ផ្លែឈើ២ប្រភេទ ញុំារាល់ថ្ងៃ សង្រ្គោះស្រ្តីពីជំងឺមហារីក២នេះ
ផ្លែឈើមានច្រើនប្រភេទ ហើយអត្ថប្រយោជន៍របស់វាក៏ខុសៗគ្នាមិនដូចគ្នា ឡើយ មានផ្លែឈើខ្លះញុំាហើយក៏ប៉ះពាល់ដល់សុខភាពរបស់អ្នកដូចគ្នា ពីព្រោះផ្លែឈើនោះសម្បូរជាតិស្ករច្រើន ដែលធ្វើឱ្យអ្នកងាយលើសជាតិស្ករក្នុងឈាម ឡើងគីឡូបាន។ ក៏ប៉ុន្ដែមានផ្លែឈើផ្សេងៗទៀតល្អសម្រាប់សុខភាពរបស់អ្នកញុំា ជាពិសេសគឺអាចជួយការពារជំងឺសាហាវៗបានទៀត។
ជាមួយគ្នានេះដែរ យើងមកណែនាំផ្លែឈើ២ប្រភេទដែលបងប្អូនគួរជ្រើសញុំាពេលព្រឹក ជាពិសេសសម្រាប់អ្នកចង់សម្រកគីឡូ ក៏ត្រូវ អ្នកត្រូវថែសម្រស់ក៏កាន់តែត្រូវ។
ផ្លែឈើ២នោះគឺជាប្រភេទផ្លែប៉ោម និងផ្លែប័រ។ មូលហេតុយើងណែនាំឱ្យបងប្អូនញុំផ្លែនេះក៏ព្រោះវាមានអត្ថប្រយោជន៍ច្រើនណាស់ជួយប្រឆាំងជំងឺមហារីកដូចខាងក្រោម៖
-ការពារជំងឺមហារីកសុដន់៖ នេះបើយោងតាមរយៈការសិក្សាជាច្រើនគេបាន បញ្ជាក់ថានៅក្នុងផ្លែប៉ោមគឺសម្បូរដោយជាតិសរសៃ នឹងសារធាតុប្រឆាំងអុកស៊ីតកម្ម ដែលញុំាទៅមានប្រយោជន៍ច្រើនសម្រាប់ជួយសុខភាព ដូចជាប្រឆាំងជាមួយជំងឺមហារីកសាហាវៗដូចជាជំងឺមហារីកសុដន់ជាដើម។ ដូច្នេះហើយស្រីៗឧស្សាហ៍ញុំាខ្លះផង ព្រោះជំងឺមហារីកសុដន់នេះគឺភាគច្រើនកើតឡើងលើស្រ្តីច្រើនជាងបុរសៗ
-ការពារជំងឺមហារីកមាត់ស្បូន៖ នេះបើយោងតាមរយៈការសិក្សាគេបានបញ្ជាក់ថា នៅក្នុងផ្លែប័រសម្បូរសោយសារធាតុប្រឆាំងអុកស៊ីតកម្ម មានអាស៊ីតខ្លាញ់អូមេហ្គា៣ មានអត្ថប្រយោជន៍ដល់អ្នកញុំា ធ្វើឱ្យអ្នកមានសុខភាពល្អ ជំនួយដល់ខួរក្បាល។ អ្វីដែលកាន់តែអស្ចារ្យជាងនេះ ញុំាផ្លែប័រក៏អាចជួយការពារសុខភាពរបស់អ្នកពីជំងឺមហារីកមាត់ស្បូន។ ដូច្នេះហើយស្រីៗយើងគួរតែឧស្សាហ៍ញុំាផង។ ជាក់ស្ដែងនៅលើស្បូន ស្រ្តីគឺមានច្រើនដូចជា គីសដៃស្បូនជាដើម។
ក្នុងនោះផងដែរ វេជ្ជបណ្ឌិត ទេព សម្ភស្ស ជាប្រធានផ្នែកសម្ភព និងរោគស្រ្តី នៅមន្ទីរពេទ្យកុមារដំរី បានពន្យល់ថាស្រ្តីគ្រប់វ័យគឺអាចកើតជំងឺគីសដៃស្បូន គ្រាន់តែស្រ្តីក្នុងវ័យបន្តពូជគឺប្រឈមកើតច្រើនជាងគេចាប់ពីគាត់មានអាយុ១៤ឆ្នាំ រហូតដល់៤៧ឆ្នាំ។ ចំពោះកត្តាជាច្រើនដែលអាចបង្កឱ្យមានគីសដៃស្បូន គឺមានកត្តាពីកំណើតការលូតលាស់របស់កោសិកាពីកំណើតមិនធម្មតាខុសពីគេ លូតលាស់មិនល្អ កើតជំងឺមហារីកមកតាំងពីកំណើតជាដើម។ កត្តាមួយទៀតគឺស្រ្តីដែលចូលចិត្តញុំារបបអាហារដែលសម្បូរជាតិផ្អែមខ្លាំង ជាតិខ្លាញ់ កាបូអ៊ីដ្រាត អាហារសម្បូរជាតិអរម៉ូន ជាតិគីមីច្រើន គឺធ្វើឱ្យគាត់ប្រឈមជាមួយជំងឺគីសដៃស្បូនហើយ។
ដូច្នេះរបបអាហារខាងលើគួរតែចៀសវា ប្ដូរមកញុំាអាហារស្រាលៗដូចជា ត្រី សាច់មាន់ ស៊ុត បន្លែផ្លែឈើឱ្យបានគ្រប់គ្រាន់។ ទោះបីរបបអាហារទាំងនេះមិនអាចជួយការពារស្រ្តី១០០ភាគរយក៏ដោយ តែល្អជាងញុំាអាហារដែលជួយជម្រុញជំងឺកាន់តែអាក្រក់។
សរុបមក ២មុខខាងលើគួរញុំាឱ្យបានគ្រប់គ្រាន់ ព្រោះមានប្រយោជន៍ធំអាចជួយសុខភាពរបស់អ្នកឱ្យល្អ ហើយការពារជំងឺមហារីកសាហាវ តែ មិនមែនមានន័យថាឱ្យតែញុំា គឺអាចការពារ១០០ភាគរយពីជំងឺមហារីកឡើយ តែញុំាល្អជាងមិនញុំា៕
ប្រភព៖www.nfcr.org