អាហារដែលមានជាតិវីតាមីន និងជាតិកាកសរសៃខ្ពស់ជួយសម្រួលដល់ការបន្ទោរបង់និងសម្រកគីឡូ។ មានផ្លែឈើមួយចំនួនក៏ជួយសម្រកគីឡូដែរ។ ប៉ុន្តែអាហារខ្លះក៏ជាកត្តារារាំងដល់ការសម្រកគីឡូរបស់អ្នក ថែមទាំងអាចធ្វើឱ្យអ្នកឡើងគីឡូលើសដើមទៀត បើអ្នកញុំាគ្មានពេលវេលាត្រឹមត្រូវទេនោះ។ យោងតាមប្រភព Healthline ក្នុងនោះមានអាហារ ៤នេះធ្វើឱ្យធាត់លើសដើម។
១.ផ្លែទុរេន៖ ទុរេន ជាផ្លែឈើដែលមានរសជាតិផ្អែមដិតខ្លាំង និងមានផ្ទុកកាលឡូរីខ្ពស់។ ការញុំាទុរេនក្នុងបរិមាណច្រើនញឹកញាប់ នឹងធ្វើឱ្យបរិមាណជាតិស្ករក្នុងខ្លួនអ្នកមានការកើនឡើងដែលជាកត្តារារាំងការសម្រកគីឡូរបស់អ្នក។
២. គ្រឿងស្រវឹង ៖ ការផឹកគ្រឿងស្រវឹងច្រើនពេក អ្នកមិនសម្រកគីឡូបានទេ។ ពីព្រោះស្រាគឺជាភេសជ្ជៈដែលមានកាឡូរីខ្ពស់។ ឧទាហរណ៍៖ ស្រាក្រហមមួយកែវមានផ្ទុកកាឡូរី ១២៥ កាឡូរីជាមធ្យម។ បើអ្នកចងសម្រកទម្ងន់ អ្នកគួរជៀសវាងគ្រឿនស្រវឺង។
៣. ភេសជ្ជៈជាតិផ្អែម ៖ មានការស្រាវជ្រាវមួយបានបង្ហាញថា “បរិមាណជាតិស្ករក្នុងរបបអាហារជះឥទ្ធិពលដល់ការឡើងទម្ងន់។ ប៉ុន្តែភាគច្រើននៃបញ្ហានេះ វាមានការទាក់ទងជាមួយនឹងការផឹកភេសជ្ជៈមានជាតិស្ករ និងមានកាឡូរីខ្ពស់។ ហើយភេសជ្ជៈនេះ ដើរតួរយ៉ាងសំខាន់ធ្វើឱ្យអ្នកធាត់លឿន មានជំងឺទឹកនោមផ្អែមប្រភេទទី ២ និងជំងឺបេះដូងផងដែរ។
៤. នំខេក៖ អ្នកជំនាញ ហៃហ៊ីម Hayim បានសង្កត់ធ្ងន់ថា “ ទោះបីជានំខេកដែលយើងកុម្មង់មានផ្ទុកកាឡូរីច្រើនក៏ដោយ អាហារសម្រន់នេះគឺពោរពេញទៅដោយជាតិស្ករ ហើយត្រូវបានរំលាយយ៉ាងលឿនដែលធ្វើឲ្យអ្នកឃ្លានញុំាទៀត និងឃ្លានខ្លាំងហើយឱ្យអ្នកចេះតែឡើងគីឡូរហូត។
ដូចនេះ ជាការល្អអ្នកគួរតែតមអាហារមួយពេល និងហូបអាហារបីពេលក៏ជួយអ្នកឱ្យសម្រកគីឡូដែរ។ អ្នកត្រូវតែកាត់បន្ថយអាហារជាតិផ្អែម ជាតិព្រៃ ខ្លាញ់ និងអាហារខាងលើ។ ហើយហូបបន្លែត្រីសាច់ដែលមានជាតិខ្លាញ់ឱ្យតិច ហូបផ្លែឈើ និងផឹកទឹកឱ្យបានគ្រប់់គ្រាន់ ហើយអ្នកត្រូវព្យាយាមធ្វើលំហាត់់ប្រាណបន្ថែមដើម្បីដុតជាតិខ្លាញ់ក្បាលពោះបានល្អ ហៅថា ស្រកគីឡូលឿនហើយសុខភាពល្អ៕ អត្ថបទដោយ៖ ទ្រ សុភាព