អ្នកស្រាវជ្រាវបានសិក្សាលើមនុស្សជាច្រើនក្នុងប្រទេសស៊ុយអែដ ដើម្បីតែរកមើលថា តើជំងឺផ្លូវចិត្តរបស់ឪពុកម្ដាយអាចប៉ះពាល់ដល់អាយុកូនរបស់ពួកគេដែរឬទេ។ ហើយជាលទ្ធផលបង្ហាញថា កូនដែលមានឪពុកម្តាយមានជំងឺផ្លូវចិត្តមាន ហានិភ័យ ខ្ពស់ជាងកូនដែលមានឪពុកម្ដាយធម្មតា ប្រសិនបើឪពុកនិងម្តាយទាំងពីរមានជំងឺផ្លូវចិត្ត ហានិភ័យនេះអាច កើនខ្ពស់គុណទៅនឹងបួនដងឯណោះ។

ជំងឺផ្លូវចិត្តរបស់ឪពុកម្តាយអាចប៉ះពាល់យ៉ាងខ្លាំងដល់ជីវិតរបស់កូន ដែលអាចនាំឱ្យមានការកើនឡើងហានិភ័យសម្រាប់បញ្ហាសង្គម អារម្មណ៍ និងអាកប្បកិរិយារបស់ពួកគេ អត្រាខ្ពស់នៃបញ្ហាសុខភាពផ្លូវចិត្តនាពេលអនាគត និងការលំបាកក្នុងការអភិវឌ្ឍន៍។

អ្នកស្រាវជ្រាវជឿថា ផលប៉ះពាល់ទាំងនេះកើតចេញពីកត្តាដូចជា៖ ការខ្វះការថែទាំផ្លូវចិត្ត និងរាងកាយឱ្យបានត្រឹមត្រូវនៅក្នុងគ្រួសារ។ ការរស់នៅក្នុងបរិយាកាសដែលមានសម្ពាធខ្លាំង ស្ត្រេស ឬអំពើហឹង្សា បញ្ហាអាហារូបត្ថម្ភ និងជំងឺរាងកាយដែលមិនត្រូវបានថែទាំ។ ការសិក្សានេះបង្ហាញថា ជំងឺផ្លូវចិត្តមិនត្រឹមតែប៉ះពាល់ដល់មនុស្សដែលមានជំងឺទេ ប៉ុន្តែអាចប៉ះពាល់ដល់ជីវិតកូនៗផងដែរ។ ការយល់ដឹង និងការគាំទ្រគ្រួសារដែលមានបញ្ហានេះ គឺជាវិធីសំខាន់ក្នុងការការពារជីវិត និងសុខភាពដល់មនុស្សជំនន់ក្រោយ៕

អត្ថបទដោយ៖ សារួ