អ្នកខ្លះគិតថា បើខ្ញុំគ្មានទឹកចិត្តអ្វីសោះ... ខ្ញុំគ្មានថាមពលធ្វើការទេ... តើខ្ញុំគួរធ្វើបែបណា? អ្នកត្រូវតែមានគោលដៅនិងការតស៊ូ ដើម្បីសាងអនាគត។ តាមសហគ្រិនជាតិជប៉ុនលោក តួកូ តួស៊ីយ៉ូ បានលើកឡើងថា លទ្ធផលរបស់បុគ្គលម្នាក់ៗ មិនមែនជាលទ្ធផលត្រឹមតែសមត្ថភាពខាងផ្នែកគំនិតនោះទេ គឺដោយសារថាមពល ការគិតពិចារណា និងការព្យាយាមរបស់ជននោះយ៉ាងស្វិតមិនចុះចាញ់ននោះឯង។ មកពីការងារតែងតែមានក្តីលំបាក តែបើតស៊ូដើម្បីក្តីស្រមៃ អ្នកនឹងសម្រេចបានលទ្ធផលក៏អស្ចារ្យណាស់។ លោក បន្ថែមថា ការស្វិតស្វាញក្នុងការងារគ្រាលំបាកជាសមត្ថភាពដើម្បីជម្នះវាសនាអាក្រក់ ជម្នះសភាពទន់ស្លុតចំពោះមុខឧបសគ្គ ការខូចចិត្ត ខកចិត្ត និងបរាជ័យ ធ្វើឱ្យអ្នកលេចចេញឡើងពីសមត្ថភាពប្រឌិតខ្ពស់ឡើង។
ហេតុនេះហើយ ចូរប្រុងប្រៀបស្មារតីរបស់អ្នកក្នុងគោលបំណងធ្វើឲ្យការងាររបស់អ្នកដែលមានគោលដៅ ទោះបីការងារនោះមានលក្ខណៈលំបាកយ៉ាងណាក៏ដោយ។ គ្មានអ្វីដែលមានការលំបាកធ្វើមិនកើតនោះទេ បើអ្នកខ្វះការស្វិតស្វាញចំពោះកិច្ចការហើយ អ្នកនឹងដួល នេះជាការមានជឿខុសក្នុងការគិតរបស់អ្នក។
ចំណែកលោក គឹម វូឈុង លើកឡើងថា ការមានជំនឿចិត្ត និងការទុកចិត្តលើកិច្ចការដែលអ្នកចាប់ផ្តើមធ្វើនោះ ព្រោះគ្មានអ្វីមួយដែលធ្វើមិនកើតទេ។ អ្នកត្រូវតែមានទំនុកចិត្ត ហើយមានគំនិតប្រាកដនិយម ដល់អញ្ចឹងទៅ គ្មានអ្វីមកជំទាស់ជាឧបសគ្គឡើយ។ នៅគ្រប់ទីកន្លែងមានឱកាសជាច្រើនបានលាក់ខ្លួនបំពួន ហើយរង់ចាំឲ្យអ្នករកឃើញតែប៉ុណ្ណោះ ពេលអ្នកតស៊ូយ៉ាងស្វិតស្វាញនោះ។ ជីវិតបើកទ្វារចំពោះជនណាដែលមានគំនិតប្រាកដនិយម ជនណាដែលមានការទុកចិត្ត និងជំនឿជនណាដែលជំនះឆាកជីវិតយ៉ាងស្វាហាប់។ វត្ថុទាំងអស់នេះបានក្លាយទៅជាការពិតដោយសារមានជនជាច្រើនមានជំនឿ និងការទុកចិត្តលើខ្លួនឯង ហើយជនរបៀបនេះហើយ ដែលនៅតែបន្តការសរសេររប្រវត្តិសាស្រ្តសកលលោកជាអ្នកឈ្នះនេះឯង៕ អត្ថបទដោយ៖ ទ្រ សុភាព