១. ចេះអស់កម្លាំងគ្រប់ពេលវេលា៖ រោគសញ្ញាទីមួយនេះគឺមនុស្សភាគច្រើនសង្កេតឃើញគឺចេះតែមានអារម្មណ៍ខ្សោយៗ និងអស់កម្លាំងណាស់។ វាមិនមែនអស់កម្លាំងមកពីធ្វើការទេ ទោះបីមិនធ្វើការក៏អស់កម្លាំងខុសប្លែកពីធម្មតាដែរ។ មូលហេតុមកពីតម្រងនោមមិនអាចច្រោះកាកសំណល់ចេញ វាធ្វើឱ្យមានការប្រមូលផ្តុំជាតិពុលក្នុងឈាមកាន់តែច្រើននាំឱ្យមានផលប៉ះពាល់ដល់កម្រិតថាមពលរបស់អ្នកនេះឯង។

២. ហើមកជើង ដៃ ឬមុខជាដើម៖ ពេលតម្រងនោមគ្មានសមត្ថភាព​ច្រោះ​ជាតិ​​អំបិល​ចេញពី​រាងកាយ​ទេ វានាំឱ្យហើម។ មកពីជាតិអំបិលលើសកម្រិតនៅក្នុងតម្រងនោមនេះឯង។ ជាការបង្ហាញឱ្យឃើញនៅលើជើង កជើង ដៃ និងនៅលើភ្នែករបស់អ្នករាងហើមៗ ខុសប្លែកពីធម្មតា។

៣. ប្តូរទឹកនោមមានដូចជា៖ មានការនោមញឹកញាប់នៅពេលយប់។ ទឹកនោមពពុះដែលបង្ហាញពីប្រូតេអ៊ីននៅក្នុងទឹកនោម។ ពេលទឹកនោមមានឈាម។ ទឹកនោមស្លេកៗ។ ឈឺចាប់អំឡុងពេលនោម។ មានក្លិនទឹកនោមខ្លាំង។ បើអ្នកមានបញ្ហានេះ លើសពីពីរបីថ្ងៃ អ្នកគួរទៅពិគ្រោះជាមួយគ្រូពេទ្យទើបល្អ។

៤. ពេលអ្នកមានស្បែក​ស្ងួត ហើយ​មាន​ដំបៅ​រមាស់​នោះ អាចមកពី​កង្វះ​ជាតិ​រ៉ែ​ដោយ​មាន​ការបង្ក​រោគ​ឬ​ជំងឺ​នៅ​តម្រង​នោម​។​ មានសញ្ញាមួយទៀតគឺពេលអ្នកមានអារម្មណ៍ត្រជាក់ខុសពីធម្មតាក៏អាចទាក់ទងនឹងរោគសញ្ញាខ្សោយតម្រងនោមខ្លះផងដែរ។

៥. ដង្ហើមរាងខ្លី៖ អ្នកមានបញ្ហាតម្រងនោមអាចជួបប្រទះជាមួយការដកដង្ហើមរាងខ្លីៗ មកពីខ្សោយតម្រងនោមពាក់ព័ន្ធដល់សួតទៀត។ ជាការប្រមូលផ្តុំដោយសារធាតុរាវនៅក្នុងសួតរបស់អ្នកនេះឯង។ បញ្ហាតម្រងនោមជាធម្មតាអាចបណ្តាលឱ្យមានភាពស្លេកស្លាំងមកពីសរសៃឈាមរបស់អ្នកមិនអាចដឹកជញ្ជូនអុកស៊ីហ្សែនបានពេញរាងកាយ វា​ធ្វើ​ឱ្យ​ពិបាក​ដកដង្ហើមជា​ពិសេស​ពេល​ហាត់ប្រាណ ឬ​ពេល​ដេកតែម្តង​៕ អត្ថបទដោយ៖ ទ្រ សុភាព