មេជីវិតឈ្មោលខ្សោយជាលក្ខខណ្ឌចំនួនមេជីវិតឈ្មោលទាប និងគុណភាពមេជីវិតឈ្មោលខ្សោយ ធ្វើឱ្យបុរសពិបាកមានកូនណាស់។ តាមវេជ្ជបណ្ឌិត Truong Nguyen Minh Tuan ជាអ្នកជំនាញបន្តពូជក្នុងមន្ទីរពេទ្យ Tam Anh General បាននិយាយថា មេជីវិតឈ្មោលខ្សោយប៉ះពាល់ដល់អារម្មណ៍បុរសណាស់ ព្រោះវាបង្កការលំបាកក្នុងការមានកូនដោយសារមានជំងឺ Varicocele និងការឆ្លងមេរោគលើប្រដាប់បន្តពូជ...។ ហើយលោកវេជ្ជបណ្ឌិតណែនាំឱ្យបុរសរក្សាទម្លាប់ខាងក្រោមនេះ ដើម្បីបង្កើតគុណភាពមេជីវិតឈ្មោលមានសុខភាពល្អ៖
១. បរិភោគអាហារមានសុខភាពល្អ មេជីវិតឈ្មោលក៏សុខភាពល្អដែរ។ ចូរអ្នកញ៉ាំបន្លែបៃតង និងផ្លែឈើដែលសម្បូរសារធាតុប្រឆាំងអុកស៊ីតកម្ម (វីតាមីនC, ស័ង្កសី, សេលេញ៉ូម) ដើម្បីការពារមេជីវិតឈ្មោលពីកត្តាខូចខាតប្រកាណាមួយ។ អាហារសម្បូរជាតិស័ង្កសី មានដូចជា សាច់គោ សាច់មាន់ អាហារសមុទ្រ គ្រាប់ល្ពៅ គ្រាប់ផ្កាឈូករ័ត្ន... បន្ថែមសារធាតុ folate (អាស៊ីតហ្វូលិក) មាននៅក្នុងសណ្តែក បន្លែស្លឹកបៃតង និងគ្រាប់ធញ្ញជាតិ ដើម្បីរក្សា DNA នៅក្នុងមេជីវិតឈ្មោល។ បុរសគួរកំណត់ការញ៉ាំអាហារកែច្នៃ អាហារសម្បូរជាតិខ្លាញ់ ស្ករ... វាអាចបង្កជាការរលាករ៉ាំរ៉ៃក្នុងរាងកាយនាំឱ្យបង្កើនភាពតានតឹងអុកស៊ីតកម្ម និងរំខានដល់ការផលិតអរម៉ូននៃមេជីវិតផងដែរ។
២. ល្ងាចៗ បុរសគួរគេចពីផឹកស្រា មកលំហាត់ប្រាណវិញដើម្បីសុខភាពមេជីវិតឈ្មោលកាន់តែខ្លាំង។ ព្រោះការលំហាត់ប្រាណជួយគ្រប់គ្រងទម្ងន់ កាត់បន្ថយភាពតានតឹងដោយបញ្ចេញអរម៉ូន endorphins កាត់បន្ថយអរម៉ូនស្ត្រេស (cortisol) ឱ្យទឹកកាមមេជីវិតមានសុខភាពល្អ។ ការធ្វើលំហាត់ប្រាណនេះជួយរក្សាកម្រិតអរម៉ូនតេស្តូស្តេរ៉ូន និងឱ្យឈាមរត់បានប្រសើរឡើង។ ពេលលំហូរឈាមល្អទៅកាន់ពងស្វាសធានាថា អុកស៊ីសែនគ្រប់គ្រាន់ និងសារធាតុចិញ្ចឹមបានផ្គត់ផ្គង់សម្រាប់ការបង្កើតមេជីវិតឈ្មោលមានគុណភាពសម្រាប់បុរសៗ ជាពិសេស។
៣. ការគេងជាការកំណត់វាសនាសុខភាពបន្តពូជរបស់បុរសមួយផ្នែកយ៉ាងធំ។ ពេលអ្នកគេងបានគ្រប់គ្រាន់ រាងកាយរបស់បុរសក៏បានរក្សាតុល្យភាពអ័រម៉ូន ជាពិសេសអ័រម៉ូន Testosterone ជាអ័រម៉ូនផលិតមេជីវិតឈ្មោល។ ផ្ទុយទៅវិញ ការគេងមិនគ្រប់គ្រាន់ក៏កាត់បន្ថយកម្រិតអ័រម៉ូនតេស្តេស្តេរ៉ូន បង្កឱ្យមានបញ្ហាមេជីវិតឈ្មោល។ តាមការសិក្សាជាច្រើនបង្ហាញថា បុរសគេងតិចជាង ៦ម៉ោងក្នុងមួយយប់ មេជីវិតខ្សោយ បើធៀបទៅនឹងអ្នកគេង ៧-៨ម៉ោងក្នុងមួយយប់មេជីវិតល្អបំផុត ពេលមានកូនមកគឺកូនឆ្លាត កូនមានសុខភាពល្អ។
៤. រក្សាភាពត្រជាក់របស់ពងស្វាសជួយបង្កើនគុណភាពមេជីវិតឈ្មោលឱ្យមានភាពរីករាយ។ ពងស្វាសត្រូវការសីតុណ្ហភាពប្រហែល ២-៤អង្សាសេទាបជាងសីតុណ្ហភាពរាងកាយ។ ទម្លាប់ស្លៀកខោទ្រនាប់តឹង ងូតទឹកក្តៅ ទុកកុំព្យូទ័រលើភ្លៅ... ជាកត្តាពន្យឺតដំណើរការបង្កើតមេជីវិតឈ្មោល ធ្វើឱ្យកោសិកាមេជីវិតងាប់ កាត់បន្ថយបរិមាណមេជីវិត ចល័តមេជីវិតយឺត និងបង្កើនអត្រាមេជីវិតនៃភាពមិនប្រក្រតីថែមទៀត។
៥. រួមភេទឱ្យបានទៀងទាត់ល្អដល់មេជីវិតឈ្មោលរបស់បុរសៗ ណាស់។ ការរួមភេទប្រហែល ២ទៅ៤ដងក្នុងមួយសប្តាហ៍ជួយកម្ចាត់មេជីវិតចាស់មានគុណភាពអន់ចេញ ជំនួសមកវិញ មកនៅមេជីវិតឈ្មោលដែលមានសុខភាពល្អ និងល្អបំផុតនៅពេលស្រ្តីមានផ្ទៃពោះជាមេជីវិតមានគុណភាព៕ អត្ថបទដោយ៖ ទ្រ សុភាព