មនុស្សយើងមានបញ្ហាច្រើនណាស់នៅក្នុងជីវិត គេមើលងាយ គេមិនឱ្យតម្លៃ និងដួលច្រើនម្តងតាមផ្លូវជីវិត បើអ្នកជួបបញ្ហាទាំងអស់នេះហើយបាក់ទឹកចិត្តនោះ ជីវិតរបស់អ្នកនឹងជាប់គាំងមួយកន្លែងមិនខានទេ។ ជីវិតលែងដំណើរការជាជីវិតរស់នៅគ្មានន័យនោះទេ។ ដូច្នេះ កុំឱ្យអ្នកបាក់ទឹកចិត្តតាមការប្រើជីវិតនោះ សូមអ្នកត្រូវដឹងពីគំនិតទាំង ១០នេះ ដើម្បីដឹងពីរសជាតិជីវិត ឱ្យអ្នកមានកម្លាំងចិត្តធ្វើដំណើរទៅកាន់ក្តីស្រមៃយ៉ាងរឹងមាំ។
១. ជីវិតរបស់អ្នកមិនរង់ចាំអ្នកទេ រាល់ថ្ងៃនីមួយៗ ជាថ្ងៃបាត់បង់ជីវិតរបស់អ្នកមួយថ្ងៃដែរ។ ចូរអ្នកក្រោកឡើងជាក្តីសង្ឃឹមជារៀងរាល់ថ្ងៃ ហើយបន្តទៅមុខទៀតចុះ។
២. កុំបង្ខំនរណាម្នាក់ឱ្យជ្រើសរើសអ្នក ឬផ្តល់តម្លៃឱ្យខ្លួនអ្នក។ អ្នកត្រូវរៀនពីសិល្បៈជីវិតដើម្បីចំណាយពេលវេលាតែម្នាក់ឯងយ៉ាងរឹងមាំបានហើយ។
៣. ពេលអ្នកគ្រប់គ្រងលើអារម្មណ៍បានដោយចិត្តស្ងប់ ទោះបីស្ថានការលំបាក ក៏អ្នកអាចយកឈ្នះបានដែរ។
៤. គ្រប់គ្នានឹងបង្ហាញឱ្យអ្នកស្គាល់ខ្លួនគេជានរណា ពេលអ្នកផ្តល់ពេលវេលាឱ្យពួកគេបង្ហាញធាតុពិតចេញមក។
៥. អ្នកមានសន្តិភាពជាមួយខ្លួនឯង ព្រោះតែគេផ្តោតអារម្មណ៍លើខ្លួនឯងហើយបណ្តុះសមត្ថភាពខ្លួនឱ្យខ្លាំង។
៦. គ្មានអ្នកណាខ្វល់ពីអ្នកទេ រឿងមួយដែលអ្នកខំប្រឹងធ្វើរាល់ថ្ងៃគឺទៅមុខ។
៧. បើអ្នកមិនធ្វើការដើម្បីកសាងក្តីស្រមៃរបស់អ្នកទេ នឹងមានគេមកទិញក្តីស្រមៃរបស់អ្នកឱ្យបម្រើគេមិនខានទេ។
៨. ដោះលែងខ្លួនអ្នកចេញពីដំបូន្មានរបស់សង្គម ព្រោះតែពួកគេភាគច្រើនមិនដឹងថាពួកគេកំពុងធ្វើអ្វីដែរទេ?
៩. ជីវិតអ្នកនឹងល្អប្រសើរជាងមុន ១០០% ពេលអ្នករៀនធ្វើល្ងង់ខ្លះ ដើម្បីកុំឱ្យគេដឹងពីចំណុចខ្សោយរបស់ខ្លួន។
១០. អ្នកត្រូវតែឆ្លាតដើម្បីបង្កើតឱកាសឱ្យខ្លួនឯង កុំរង់ចាំឱ្យគេមកបង្កើតឱកាសឱ្យអ្នក៕ អត្ថបទដោយ៖ ទ្រ សុភាព