អាស្រ័យហេតុនេះក្រុមការងារចាបបៃតង នឹងធ្វើការលើកយកវីតាមីន៣ប្រភេទដែលមានប្រយោជន៍ច្រើនសម្រាប់ជំនួយដល់សុខភាពរបស់ខួរក្បាល ជាពិសេសសុខភា​ពរបស់ស្បែកតែម្ដង។ សម្រាប់ស្រ្តីៗបុរសៗដែលចង់បានស្បែកស្អាតមិនងាយចាស់តាមអាយុរបស់ខ្លួនអាចញុំាវីតាមីននេះ2បាន នេះបើយោងតាមរយៈគេហទំព័រ verywellhealth.com។ 

ទី១វីតាមីនស៊ី ៖ គ្រប់គ្នាប្រាកដជាដឹងពីអត្ថប្រយោជន៍របស់វីតាមីនស៊ីច្រើនហើយ ទោះបីក្រុមការងារចាបបៃតងមិននិយាយជឿថា អ្នកស្រឡាញ់សុខភាព ជាពិសេសស្រីៗមានសម្រស់ស្រស់ស្អាតជាច្រើនពិតជាបានដឹងច្បាស់។ វីតាមីនស៊ីគឺជាវីតាមីនមួយប្រភេទដែលគ្រូពេទ្យសើរស្បែកណែនាំឱ្យប្រើប្រាស់ក្នុងការជួយពន្យារភាពចាស់នៃស្បែក ស្នាមអុចខ្មៅជាដើម។ ព្រោះវីតាមីនស៊ីមានសារធាតុប្រឆាំងអុកស៊ីតកម្ម ប្រឆាំងជាតិពុលដែលបង្កជាគ្រោះថ្នាក់ដល់ស្បែករបស់អ្នក រួមទាំងជួយជម្រុញការផលិតកូឡាជេនរបស់ស្បែក។ 

ទី២អូមេហ្គា៣៖ ត្រូវបានគេទទួលស្គាល់ថាមានប្រយោជន៍ជាច្រើនដល់សុខភាពរបស់ខួរក្បាល ច្រើនបំផុត។ អត្ថប្រយោជន៍ទាំងនោះមានដូចជា ជំនួយការចងចាំ ធ្វើឱ្យខួរក្បាលស្រឡះ ការពារជំងឺធ្លាក់ទឹកចិត្ត និងផ្តោតអារម្មណ៍បានល្អ។ អាស៊ីតខ្លាញ់អូមេហ្គា៣ក៏មានប្រយោជន៍ជួយដល់សុខភាពរបស់ស្បែកដូចគ្នា។ ដូច្នេះប្រសិនណាអ្នកចង់បានសុខភាពរបស់ស្បែកល្អ អាចញុំាប្រភេទអូមេហ្គា៣បាន តែមុនញុំាគួរតែពិភាក្សាជាមួយគ្រូពេទ្យជំនាញជាមុនសិន​ដើម្បីអាចដឹងពីបរិមាណប៉ុណ្ណាទើបត្រឹមត្រូវ មិនបង្កជាគ្រោះថ្នាក់ដល់សុខភាពរបស់អ្នកនៅពេលក្រោយ ព្រោះបើញុំាលើសបរិមាណគឺប្រាដកជាអាចគ្រោះថ្នាក់។ ចំពោះអូមេហ្គា៣ប្រសិនណាអ្នកមិនចង់ញុំាជាប្រភេទថ្នាំគ្រាប់ អាចញុំាជាប្រភេទអាហារជំនួសវិញ គឺអូមេហ្គាមានក្នុងសាច់ត្រី ដូច្នេះអ្នកអាចញុំាសាច់ត្រី៣ដងក្នុង១សប្ដាហ៍ល្អសម្រាប់សុខភាព៕