មនុស្សភាគច្រើនមានរូបរាងលើសគីឡូមកពីរបបអាហារ ចូលចិត្តញ៉ាំអាហារខ្លាញ់ ជាតិផ្អែម និងស្រាជាដើម។ ជាពិសេសអ្ននកបណ្តោយខ្លួនហូបអាហារតាមអារម្មណ៍នោះឯង។ បើអ្នកធាត់ហើយមានបំណងចង់សម្រកគីឡូនោះ អ្នកគួរតែប្តូររបបអាហារចេញ ទើបអ្នកអាចស្រកគីឡូមានសុខភាពល្អ និងមានរាងតាមកក្តីប្រាថ្នារបស់ខ្លួន។ នៅខាងក្រោមនេះ គឺមានអាហារចំនួន ៤ជួយឱ្យអ្នកស្រកគីឡូ។
១. សម្រាប់អាហារមួយនេះគឺសារាយសមុទ្រដែលសម្បូរទៅដោយសារធាតុរ៉ែ ដែលមានជីវជាតិដូចជា ជាតិដែក ហ្វូឡាត ម៉ាញេស្យូម កាល់ស្យូម និងអ៊ីយ៉ូត។ ហើយសារ៉ាយសមុទ្រនេះបានក្លាយជានិមិត្តរូបជនជាតិកូរ៉េរហូតមកដល់បច្ចុប្បន្ននេះដើម្បីសម្រកគីឡូហើយរក្សាការឆ្អែតបានយូរថែមទៀត។
២. ការហូបត្រីមានអត្ថប្រយោជន៍ដល់កាត់ជាតិខ្លាញ់ ហើយជួយសម្រួលអារម្មណ៍រីករាយថែមទៀត។ តាមលោកគ្រូ សំបូរ សោភ័ណ្ឌ ជាអ្នកជំនាញផ្នែកហាត់ប្រាណជាច្រើនឆ្នាំ បានមានប្រសាសន៍ថា ហូបសាច់ត្រីមិនត្រឹមតែជួយសាច់ដុំ និងសម្រកគីឡូទេ ជួយសម្រួលដល់ប្រព័ន្ធរំលាយអាហារក្នុងការគេងឱ្យលក់ស្រួល និងឱ្យភ្ញាក់ពីគេងមានអារម្មណ៍ល្អផងដែរ។ ការគេងលក់ស្រួលនេះក៏ជួយឱ្យឆាប់ស្រកគីឡូបានលឿនផងដែរ។
៣. ការញ៉ាំពោតជួយកាត់គីឡូឆាប់គីឡី។ សមាសភាគសំខាន់នៃពោត គឺកាបូអ៊ីដ្រាត ស្រដៀងទៅនឹងស្រូវដែរ។ ទោះយ៉ាងណា ពោតមានជាតិសរសៃច្រើនមានជាតិខ្លាញ់ទាប ជាពិសេសខ្លាញ់ក្នុងពោតមានខ្លាញ់ល្អដូចជាអូមេហ្គា ៣ អូមេហ្គា ៦ ដើម្បីកាត់ជាតិខ្លាញ់ឱ្យស្រកគីឡូបានលឿន។
៤. គ្រាប់ជីត្រាំរួចលាយជាមួយនឹងទឹកដោះគោស្រស់មួយកែវផឹកជារៀងរាល់ព្រឹក និងយប់ មានអត្ថប្រយោជន៍ខ្ពស់ក្នុងការជួយសម្រួលដល់សុខភាពក្រពះពោះវៀនឱ្យមានដំណើរការល្អ បាត់បន្ថយការឃ្លាន និងជួយសម្រួលដល់ការបន្ទោរបង់ឱ្យបានទៀតទាត់។ ទន្ទឹមនឹងនេះទៀតសោត ទឹកដោះគោជាមួយគ្រាប់ជី ក៏មានប្រយោជន៍ក្នុងការជួយជំរុញកោសិកាស្បែកឱ្យមានសុខភាពល្អ ពន្យាភាពចាស់ កាត់បន្ថយស្នាមជ្រីញជ្រួញ ហើយអ្នកនឹងមានអារម្មណ៍ថាសូម្បីតែគីឡូរបស់អ្នកក៏ស្រកដែរ៕ អត្ថបទដោយ៖ ទ្រ សុភាព