សព្វថ្ងៃនេះ មនុស្សភាគច្រើនលើសជាតិខ្លាញ់ ឡើងគីឡូ និងធាត់ជាដើម។ បញ្ហាខ្លាញ់នេះអាចនាំឱ្យមានការស្ទុះសរសៃឈាម ហើយដាច់សរសៃឈាមនាំពិការផ្នែកណាមួយនៃរាងកាយជាមិនខាន។ ដូច្នេះ! ការញ៉ាំផ្លែឈើកាត់ជាតិខ្លាញ់ចេញពីរាងកាយគឺផ្លែប័រនេះឯង។ ពេលនេះផ្លែប័រមានលក់ពេញផ្សារអ្នកអាចរកទិញបានដោយងាយ។
ការញ៉ាំផ្លែប័រដើម្បីកាត់បន្ថយខ្លាញ់ក្នុងឈាមហើយជួយស្រកគីឡូផងដែរ។ ព្រោះផ្លែប័រសម្បូរទៅដោយជាតិខ្លាញ់ល្អនាំឱ្យមានសុខភាពល្អ មិនត្រឹមតែល្អសម្រាប់បេះដូង និងខួរក្បាលនោះទេ វាជារង្វាន់ល្អបំផុតដល់សរសៃឈាមដើរស្រួលគ្មានការស្ទុះជាតិខ្លាញ់នោះទេ។ ផ្លែប័រសម្បូរជាតិអាស៊ីតខ្លាញ់អូមេហ្គា៣ និងកាត់ខ្លាញ់អាក្រក់ (LDL) ហើយបង្កើនខ្លាញ់ល្អក្នុងរាងកាយ (HDL) នេះបើយោងតាមសមាគមបេះដូងអាមេរិកបានចុះផ្សាយផងដែរ។
ហើយអាហារសម្បូរខ្លាញ់ល្អរួមមានប្រេងអូលីវ វ៉ាល់ណាត់ អាល់ម៉ុង ត្រីសាម៉ុង និងត្រីសាឌីន។ ចំពោះផ្លែប័រជាប្រភពដ៏ល្អនៃជាតិសរសៃមានប្រហែល ១៤ក្រាមក្នុងមួយផ្លែ នេះបើយោងតាម USDA ។ ជាតិសរសៃជួយបង្កើនកម្រិតកូឡេស្តេរ៉ុលល្អ និងគ្រប់គ្រងកម្រិតកូឡេស្តេរ៉ុលអាក្រក់។ ខ្លាញ់អាក្រក់ (Trans fats) មិនល្អសម្រាប់បេះដូង សរសៃឈាម និងសុខភាពទូទៅរបស់អ្នកទេ។ ការហូបអាហាររាងប្រៃៗ លើសកម្រិតជាប្រចាំថ្ងៃអាចបង្កើនហានិភ័យដល់ជំងឺលើសឈាមនិងខូចតម្រងនោមថែមទៀត។ វិធីរីករាយញ៉ាំផ្លែបឺរលាយជាមួយផ្លែប៉ោម ជាមួយសាឡាត់ ជាមួយស៊ុត ជាមួយនំមានជាតិផ្អែមតិចៗ ជាមួយទឹកដោះគោ...ការហូបរបៀបនេះកុំឱ្យមានអារម្មណ៍ធុញជាមួយអាហារសុខភាពហើយមានសុខភាពល្អសរសៃឈាមផងដែរ៕ អត្ថបទដោយ៖ ទ្រ សុភាព