រោគសញ្ញាបង្ហាញថាអ្នក អាចប្រឈមជំងឺ​ឫសដុងបាត ទាំងវ័យក្មេងមិនដឹងខ្លួន

ជំងឺឫសដូងបាត ជាជំងឺមួយដែលកើតឡើងដោយសារសរសៃឈាមឫសដូងបាត ​នៅក្នុងរន្ធគូទឡើងប៉ោង លៀនចេញមកក្រៅ ដែលជាផលរំខានដល់អ្នកជំងឺទើបគេហៅថា ជំងឺឫសដូងបាត មិនមែនជាដុំឫសដែលដុះនៅក្នុងរន្ធគូទទេ ពីព្រោះថា ឫសដូងបាត ជាបណ្ដុំសរសៃឈាមដែលមនុស្សគ្រប់គ្នាមាន ហើយសរសៃឈាមឫសដូងបាតនោះ គឺមាននាទីប្រមាណជា ២៥%ក្នុងការចូលរួមទប់លាមកជាមួយសាច់ដុំគូទ។

ក្នុងអត្ថបទនេះយើងនឹងមកចែករំលែក​ រោគសញ្ញាបង្ហាញថាអ្នកអាចកើតជំងឺឫសដូងបាត រួមទាំងកត្តាមួយចំនួនដែលធ្វើឱ្យអ្នកើតទាំងមិនដឹងខ្លួនថាកើត។

-ច្រើនកើតលើ មនុស្សដែលចូលចិត្តអង្គុយលើចានបង្គន់យូរៗពេលបត់ជើងម្ដងៗ

-ច្រើនកើតលើក្រុមមនុស្សដែលឧស្សាហ៌រាគច្រើន ឬក៏គាត់ឧស្សាហ៍ទល់លាមកច្រើន

-ច្រើនកើតលើអ្នកមិនសូវញុំាអាហារមានជាតិសរសៃច្រើន ជាហេតុធ្វើឱ្យលាមកគាត់ក្ដៀន ក៏បង្កជាជំងឺឫសដូងបាតឡើងមក

-ច្រើនកើតលើ មនុស្សស្រីដែលគាត់ សម្រាលកូនរួច ព្រោះគាត់ប្រឹងកម្លាំងដើម្បីសម្រាលកូន ដូច្នេះគាត់ក៏ប្រឈមកើតជំងឺ​ឫសដូងបាតឡើងមក។

រោគសញ្ញាជំងឺឫសដូងបាត៖

-លាមកមានលាយឈាម ពេលបត់ជើងម្ដងៗ

-មានរមាស់នៅតំបន់រន្ធគូទ

-មានដុំពក ហើមនៅតំនបង់រន្ធគូទ

-ពិបាកក្នុងការ​បត់ជើង បត់ជើងម្ដងណា មានអារម្មណ៌ថាមិនអស់

-ជាពិសេសមានលៀនដុំសាច់ចេញមកខាងក្រៅ។

សរុបមកបើសិនអ្នកធ្វើទម្លាប់ខាងលើនេះសូមផ្អាកបើមិនចង់កើតជំងឺឫសដុងបាតទាំងវ័យក្មេង​ ។ មួយវិញទៀត បើសិនអ្នកមានរោគសញ្ញាដូងបានរៀបរាប់ខាងលើ អ្នកអាចទៅពិគ្រោះជាមួយវេជ្ជបណ្ឌិតជំនាញ ឯកទេសជំងឺក្រពះ ពោះវៀន ថ្លើម និង​ឫសដូងបាត ដើម្បីបញ្ជាក់កាន់តែច្បាស់​ថាបងប្អូនមានជំងឺ​ឫសដូងបាតឬក៏អត់ បើមានក៏យើងទាន់ពេល ព្រោះជំងឺនេះពេទ្យអាចព្យាបាលជា ហាមបងប្អូនទៅរកគ្រូខ្មែរដើម្បីព្យាបាល ប្រយ័ត្នគ្រោះថ្នាក់ខ្លាំង យើងណែនាំឱ្យបងប្អូនទៅព្យាបាលជាមួយពេទ្យ៕

ឯកសារយោង៖​.medicalnewstoday ,mayoclinic