ញុំាល្មមៗបានហើយ! ញុំាសាច់ច្រើនងាយប្រឈមជំងឺ២នេះខ្លាំងបំផុត គ្រោះថ្នាក់ដល់ជីវិត
ការញុំាសាច់ គឺមិនមែនហាមឃាត់មិនឱ្យញុំានោះទេ ដូចជាសាច់គោ សាច់ជ្រូកជាដើម ព្រោះសាច់ទាំងអស់នេះគឺសម្បូរវីតាមីនប្រូតេអ៊ីនមានប្រយោជន៍រាងកាយរបស់មនុស្សគ្រប់គ្នាត្រូវការជាចាំបាច់។
ក៏ប៉ុន្ដែការញុំាសាច់ច្រើន ក៏ងាយបង្កជាគ្រោះថ្នាក់ដល់សុខភាពរបស់អ្នកញុំាដូចគ្នាដូច្នេះហើយប្អូនញុំាក្នុងបរិមាណមួយគ្រប់គ្រាន់ កុំលើសខ្លាំងពេក ហើយក៏កុំអត់មិនសោះដូចគ្នា។
ខាងក្រោមនេះគឺជាជំងឺ៣ប្រភេទដែលងាយនឹងកើតឡើងលើអ្នកភាគរយខ្ពស់ បើអ្នកជាមនុស្សមានទម្លាប់ញុំាសាច់ច្រើនរាល់ថ្ងៃ។
១.ប្រឈមជំងឺស្ទះសរសៃឈាមបេះដូង៖ នេះបើយោងតាមរយៈការសិក្សានៅសាកលវិទ្យាល័យhavword បានឱ្យដឹងថា សាច់ក្រហមគឺសម្បូរដោយខ្លាញ់អាក្រក់ៗជាច្រើន។ ដូច្នេះបើអ្នកញុំាច្រើន គឺងាយនឹងធ្វើឱ្យអ្នកប្រឈមជាមួយជំងឺស្ទះសរសៃឈាមក្នុងបេះដូង ទាំងមិនដឹងខ្លួន។ ក៏ប៉ុន្ដែមិនមែនមានន័យថាមិនឱ្យញុំាទេ តែគួរញុំាក្នុងបរិមាណត្រឹមត្រូវណា ព្រោះសាច់ក៏មានប្រយោជន៍សម្រាប់សុខភាព។
២.ប្រឈមជំងឺមហារីក៖ ជាការពិតណាស់ តាមរយៈការសិក្សាគេបានរកឃើញថា ការញុំាសាច់ក្រហមច្រើនគឺងាយនឹងធ្វើឱ្យអ្នកងាយប្រឈមនឹងជំងឺមហារីកជាច្រើនប្រភេទមានដូចជា ជំងឺមហារីកស្បូន មហារីកពោះវៀនធំ មហារីកលំពែង មហារីកថ្លើម និងមហារីកសួតជាដើម។ ក៏ប៉ុន្ដែមិនមែនឱ្យតែញុំាសាច់ដឹងតែបងប្អូនប្រឈមជំងឺមហារីកដូចបានរៀបរាប់ខាងលើ100ភាគរយនោះទេ៕