូវទៅធ្វើកិច្ចការអ្វីផ្សេងសិន ប៉ុន្តែអ្នកត្រូវព្យាយាមតភ្ជាប់វាដើម្បីមកដោះស្រាយបញ្ហានេះឡើងវិញ”។ ខ្ញុំទុកបញ្ហាចោលមួយរយៈសិន ចិត្តខ្ញុំកាន់តែរីករាយ។ អ្នកអាចសាកកល្បងបាន ពេលអ្នកបញ្ហាណាមួយនោះ ចូរអ្នកដកខ្លួនមួយរយៈចេញពីបញ្ហា អ្នកនឹងលេចគំនិតថ្មីៗ ។
សម្រាប់វិធីសាស្រ្តចុងក្រោយនោះគឺការសរសេរកំណត់ត្រាប្រចាំថ្ងៃ ជួយឱ្យអ្នកអាចគ្រប់គ្រងលើពេលវេលានិងកិច្ចការរបស់ខ្លួនបានល្អបំផុតគឺឱ្យអ្នកដឹងថាពេលណាគួរធ្វើ ឬពេលណាមិនគួរធ្វើ។ ការសរសេរពីស្ថានភាពអារម្មណ៍ឬសកម្មភាពប្រចាំថ្ងៃអាចជួយអភិវឌ្ឍអារម្មណ៍និងសមត្ថភាពគិតរបស់អ្នកឱ្យធ្វើការប្រសើរឡើង កុំឱ្យស្រ្តេសវ៉ល់នឹងការងារមួយថ្ងៃៗ គ្មានការរៀបចំ។ អ្នកអាចធ្វើការសរសេរពីខ្លួនឯងជារៀងរាល់ថ្ងៃយ៉ាងតិច៥នាទី ការសរសេរបែបនេះក៏អាចជួយកាត់បន្ថយបញ្ហាថប់បារម្ភស្រ្តេស និងបញ្ហាបាក់ទឹកចិត្តយ៉ាងមានប្រសិទ្ធភាពបំផុត៕ អត្ថបទដោយ៖ ទ្រ សុភាព