អ្នកធាត់ភាគច្រើនមានអារម្មណ៍ខ្លាច ហូបអាហារនេះ ឬអាហារនោះ សុទ្ធតែឡើងគីឡូ។ ព្រោះតែគាត់អត់បានដឹងថា អាហារណាជួយដុតជាតិខ្លាញ់។ ដើម្បីងាយស្រួល គ្រាន់តែហូបគ្រាប់ធញ្ញជាតិទាំងអស់នេះ អ្នកស្រកគីឡូអត់ដឹងខ្លួននោះទេ។ តើគ្រាប់ធញ្ញជាតិ ៣មុខនេះមានអ្វីខ្លះ?
១.គ្រាប់កៅឡាក់៖ មានកាឡូរីតិចជាងគ្រាប់ធញ្ញជាតិដទៃទៀត មានផ្ទុកដោយជាតិសរសៃច្រើនជាតិនេះ ជាតិខ្លាញ់ទាប ដែលល្អសម្រាប់សុខភាពអ្នក ជួយសម្រកទម្ងន់ក្បាលពោះ មិនធ្វើឱ្យអ្នកឆាប់ឃ្លានអាហារ។ មួយវិញទៀត គ្រាប់កៅឡាក់ក៏មានប្រយោជន៍ជួយដល់សុខភាពរបស់បេះដូង រួមទាំងជួយកាត់បន្ថយជាតិស្ករក្នុងឈាមផងដែរ។
២. គ្រាប់អាល់ម៉ុន៖ អ្នកដែលចូលញ៉ាំគ្រាប់អាល់ម៉ុនភាគច្រើនជួយសម្រកគីឡូ កម្ចាត់ខ្លាញ់ក្បាលពោះបានលឿន។ ព្រោះគ្រាប់ធញ្ញជាតិនេះវាសម្បូរទៅដោយខ្លាញ់ល្អ ជាតិសរសៃ ប្រូតេអ៊ីន កាល់ស្យូម និងវីតាមីនE ដើម្បីជួយរំលាយខ្លាញ់ក្បាលពោះ។ បើយោងតាមគេហទំព័រ California Almonds បានបញ្ជាក់ថា ការញ៉ាំគ្រាប់អាល់ម៉ុនពី ២០ ទៅ ២៣ គ្រាប់ក្នុងមួយថ្ងៃជាបរិមាណល្អសម្រាប់រាងកាយ។ ការញ៉ាំគ្រាប់អាល់ម៉ុនទាំងជួយបញ្ចុះសម្ពាធឈាម បញ្ចុះកូឡេស្ដេរ៉ូល និងកាត់បន្ថយកម្រិតជាតិស្ករក្នុងរាងកាយយ៉ាងល្អ។
៣. គ្រាប់ស្វាយចន្ទី៖ ការញ៉ាំគ្រាប់ស្វាយចន្ទីជាប្រចាំត្រូវបានគេសិក្សារកឃើញថា វាមានឥទ្ធិពលដល់ការកាត់បន្ថយហានិភ័យនៃជំងឺមហារីកទាក់ទងនឹងប្រព័ន្ធរំលាយអាហារមួយចំនួនដូចជាថ្លើម ពោះវៀនធំ និងខ្លាញ់ក្បាលពោះជាដើម។ ព្រោះនៅក្នុងគ្រាប់ស្វាយចន្ទីមានសារធាតុពិសេសម៉្យាងប្រឆាំងនឹងម៉ូលេគុលសេរីទាំងនេះ អាចជួយកាត់បន្ថយហានិភ័យនៃការវិវឌ្ឍន៍របស់កោសិកាមហារីកទាំងឡាយ ជាពិសេសប្រព័ន្ធរំលាយអាហារ។ យោងតាមមូលដ្ឋានទិន្នន័យ FoodData Central នៃក្រសួងកសិកម្មសហរដ្ឋអាមេរិកថា គ្រាប់ស្វាចន្ទីសម្បូរដោយជាតិសរសៃ ជាតិខ្លាញ់ទាប ដែលល្អសម្រាប់អ្នកមានបំណង់ចង់សម្រកទម្ងន់ក្បាលពោះមានប្រសិទ្ធភាពបំផុត៕ អត្ថបទដោយ៖ ទ្រ សុភាព