១. ធ្វើជាអ្នកស្ដាប់ឲ្យល្អ៖ នៅពេលដែលដៃគូយើងមានបញ្ហាស្រ្ដេសហើយគាត់ចង់និយាយបញ្ចេញអារម្មណ៍នោះ អ្នកត្រូវតែស្តាប់ដោយបេះដូង។ អ្នកគួរតែអង្គុយនៅមួយកន្លែងហើយប្រើអារម្មណ៍ស្ដាប់គាត់និយាយជាជាងផ្ដល់ដំបូន្មានឲ្យគាត់ ព្រោះថាអ្នកដែលស្រ្ដេសពួកគាត់ទំនោរជាមិនចង់ស្ដាប់ ឬក៏ទទួលដំបូន្មានពីអ្នកណាម្នាក់ទេ តម្រូវការដែលគាត់ចង់បានគឺអ្នកជាដៃគូសូមស្ដាប់ឱ្យយល់ពីបេះដូងរបស់អ្នក។ ព្រោះការស្តាប់ដោយបេះដូងគ្មាននិយាយប្រឆាំង និងរិះគន់ ធ្វើឱ្យបញ្ចេញបានច្រើន ហើយកាន់តែស្រឡាញ់អ្នកលើសដើម។ នេះជាយោងតាមប្រភពគេហទំព័រ talkspace។

២. ឱ្យតម្លៃដៃគូជាអាទិភាពធំ៖ បុរសដែលហ៊ានលះបង់ពេលវេលាផ្ទាល់ខ្លួន ឱ្យអាទិភាពអ្នកជាងមិត្តភក្តិ គឺជាបុរសល្អម្នាក់ដែលអ្នកគួរជ្រើសរើស។ ប៉ុន្តែសូមចាំថា មិនមែនជាបុរសម្នាក់ដែលគិតតែពីស្នេហា បោះបង់ការងារ គ្រួសារ មិនរវល់អ្វីទាំងអស់ គិតតែពីចំណាយពេលច្រើនពេកលើអ្នក យកចិត្ត ទាមទារការចាប់អារម្មណ៍ នោះមិនល្អទៅវិញទេ ព្រោះមនុស្សប្រភេទនេះអាចនឹងងាយប្រែប្រួលទៅពេលខាងមុខ មិនសូវចេះគិតរឿងអនាគតវែងឆ្ងាយជាមួយអ្នកនោះទេ។

៣.អ្នកមានអារម្មណ៍សុវត្ថិភាពពេលនៅជាមួយគ្នា៖ តាមការឱ្យដឹងពីគេហទំព័រ powerofpositivity បានលើកឡើងថា បើគិតដល់មិត្តភក្តិអ្នកអាចជួបគេច្រើន នៅពេលអ្នកមិនរីករាយ ឬមានរឿងក្នុងចិត្តពេលខ្លះគ្រាន់តែបាននៅក្បែរនិយាយលេងជាមួយមិត្ត ក៏ជួយអ្នករំសាយភាពទុក្ខព្រួយបានដែរ។ ហើយអ្នកមិនចង់ឱ្យពួកគេចាកចេញពីខ្លួនអ្នកឡើយ ដោយសារអារម្មណ៍ដ៏ល្អនៅពេលអ្នកចំណាយពេលនៅក្បែរគ្នានោះឯង។ មិនខុសគ្នាប៉ុន្មានដែរពីដៃគូដែលលក្ខណៈសម្បត្តិល្អដូចមិត្តភក្តិគឺអ្នកមានអារម្មណ៍ថាគ្រប់យ៉ាងបានធូរស្បើយនៅពេលមានពេលជាមួយមនុស្សម្នាក់នោះ ដោយមិនចាំបាច់មានកម្មវិធីឬបរិយាកាសអស្ចារ្យអ្វីច្រើនទេ៕ អត្ថបទដោយ៖ ទ្រ សុភាព