ទ្វារមាសរបស់មនុស្សស្រី ជាតំបន់ដែលងាយក្នុងការមានបញ្ហា ឆ្លងមេរោគ បាក់តេរី ប្រសិនបើយើងមានទម្លាប់ប្រចាំថ្ងៃអត់ល្អ ហើយមិនចេះរក្សាអនាម័យ។
ក្នុងនោះដែរ គឺមានទម្លាប់អាក្រក់ចំនួន៣ ដែលមនុស្សគួរតែចៀសវាងកុំធ្វើ ប្រសិនបើមិនចង់ឱ្យតំបន់ទ្វារមាសមានការឆ្លេងមេរោគ៖
ទម្លាប់ទី១ ការស្លៀកខោក្នុងតឹងរឹបខ្លាំងហើយលើសម៉ោងកំណត់ ជាទូទៅខោក្នុងមួយគឺគេតម្រូវឱ្យស្លៀកត្រឹមតែរយៈពេល១២ម៉ោងប៉ុណ្ណោះ ហើយចំពោះខោក្នុងនេះដែរគឺគេមិនណែនាំឱ្យស្លៀកខោក្នុងដែលមានសាច់ក្រាស់ តឹង ហើយរឹងខ្លាំងនោះទេ ពីព្រោះវាធ្វើឱ្យគ្មានខ្យល់ចេញចូលនៅតំបន់ទ្វារមាសបានល្អ ជាហេតុនាំឱ្យមានការឆ្លងមេរោគ។
ទម្លាប់ទី២ ការដុះសាប៊ូដែលមានក្លិនក្រអូបនៅតំបន់ទ្វារមាស បងប្អូនស្រ្តីមួយចំនួនគាត់នៅមានទម្លាប់តែងតែដុសស្អាតទ្វារមាសជាមួយសាប៊ូដុសខ្លួនរាល់ពេលដែលគាត់ងូតទឹកដោយគាត់យល់ថាការធ្វើបែបនេះគឺជួយឱ្យទ្វារមាសរបស់គាត់ស្អាត គ្មានមេរោគគ្មានក្លិន។ ប៉ុន្តែការធ្វើបែបនេះគឺគ្រោះថ្នាក់ខ្លាំងមែនទែន ព្រោះថានៅតំបន់ទ្វារមាសគឺមានរបាំងការពារធម្មជាតិ បើដុះសាប៊ូដែលមានក្លិនក្រអូប គឺវាធ្វើឱ្យងាប់របាំងការពារ ជាហេតនាំឱ្យមេរោគខាងក្រៅងាយឆ្លងចូលបំផុត ដូច្នេះរាល់ពេលងូតទឹកបងប្ងូនគ្រាន់តែដុសលាងទ្វារមាសជាមួយទឹកស្អាតធម្មតាបានហើយហាមប្រើសាប៊ូ។
ទម្លាប់ទី៣ ដែលបងប្ងូនស្រ្តីតែងនិយមចូលចិត្តធ្វើនោះគឺ ការញ៉ាំអាហារហឹរ អាហារលើសជាតិផ្អែម គ្រឿងកំប៉ុង អាហារបំពង អាហារកែច្នៃ មីអីជាដើម ស្រ្តីដែលចូលចិត្តញ៉ាំពពួកអាហារគឺវាធ្វើឱ្យទ្វារមាសមានសភាពស្ងួត ក្តៅក្នុងជាហេតុនាំឱ្យបងប្អូនងាយនឹងធ្លាក់សបំផុត។ លើសពីទៀតហាសបងប្ងូនស្រ្តីដែលគាត់ចូលចិត្តញ៉ាំខ្ទឹមបារាំងក៏អត់ល្អដែរ ពីព្រោះនៅពេលយើងញ៉ាំខ្ទឹមបារាំងគឺវានឹងបញ្ចេញក្លិនមិនល្អមកក្រៅតាមរយៈការបត់ជើងតូច ហើយក្លិនទាំងនោះវានឹងនៅជាប់នឹងទ្វារមាស ជាហេតុនាំឱ្យទ្វារមាសនឹងគឺមានក្លិនអាក្រក់។
សរុបមកវិញវិញ ប្រសិនបើបងប្ងូនស្រ្តីដែលបានស្តាប់វីដេអូនេះហើយ ហើយទម្លាប់ទាំង៣ខាងលើជាទម្លាប់ដែលបងប្អូនតែងធ្វើជាប្រចាំនោះ គឺត្រូវប្រញាប់បញ្ឈប់ និងងាកមកថែសុខភាពទ្វារមាសឱ្យបានល្អ ញ៉ាំអាហារល្អ រក្សាអនាម័យ កាលណាទ្វារមាសសុខភាពល្អ បងប្អូននឹងចេះធ្លាក់ស ហើយស្បូនក៏គ្មានជំងឺដែរ។