ចង់បាត់ឈឺចុកពេលមករដូវ! ស្រីៗគួរមានទម្លាប់៣នេះ តាំងពីមុនថ្ងៃត្រូវមករដូវ
ជារឿងធម្មតាទេ ដែលស្រីយើងមានបញ្ហាពិបាកក្នុងខ្លួន ចុកចង្កេះ ចុកខ្នង ឈឺក្បាល អស់កម្លាំងឡើងមក។ អាការចុកនេះវិញ វាជារឿងធម្មតា តែអាចមិនធម្មតាទេ ព្រោះមានបងប្អូនស្រីៗខ្លះចុកធ្វើអ្វីមិនកើតតែម្ដង ហើយពិសេសឈាមរដូវមកច្រើន ឬក៏មកកកដុំទៀតកាន់តែល្ហើយក្នុងខ្លួនកាន់តែខ្លាំង។
ដូច្នេះហើយ យើងមកប្រាប់ទម្លាបើ៣យ៉ាងដែលស្រីៗគួរតែធ្វើនៅមុនថ្ងៃមករដូវ ដើម្បីជួយឱ្យការរដូវមិនសូវឈឺចុកចាប់ មិនសូវពិបាកក្នុងខ្លួនខ្លាំង។
ទម្លាប់ទី១ ញុំាអាហារ ប្រភេទអាហារណាល្អ អាហារណាមិនល្អ បងប្អូនស្រីៗយើងច្បាស់ជាបានដឹងច្រើនមកហើយ។ ការញុំាអាហារបែបសុខភាពច្រើន ញុំាអាហារគ្រប់គ្រាន់។ ចេះកាត់បន្ថយរបបអាហារប់ះពាល់សុខភាពនោះ រដូវប្រចាំខែរបស់បងប្អូនស្រីៗក៏ល្អដូចគ្នា អាចមកទៀងទាត់ មកមិនសូវជាពិបាកក្នុងខ្លួនប៉ុន្មាននោះទេ។ តែផ្ទុយទៅវិញបើខែណាមួយបងប្អូនញុំាមិនគិត ញុំាតែអាហារមិនល្អ បងប្អូនសាកសង្កេតមើលវដ្ដរដូវខ្លួនឯងផងថា បែបណា។
ទម្លាប់ទី២ហាមស្រ្តេសច្រើន៖ ការសិក្សាជាច្រើនគេបានបញ្ជាក់ថា ស្រ្តេសច្រើន ធ្វើឱ្យមនុស្សប្រឈមអាយុខ្លីខ្លាំង ព្រោះគាត់ងាយមានជំងឺច្រើន ដូចជា ក្រពះ លើសឈាម ជំងឺបេះដូង ទឹកនោមផ្អែមប្រភេទទី២ជាដើម។ ហើយស្រ្តេសនេះក៏ជាបញ្ហាធំមួយប៉ះពាល់ដល់វដ្ដរដូវរបស់បងប្អូនស្រីៗយើងដូចគ្នា អាចមករដូវមិនទៀង មកតិចពេក ឬក៏មកច្រើនជ្រុល ឬក៏មកមានអាការឈឺចុកចាប់ខ្លាំង ខុសពីខែធម្មតា។ ដូច្នេះបងប្អូនសាកសង្កេតខ្លួនឯងមើល បើខែណាស្រ្តេស វដ្ដរដូវរបស់បងប្អូនមិនល្អទេ។
ទម្លាប់ទី៣គេងឱ្យបានគ្រប់ និងហាត់ប្រាណ បងប្អូនគួរតែគេងឱ្យបានគ្រប់ ឬក៏គេងឱ្យទៀងម៉ោង មានន័យថាបើម៉ោង១០គេង ដល់ម៉ោងត្រូវតែគេង។ ទម្លាប់បែបនេះគឺជួយរាងកាយរបស់បងប្អូនបានច្រើនណាស់ គេងគ្រប់គ្រាន់ រាងកាយរឹងមាំ មិនងាយឈឺមិនងាយមានជំងឺ សម្រស់ក៏ស្អាតចំណែកផ្លូវចិត្តល៏ល្អ ចំណែកឯវដ្ដរដូវក៏មិនសូវមានបញ្ហាដែរ។ចំណែកការហាត់ប្រាណទៀងទាត់ទៀតកាន់តែជំនួយសុខភាពខ្លាំងបំផុត។
ជាចុងក្រោយ បើសិនបងប្អូនមានបញ្ហារដូវមកមិនទៀងរុំារ៉ៃ មកហើយឈឺចុកចាប់រាប់ខែ ឆ្នាំមើលទៅមិនដែលស្រួលខ្លួនសោះអាចថាមិនមែនជារឿងធម្មតាទេ វាអាចបញ្ជាក់ពីបញ្ហាសុខភាពរបស់បងប្អូនដូចគ្នា ដូច្នេះបើមានការសង្ស័យណាមួយគួរប្រញាប់ទៅជួបពេទ្យឯកទេសឱ្យបានលឿន ការពារទុកមុន៕