អាហារជាអ្នកកំណត់សុខភាពខួរក្បាលរបស់អ្នក។ ឥឡូវនេះ! អ្នកសាកគិតបន្តិចមើលថា ពេលអ្នកផឹកស្រា ស្រវឹងខ្លាំងនោះ តើសភាពខួរក្បាលរបស់អ្នកគិតបែបណា? ពេលអ្នកញ៉ាំអាហារសម្បូរជាតិស្ករច្រើន ហើយអស់ជាតិស្ករ តើសភាពខួរក្បាលរបស់អ្នកគិតបែបណា? និយាយទៅគឺថា ស្រានិងជាតិស្ករលើសកម្រិតនោះ វាស៊ីកោសិកាខួរក្បាលរបស់អ្នកចុះខ្សោយ ឆាប់ភ្លេច និងមានជំងឺវង្វេងផងដែរ។ អាហារ៤ នាំខួរក្បាលសុខភាពល្អ៖
១. ខួរក្បាលរបស់មនុស្សយើងចូលចិត្តខ្លាញ់ត្រី។ មានត្រីដូចជាត្រីសាល់ម៉ុន ត្រីដ្រូត ត្រីប្រា ត្រីរ៉ស់ និងត្រីឆ្ពុងសមានអាស៊ីតខ្លាញ់អូមេហ្កា ៣ខ្ពស់ ល្អចំពោះសុខភាពខួរក្បាលណាស់។ អ្នកដឹងទេថា ខួរក្បាលយើងត្រូវការជាតិខ្លាញ់ល្អរបស់ត្រីរហូតដល់៦០% នៅក្នុងនោះពាក់កណ្តាលជាប្រភេទខ្លាញ់អូមេហ្គា៣ ដើម្បីការពារបញ្ហាស្រ្តេស គិតបានល្អ និងចៀសវាងពីជំងឺចាស់វង្វេងផងដែរ។
២. ផឹកកាហ្វេជាភេសជ្ជៈពេញនិយមដែលខួរក្បាលចូលចិត្តបំផុត នាំខួរក្បាលរីករាយ និងគិតបានរហ័សណាស់។ ហើយនៅក្នុងកាហ្វេមានសារធាតុសំខាន់២ ទី១. ជាតិកាហ្វេអ៊ីន និងទី២. សារធាតុប្រឆាំងអុកស៊ីតកម្មជួយអ្នកបង្កើនការចងចាំ និងកាត់បន្ថយកត្តាប្រឈមជំងឺសរសៃប្រសាទជាច្រើនរួមទាំងជំងឺរង្វេងក្នុងវ័យចាស់ផងដែរ។
៣. ញ៉ាំស៊ុតល្អសម្រាប់សុខភាពខួរក្បាលគិតបានលឿន។ ព្រោះស៊ុតមានសារធាតុ Choline ដែលមានសារសំខាន់សម្រាប់សុខភាពខួរក្បាល និងប្រព័ន្ធសរសៃប្រសាទដល់លំហូរឈាម។ ការញ៉ាំស៊ុតមានជាតិអាស៊ីតខ្លាញ់អូមេហ្គា3 នៅក្នុងស៊ុតអាចជួយកាត់បន្ថយការរលាក និងធ្វើឱ្យសុខភាពបេះដូងកាន់តែប្រសើរឡើង។ ហើយសារជាតិ selenium នៅក្នុងស៊ុតជួយការពារការកកឈាមក្នុងខួរក្បាល ជំងឺដាច់សរសៃឈាមខួរក្បាល និងការគាំងបេះដូង។
៤. ការប្រើប្រេងអូលីវកម្រិតតិចមួយ មិនត្រឹមតែល្អដល់សុខភាពបេះដូងនោះទេ ជួយជម្រុញមុខងារក្នុងខួរក្បាលគិតរហ័ស ប៉ូវសរសៃឈាមក្នុងខួរក្បាល។ សម្រាប់ប្រេងប្រភេទនេះជួយកាត់បន្ថយហានិភ័យមួយចំនួនដូចជា អាការភ្លេចភ្លាំង ជំងឺចាស់វង្វេងភ្លេចស្មារតី និងកាត់ស្រ្តេសបានមួយកម្រិតទៀត។ ជាពិសេសពេលអ្នកឆាជាមួយបន្លែថែមទៀតនោះ បន្លែបូកជាមួយប្រេងឆាអូលីវកាន់តែជួយប៉ូវខួរក្បាលមានសុខភាពល្អ រស់នៅគ្មានជំងឺវង្វេងនោះទេ៕ អត្ថបទដោយ៖ ទ្រ សុភាព